Akisi 13:1 - Godoni vuʼa maiuʼina

¹ Enitioki sosia vajijaho poropetia 'ee najahi'inijija ijí hijara. Panapasiho Simiani ka'ene ea ajijaho 'ee Rusiasi ka'ene Sairini orijaho Manaini ka'ene Heroti oni napurijaho 'ee Soru 'u'o ahuma ijihi pu'úmo hijara.

Akisi 13:1 Iomraidhean Croise

Matiu 27:32

'Ejumakame pu vai'i 'unamutoi ea pina Saimani Sairini orijaho piunamareja 'ejahaume hura korosia ka'ene Jesu 'anahuna kajaho tapana va'ana.

Ruku 3:1

Sisa ka'ene Taipiriasina 'wavujara natohwa rena hinajaho juara iropu ropu'a mumora rona kwinu rejume Ponachasi Pairati Jutia puni natohwa rejume 'ee Herotira Karari ora 'ajohau'e 'ee huni 'u'ua ka'ene Piripura Ituria 'ee Tekonaitasi 'ajohau'e 'ee Raiseniasira Apirini ora 'ajohauna.

Akisi 11:30

'Ejume pu ijá venareja Panapasi'o Soru'o puni ija tahi irechavume pu 'eka va'e eruta vajihara.

Akisi 12:25

'E'eme Panapasi'o Soru'o Jerusaremi hiji'i kaukara vejuma pa'arejume pu kú'o 'unama va'e Joni ka'ene Makana 'wavujaho aheme pu pu'úmo roara.

Akisi 13:9

'Ejumakame Soru ka'ene Poruna 'wavujaho Godoni 'Aveni huni oja vaja rarena parajumakame hu niimano kanavi'i

Akisi 15:32

Jutasi'o Sairasi'o poropetia'omo pu no'o vu'a 'aho'a ijá kajihipuni nimaa rojujara kisina'e re'amarono ni'ajihe 'waravara.

Akisi 15:35

'Enakaivo Poru'o Panapasi'o ijino Enitioki na'ia 'aho'a hine ea 'aho pu'úmo hine Natohwi jihuni vu'a najahe 'waravara.

Akisi 19:6

'Ejume Porura huni ija puni húmata 'ahi irecha'eme Godoni 'Avena ariha roe pu samahume ira ani ani 'wame 'ee túna'i raka ka'ene rehunijaho 'waravara. 'Ejume pu Godoni vu'a ea 'aho'a 'waravara.

Akisi 21:9

Ea ikehuni 'apahija no'ona no'ona parua paveji'ina kaivo pu poropetia.

Akisi 4:36

Ea pina huni iha Josapina kaivo Jesuni pwehipo iha pina 'iame Panapasina 'wavura. Ijí Panapasi 'wavu kajihuni maijaho Ni'ajihi'ina 'wavura. Hu Rivai oni amuja 'ee kwaa iha Saiparasi nahejara.

Akisi 9:1

'Ejume Soruho majama hine Natohwi jihuni tisaiporua juvu vu'a 'warame 'ee 'anie kwamasa'avarono va'e pirisitia ni'inijaho 'waramana.

Romani 16:21

Timoti ka'ene Godoni kaukara nú hu'úmo ahuma venajaho Rusiasiho Jesaniho Sosipata ka'ene nuni eijaho ijá ja 'ajoravu.

1 Koritia 11:4

Parua irara huni húmata 'ahi unenu 'aho'a na'eje siporua 'o'ena ho poropeti epuni ira 'wara'amajaho huni húmatijihuni hura pavenu.

1 Koritia 13:2

'Ene na swara ka'ene poropeti epuni ira 'waravuji apene 'ee hema maho'o hena kiparane henaka'a maho'o heparane 'ee nimairoa ka'ene huri'a 'warave jahena ruvahuna ape'i kaivo ea oja mihujara pa'ana'e re'ipisa na maa pa'ana'e reju'u.

1 Koritia 13:8

Oja mihuni 'unamijaho maiji nama apene vai'i nahuna. 'Enakaivo swara 'aho'a poropeti epuni ira 'warahuna kaivo ijija pa'arehuna. 'Ene 'aho'a 'ira ani ani 'warahuna kaivo ijija pa'arena vahuna. 'Ene 'aho'a henaka kaivo ijija pa'arehuna.

1 Koritia 14:29

'Ene veje poropetia no'ona ho no'opisu 'wara'eje vu ea 'aho'ijaho hine 'eke manura vena ki'avara.

1 Koritia 14:32

Ea ka'ene poropeti puni iri 'waravujija puni ojijija puni harura hari navura'omo opo 'ajo'aravi'i 'warahuna.

1 Koritia 9:6

'Ú nú Panapasi'i kaukara ka'ene nú 'unúnamúe ni'ajú'eju'e va'uji arehuna núni harura panamu raka?

Karesia 2:13

'Ejume Jua 'aho'a ni'ajahe ira'ata kaja'ina vejara. 'Ene pura ira'ata ka'ene ija'ina veja kajara rejume Panapasi 'u'o ira'ata kajara tairiume va'ana.

Karesia 2:9

Jemisine Sipasine (Pita) 'ee Joni ijano tukeja'omo maiji vwihani'ina ka'ene na mihaji kamareja pu nú Panapasi'i ahuma Jenitaru puni va'e ni'ajihe 'ee pu sisa 'uhua'ini jihipuni vahuna'e nimaa vetiarame ija 'ekuara.

Epasasi 4:11

'Ene Hura swara 'aho'a apasorua vajihe 'ee 'aho'a poropetia vajihe 'ee 'aho'a ivenijarisia'e vajihe 'ee 'aho'a pasita'e vajihe 'ee 'aho'a najahi'ina'e vajihana.

Piripai 4:22

Godoni ehipo maho'o 'ajoravu'e 'ee Sisa oni kachi'inijipo 'ajoravu.

1 Tesaronia 5:20

Vu'a ka'ene túna'i rehuniji 'warave he'avajaho pasena'avara.