Akisi 15:25 - Godoni vuʼa maiuʼina

²⁵ 'Enajihuna'e nú ahuma hine 'wama amairiu'e mamaa reju'e ea iji pijihe irechamiu'e Panapasi'o Porui pu'úmo joni vu'u.

Akisi 15:25 Iomraidhean Croise

Matiu 11:26

Nimai Amo A ija'ina venajara teamanamu.

Ruku 1:3

Na vwihajujaho mamaijaho na heha 'ahi uneunecha iraka ka'ene kahi aneji rene vena apene roaji ve'ipisana ronare'e veju. Ijihuni maijaho ijí iraka nimaa ka'ene rejajija na hami hami kime hejuta.

Akisi 1:14

Pu ijí rira kwino napara 'ee Meri ka'ene Jesuni ohijaho 'ee Huni 'u'uhijijihi pu'úmo ahuma vwiha kwisu rene siporua 'oji'i hijara.

Akisi 15:2

Poru'o Panapasi'o pu pu'úmo na'ia mapoka ni'ima'ura'e ninakaravume 'ee ea ka'ene Godi nimaa roji'inijipo Poru ho Panapasi ho 'ee ea 'aho'a ka'ene nimaa roji'inijihi pu'úmo iji pijihume Jerusaremi apasoru 'ee ea eruta 'aho'a ka'ene hijajihipuni nini ike 'wama amairi'irono va'ara.

Akisi 15:22

'E'eme apasorua 'ee eruta 'ee sosia maho'o hejume nimaa'e rejume pu ea puni vaja kajino Panapasi'o Porui pu'úmo Enitioki va'avarono Jutasi ka'ene Pasapasi'o Sairasi'o nimaa roji'ina puni vaja kajino ea uranii'ina'omo ijí ija pijihara.

Akisi 15:35

'Enakaivo Poru'o Panapasi'o ijino Enitioki na'ia 'aho'a hine ea 'aho pu'úmo hine Natohwi jihuni vu'a najahe 'waravara.

Akisi 15:6

'E'ikaivo apasoru eruta ijipo vu'a kaji 'wama he'irono roe ahuvara.

Akisi 2:1

Jua puni Penitikosi vea natohu rejume pu maho'o rira kwinu ahuma hijara.

Akisi 2:46

'Enareja veku veko Temiporui vaji ahuma hine vwiha kwino vwihane 'ee sea sea ijí va'e puretia tuachame ine 'ee 'iruma temarasahi'i oja kwisu reji'i ijura.

Romani 16:12

'Ene Tiraipina'o Tiraiposa'o Natohwi jihuni kaukara veji'inakúne 'ajora'avara. 'Ene Perisisi ka'ene na oja mahuraka hu Natohwi jihuni kaukara harura vene veji'inijaho 'ajo'avara.

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

Karesia 2:9

Jemisine Sipasine (Pita) 'ee Joni ijano tukeja'omo maiji vwihani'ina ka'ene na mihaji kamareja pu nú Panapasi'i ahuma Jenitaru puni va'e ni'ajihe 'ee pu sisa 'uhua'ini jihipuni vahuna'e nimaa vetiarame ija 'ekuara.

Epasasi 6:21

'Enakaivo Tichikasiho núni vwea nú oja mahi'ine 'ee uchaha pa'ana ka'ene Natohwi jihuni kaukara veji'inijara ichá'ina ka'ene nununa'i rejujija maho'o 'warave ja hehuna.

Korasia 4:7

Tichikasi ka'ene núni vwea nú oja mahi'ina 'ee uchaha pa'ana ka'ene Natohwi jihuni pweijara nuni vu'a ichá'inijija apena vu'e 'warahuna.

Korasia 4:9

Onesimasi ka'ene núni vwea nú oja mahi'ina ka'ene uchaha pa'aji'i hu'úmo ranavu'e rou. Hu joni ea pina'omo pura roe 'unama maho'o ka'ene ikino rejujija 'warahuna.

Pairimani 1:16

'Ena'omo hu iviamaakaho pwea kaivo pwea puni 'unami ja'ina pana vo nuni vwea ka'ene na oja mahujina. Ikaho nara hu oja mahujina vo iviamaa hu oni vu'ujaho haharu pana vo Natohwi jihuni vaji vu'ujihuna'e ijara marana asima paranana.

2 Pita 3:15

'Enakaivo vwiha'avara. Natohwijara masuani vivinui 'ajúha va'ujihuni maijaho emaa ni'ajihe marani'amarono avanu areri núni vwea Poru ka'ene nú oja mahi'iniji vwiha mamaa ka'ene vajahume joni asura vene 'waramajaho vwiha'avara.