Akisi 16:1 - Godoni vuʼa maiuʼina

¹ 'Enarena hu Tepi 'ee Risitara 'u'o roana. 'E'eme tisaiporua pina ijí hinuna. Huni ihijaho Timotina. Huni ohijaho Jua 'ee hu nimaa roji'ina kaivo huni omijaho Kuriki.

Akisi 16:1 Iomraidhean Croise

Akisi 14:1

'Ejume pu va'e Aikoniami Jua puni Sinakoku vaji ahume hine vu'a 'unama ani'inijino 'waravume ea mapoka Jua 'ee Kuriki nimaa rojara.

Akisi 14:21

'Enareja pu ijino Godoni vu'a maa maiu'ina ea najahume ea mapoka tisaiporua'e rejara. 'E'eme pu 'unama Resitira 'ee Aikoniami 'ee Enitioki va'ara.

Akisi 14:6

'Ejumakame pu no'o ijí henareja juhaha va'e kwaa iha Raikonia va'areja ara iha Risitara Tepi 'wavuji va'ara. 'Ee ijí ara kajihipuni rori ara 'aho'a kajino va'ara.

Akisi 17:14

'Ejumakame ni'aha kwino ea ka'ene nimaa roji'ina kajipo Poruho ranavume soha rori va'ana. 'E'eme Sairasi'o Timoti'o ijino hijara.

Akisi 18:5

'E'eme Sairasi'o Timoti'i Mesatonia rene roara. Poruho na'ia mapoka huni vea natohwa Godoni ira toi raname hine Jua najahe ijá 'iama Jesuho Kerisona 'iamana.

Akisi 19:22

'Enarena hu Timoti'o Irasitasi'o hu ni'ajahi'ina'omo nimarako irechamiume Mesatonia va'ara. 'E'eme hu ijino Esia vea ma'uako hinana.

Romani 16:21

Timoti ka'ene Godoni kaukara nú hu'úmo ahuma venajaho Rusiasiho Jesaniho Sosipata ka'ene nuni eijaho ijá ja 'ajoravu.

1 Koritia 16:10

'Ene iviamaa Timotira roe ja pu'úmo hi'amajaho paveje tea ju'amana. Ijihuni maijaho areri nara vejuja'ina'e hu Natohwi jihuni kaukara venu.

1 Koritia 4:17

Ijihuna'e Timoti nuni hariha ka'ene Natohwi jihuni vaji na oja mahe 'ee pauchavi'inijaho ranavu'e vu'u. 'Ene hura nuni 'unama ka'ene Keriso oni vajijaho niareri nara kwaa ichihichihi sosia mapoka vajijino najahu ja'ina'e ja 'u'o 'uname najahe 'warahuna.

1 Koritia 7:14

Ijihuni maijaho parua ka'ene panimaa roji'inijaho naparahoni vaji akuavi'ina'e renana. 'Ene napara ka'ene panimaa roji'inijaho paruahi nimaa ronuni vajijino akuavi'ina'e renana. Vejuro'i joni sesamaijija paakuavi'ina'e re'ejakúne. 'Enakaivo iviamaa pu akuavi'ina'e rejara.

2 Koritia 1:1

Na Porura Keriso oni apasorua Godira Huni ura ijino iji pijihana. 'Ene Timoti ka'ene núni vweiji'o Godoni sosia maho'o ka'ene Korinitiai namuna 'ee nimaa roji'ina maho'o ka'ene Akea vaji hijujihi puna'e veju.

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

Piripai 1:1

Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

Piripai 2:19

'Enakaivo na Natohwa Jesu nimaa rojujihuna'e na Timotiho 'aha josu pare'eje ranave joni vuhuna. 'Ejakame na joni vu'a ichá'ina ka'ene jara hine 'ee ojuji henareje ijara ni'ajihuna.

Korasia 1:1

Na Poru ka'ene Jesu Keriso oni pwea Godoni ura ijino rejujara Timoti ka'ene núni vweiji'i veju.

1 Tesaronia 1:1

Nú Poru ho Sivenasi ho Timoti ho ijano sosia ka'ene Tesaronia Godi Amoho 'ee Natohwa Jesu Keriso puni vaji hiju jihipuna'e pasikaho veju. 'Ene maiji vwihaniujine 'ee matauvi'inijaho jona.

1 Tesaronia 3:2

'Ene hu Timoti núni vwea ka'ene nú pu'úmo Godoni kaukara veji'ina ka'ene Keriso oni vu'a maa maiu'ina 'waravi'ina ranavu'e ja ni'ajihe joni nimairoa kisina'e re'amarono vu'u.

1 Tesaronia 3:6

Iviamai Timotiho ijí joni rene joni pinana maa apene 'unama núni roana. 'Ene jara Godi nimaa rone oja mahe ija kisi apene joni una'i saname vejujaho ro 'warumana. Jara na'ia mapoka nú vwihanúe nú ura ja ki'i 'ahúu ja'ina'e areri ja 'u'o ura nú kú'i 'ahiu.

2 Tesaronia 1:1

Poru ho Siruvenasi ho 'ee Timoti ijipo sosia ka'ene Tesaronia Godi núni Oma 'ee Natohwa Jesu Keriso puni vaji hijujihi puna'e pasikaho veju.

1 Timoti 1:18

Ike vu'akaho nuni hariha Timoti na a 'waravu. Nitama poropetiepo a rone 'warava ja'ina'e puni vaji mamaa ijihuna'e 'arasara'amana.

1 Timoti 1:2

Timoti a nimaa ronujihuna'e a nuni hariha renana. 'Ena'omo Godi Amo'o Jesu Keriso ka'ene núni Natohwiji'o a maiji vwihanae 'ee numirame 'ee matauvi'iniji 'waramare'e veju.

2 Timoti 1:2

Timoti nuni hariha ka'ene na oja mahuji'i na ona'e veju. Maiji vwihanii'ina 'ee numiravi'ina 'ee matauvi'ina ka'ene Godi Amoho 'ee núni Natohwa Jesu Keriso oni rena roajaho ona.

2 Timoti 1:5

Na vwihajujaho oni vaji nimairoa ka'ene namujaho ira'ata pana. Ijaho amura oni sasa Roisi oni vaji namana'omo ohuna Unisi oni vaji namu. 'Ene na nimaa rojujaho oni vaja 'u'o namu.

2 Timoti 3:11

Nara haha hiana ka'ene Enitioki 'ee Aikoniami 'ee Risitara apejujija a nihena kimana. Ijí haha hiana iraka ka'ene nara apejuta vajijaho Natohwijara na vahanimana.

Pairimani 1:1

Poru Jesu Keriso oni tipurea 'ee núni vwea Timoti'i Pairimani núni vwea ka'ene nú oja mahe 'ee nú pu'úmo kaukara veji'ini jihuna'e veju.

Hipuru 13:23

Na ja hehuna ka'ene 'waravujaho núni vwea Timotiho tipura ni'e'una roana. 'Ena'omo hu marako iki ru'e'u'amajaho na aheme nú hu'úmo vu'e ja kihuna.