Akisi 11:19 - Godoni vuʼa maiuʼina

¹⁹ Nimarako Sitivini 'anaume kwa'eme ea 'aho'a ka'ene nimaa roji'inijija pu sise'i 'ahiume juhaha va'e Ponisia va'e 'ee Saiparasi va'e 'ee Enitioki va'ara. 'Enakaivo pu vu'a kajaho ea 'aho'a pa'waravara kaivo Juaru 'waravara.

Akisi 11:19 Iomraidhean Croise

Matiu 10:6

'Enakaivo arira va'e Isureri opuni sipia ka'ene pivusahu jihipuni va'avara.

Joni 7:35

'Ejumakame Juapo ijí 'wama apenoji'i ijá 'wava Hu ichihi va'akame nú pakahuna 'úmo? 'Ú Hu va'e Jua ka'ene Kuriki puni vaji hijujihipuni va'areje Kurikia naja'ena? 'wavara.

Akisi 11:20

'Enakaivo ea nimaa roji'ina 'aho'a Saiparasi ore 'ee ea 'aho'a Sairini ora'omo pu va'e Enitioki roe aneja vene Kuriki 'u'o Jesu ka'ene Natohwi jihuni vu'a maa najahara.

Akisi 11:22

'Ejume ijí vu'a kajara rena roe Jerusaremi sosiji rouma henareja pu Panapasi ranavume Enitioki va'ana.

Akisi 13:1

Enitioki sosia vajijaho poropetia 'ee najahi'inijija ijí hijara. Panapasiho Simiani ka'ene ea ajijaho 'ee Rusiasi ka'ene Sairini orijaho Manaini ka'ene Heroti oni napurijaho 'ee Soru 'u'o ahuma ijihi pu'úmo hijara.

Akisi 13:4

'Ene pu Godoni 'Aveni irechamiume va'e Serusia useme ijino sisima ajima Saiparasi va'ara.

Akisi 13:46

'Ejume Poru'o Panapasi'o ira paju'ika'i ijá 'iava Nú mamaa vene Godoni ira ikaho ja marako 'waravara kaivo ja majama hihuna apehunijaho niho'o sename hwe'i 'ahiu jihuna'e ijaho ja ojono ka'eje nú Jenitarua puni vau.

Akisi 14:26

'Enareja pu kú'o 'uname sisima 'ahi ajima Enitioki roara. Nimarako iji pijihe Godoni maiji vwihaniaji huni kaukara vehuna'e irechamiume va'ara'omo venareja kú'o 'unama roara.

Akisi 15:22

'E'eme apasorua 'ee eruta 'ee sosia maho'o hejume nimaa'e rejume pu ea puni vaja kajino Panapasi'o Porui pu'úmo Enitioki va'avarono Jutasi ka'ene Pasapasi'o Sairasi'o nimaa roji'ina puni vaja kajino ea uranii'ina'omo ijí ija pijihara.

Akisi 15:3

'Ejume ijí sosia kajara irechamiume pu va'e Ponisia 'ee Sameria ijino usevara. Pu ichá'ina'e Godi Jenitaru vejume Godoni ea rejaji nirisajihe 'waravume Godoni ehija henareja teamanamana.

Akisi 15:30

Pu ea kajija irechamiume kami Enitioki va'ara. 'Enareja pu sosia 'ivume roa ahuvume pasia kajaho mihara.

Akisi 15:35

'Enakaivo Poru'o Panapasi'o ijino Enitioki na'ia 'aho'a hine ea 'aho pu'úmo hine Natohwi jihuni vu'a najahe 'waravara.

Akisi 15:39

'Ejumakame pu panimaa vetiarame rana'arame Panapasira Makaho aheme sisima ajime Saiparasi va'ana.

Akisi 18:22

'Ene va'e Sesaria 'e'une ajima va'e Keriso oni ea 'ajoramarena Enitioki va'ana.

Akisi 21:16

'Ejumakame tisaiporu 'aho'a Sesaria ora nú pu'úmo vu'ajivara'omo pu nú aherume Nesani ka'ene Saiparasi orijihuni sei va'ara. Hu niho'o nitama tisaiporua rene hinapene roajihuni sei hijara.

Akisi 21:2

'Enareja nú ijino sisima ka'ene Ponisia vahunijaho piunamareja ijihuni toi ajima va'ara.

Akisi 3:26

'Enajihuna'e Godira Huni pwea vejume 'urine amura joni roana'omo merajihakame ea mapoka joni 'unama siseijaho ta'arohe aré ranahuna.

Akisi 4:36

Ea pina huni iha Josapina kaivo Jesuni pwehipo iha pina 'iame Panapasina 'wavura. Ijí Panapasi 'wavu kajihuni maijaho Ni'ajihi'ina 'wavura. Hu Rivai oni amuja 'ee kwaa iha Saiparasi nahejara.

Akisi 6:5

'Ejume ea mapoka ijí vu'a kajaho ura renana. 'Ejumakame pu Sitivini iji pijahara. Hu nimaa rona paraji'ine 'ee Godoni 'Aveni huni oja vaja rarena paraji'ina'e pijahara. Ea pina Piripune 'ee Pokorasine 'ee Nikenorine 'ee Timonine 'ee Paramenasine 'ee Nikorasina. Nikorasiho Enitioki ora kaivo hu va Jua renarena'omo Godoni ea rene ijí Jua pu'úmo hinana.

Karesia 2:11

Vea ka'ene Sipasira (Pita) Enitioki roajaho na huni una'i ninama 'urarahuta. Ijihuni maijaho hu 'unama ka'ene areri parehuniji vena jihuna'e avajuta.