Akisi 13:3 - Godoni vuʼa maiuʼina

³ 'Ejume pu 'iruma aura areme 'ee siporua 'onareja pu 'urine puni ija húmata 'ahi irechamiume pu no'o va'ara.

Akisi 13:3 Iomraidhean Croise

Ruku 2:37

'E'eme hu amuna hinajaho juara mapoka mapoka (84) pa'arenana. Hu niho'o Temiporu paranamuna 'ee veiri'a na'ia rira 'aura areme 'ee siporua 'onuna.

Akisi 1:24

'Ena'omo pu siporua 'one ijá 'wava Natohwe A eaka mapoki jihipuni oja vaja nihenunakúne Ara ea ka'ene iji pijahaji najuha.

Akisi 13:2

'E'eme pu Natohwiji oja vwihanareja pu 'iruma aura areme siporua 'oji'i hi'eme Godoni 'Aveni ijá 'iama Panapasi'o Soru'o irechamie kaukara raka ka'ene Na pura ve'avarono 'umenauji veja 'iamana.

Akisi 13:4

'Ene pu Godoni 'Aveni irechamiume va'e Serusia useme ijino sisima ajima Saiparasi va'ara.

Akisi 14:23

Pu sosia kwinu kwinu puni eruta pijihume paarejumakivi'i 'iruma 'aura areme 'ee siporu 'ojume paarejume 'eke Natohwa ka'ene pura nimaa rojujihuni ija tahi irechamiara.

Akisi 14:26

'Enareja pu kú'o 'uname sisima 'ahi ajima Enitioki roara. Nimarako iji pijihe Godoni maiji vwihaniaji huni kaukara vehuna'e irechamiume va'ara'omo venareja kú'o 'unama roara.

Akisi 15:40

'Ejume vwehwapo 'urine Natohwi jihuni maiji vwihaniuni vajijino irechamiume Porura Sairasi aheme va'ana.

Akisi 6:6

Ea kija aherama roe apasoru puni una'i irechamiume pu ea kajihipuni siporua 'one 'ee ija húmata 'ahi irechamiara.

Akisi 9:17

'Ejume Ananaiasi sea kajino va'e arumana. 'Enarena huni ija haha 'ahi ranamahi'i ijá 'wama Soru vwea nunakera. Jesu Natohwa ka'ene ara 'unamutoi kamajara na ranamiume routa'omo a kú'o nia niri'ena. 'Eje Godoni 'Avena oni oja vaja ruha apena parahuna 'wamana.

Romani 10:15

'Ene ea 'ahopo pu pairechamie va'ipisa pu ichá'ina'e najaha'e? Godoni ira vajakiano ija'ina 'warumana. Ea ka'ene Godoni vu'a maa maiu'ina mataume apena roajiva jihipuni mumorijija mavarasa'imaa 'úmana.

1 Timoti 4:14

Godoni 'Aveni jihuni swara ka'ene oni vaji namuna ka'ene erutaepo puni ija oni toi irechavi'i poropeti puni ira ka'ene 'waravajaho paka'eje aremuroama.

1 Timoti 5:22

A paka'eje mamako ea 'aho'a iji pijihe nama'ama 'ee ea 'ahopuni sisei jihuni pwinana'a re'ama. 'Ene sisea ija irechami'amana.

2 Timoti 1:6

'Enajihuna'e na kú'o 'waravujaho vea ka'ene na ija oni haha toi ranavujino Godira swara ka'ene mahajaho ihajihe re'amana.

2 Timoti 2:2

'Ene iraka ka'ene a he'eme na eriri ea mapoka puni una'i 'waravujaho ara ea ka'ene uchaha pa'ajihi vajihe 'warave pura areri ea 'aho'a 'u'o najahe 'wara'avara.

3 Joni 1:6

Pu sosi vaji ara oja ka'ene mihuji rone 'waruvu jihuna'e a pu irechamie va'avajaho hami 'unama ka'ene Godi teamahuni ja'ina'e ve'amana.

3 Joni 1:8

Ijihuna'e nú 'u'o ea ija'inijija ni'ajihuna. 'Ejakame nú pu pu'úmo ahume nimaijihuni kaukara veji'ina'e rehuna.