Akisi 13:39 - Godoni vuʼa maiuʼina

³⁹ Ja niheju ea mapoka ka'ene Hua'e nimaa rojujaho ariramaa renauna. Mosisi oni tamanijara ija'ina veje ariramaa rehuna areria pana.

Akisi 13:39 Iomraidhean Croise

Ruku 10:25

'Enakaivo heha! Roia pini roe Hu vena ka'i 'ahaume ijá 'wama Najahi'ine na ichá'ina'e vene majama hihuna ape'ejo? 'wamana.

Ruku 10:28

Hu ijá 'wama Oni ehijaho niho'o nimaikúne ijá venareje a majama hihuna ape'ena 'wamana.

Ruku 18:14

'Enajihuna'e Na ja nimaa 'waravu. Ea kajaho arira rena huni sei va'ana kaivo pinijaho pana. 'Ena'omo ea irara ori'ini huni pinana ahasiri'amajaho Godira vetie hu ajuarana ohuna. 'Enakaivo ea irara ori'ini ajuara'amajaho Hu vetie huni pinana 'urihuna 'iamana.

Joni 1:17

Varapa tamana Mosisi oni vajijino múhana kaivo maiji vwihanúe 'ee nimaijaho Jesu Keriso oni vaji rena roara.

Joni 5:24

Na niho'o nimaa nimai ja 'waravu. Ea irara Nuni ira hene nimaa rone Godi ka'ene Na ranamiume rouji nimaa ronujaho hu majama hihuna niapenana. Ijihuna'e hu 'otua pavehuna kaivo Hu kwahunijaho niare'ika'i majama hihuni ruhijino roana.

Akisi 10:43

Poropetia maho'o Hu rone 'waramareja ijá 'iava Ea irahipo nimaa ro'avajaho puni sisea Huni iha vajijino vwihanie areve parahuna 'iamana.

Romani 10:10

Ijihuni maijaho ea oja vaji nimaa ronujaho hu ea ariramaa renuna. 'Ene huni irijino nahame 'waramajaho hu Godoni ea renana.

Romani 10:4

Mosisi oni tamana kajihuni urijaho Kerisora roana. 'Enajihuna'e ea ka'ene Hu nimaa ro'avajija pu arimaa'e rehuna.

Romani 3:19

'Ena'omo nú niheju Godira Huni tamana iraka ka'ene 'waramajaho Jua ka'ene varapa hari hijujihi 'waramana. Ijihuna'e ea maho'o ira pa'a rene 'ee kwaa ara maho'o Godoni 'otua asúkijaho paasihuna.

Romani 3:20

'Enajihuna'e Godoni tamana kajara 'waramaji hina vejujihuna'e niho'o ei pini Godoni una'i ariramaa rehuna pana. Godoni tamana kajihuni maijaho sisei jihuni maiji najuhana.

Romani 4:15

Ijihuni maijaho ijí tamana kajarahara venue nú 'otua vehuna. Varapa ijaho pana'ipisa nú pa'eja'a.

Romani 4:24

kaivo Godi nú eaka mapoka kihi rona 'warumana. Godira Jesu vejume kwama 'urinaji nú nimaa rojajihuna'e ariramaa 'úmuna.

Romani 5:1

'Enajihuna'e nú nimaa rojajihuna'e arimaa'e rejara'omo Godi pu'úmo matauma hihunijaho núni Natohwa ka'ene Jesu Keriso oni vaji apejara.

Romani 5:20

Siseiji 'oi'oi naja'eje mapoka re'avarono Godoni varapijaho roana. 'Enakaivo siseijara emarenajaho Godira maijí vwihanúajara maijí ani'ina'e asima paranana.

Romani 5:9

Ijihuni hurijino Huni 'aijara núnijihuna'e ariha jihuna'e nú arimaa 'úmana. 'Ene nú Godoni sena ijaho asihuna.

Romani 8:1

'Enajihuna'e ea ka'ene Jesu Keriso oni vaji hijujija niho'o panama'ena.

Romani 8:3

Tamani jihuni harura ajuarana jihuna'e varapijara ni'ajúhuna areria parenana. 'Enajihuna'e Godiho Huni Hariha nikwinu ijaho ranavume roe ema puni haha siseiji apenana 'ee areri sisea huni swasa renana 'ee haha vaji sisea ka'ene namujaho 'otua vetiana.

Romani 9:31

'Enakaivo Isureri ora ka'ene tamana 'ararihae arimaa'e re'irono 'ararihaajija arimaa parejara.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

Karesia 2:16

'Enavo hena ka'amana! Emaa varapa tamaniji venareje ariramaa'e rehuna pana kaivo Jesu Keriso nimaa ro'avajina. 'Ene nú 'u'o Jesu Keriso nimaa rojara. 'Ejume Keriso nimaa rojajara venume ariramaa'e rejara. 'Ene varapa tamana'e venareje ariramaa'e rehuna pana. 'Ena'omo varapa tamana'e ve'avajara ea pina veje ariramaa rehuna mai'o pana.

Karesia 2:19

Ijihuni maijaho varapa tamani jihuni harura vaji hijuta. 'Enarejo tamana vaja kajaho kwavume pa'are'eju'e Godoni jihuna'e hiju.

Karesia 3:8

'Ene Godoni irijara Godira túna'i Jenitarupo nimaa rojakame venae arira'e rehuniji kamarena mai'o Godoni vu'a maiu'inijaho Eparahami ika'ina'e 'waramana Kwaa ara maho'o ikija oni vaji merajihuna.

Karesia 5:3

Na kú'o 'waravu. Ea irara sisa 'uhuujaho hu tamana maho'o 'ararihihuni harura hari hinu.

Hipuru 10:11

Sosia ni'ajihi'ina natohwijara swasa venuni 'aiju rori namine veku veku swasa nikwisu'ina ka'ene sisea veje niho'o papa'arehuniji hine hura hara venuna.

Hipuru 10:4

Ijihuni maijaho kotia 'ee purumakau 'aijija sisea sove pa'arehuna areri pana.

Hipuru 7:19

Ijihuni maijaho varapijara rejume ariramaa parejara. 'Ene iviamai ijihuni tinijaho unenu pina mavarasa'ina apejara. Ijihuna'e ijaho Godoni nini roajina.