Akisi 1:24 - Godoni vuʼa maiuʼina

²⁴ 'Ena'omo pu siporua 'one ijá 'wava Natohwe A eaka mapoki jihipuni oja vaja nihenunakúne Ara ea ka'ene iji pijahaji najuha.

Akisi 1:24 Iomraidhean Croise

Ruku 16:15

'Ejume Hu pu ijá 'iama Ja emaapo ki'eju'e hami 'urahe oju kaivo Godira joni oja vaja nihe paraji'ina. Ijihuni maijaho iraka ka'ene emaapo vwihaju'e mama'ina rejujaho Godira kimujaho ijijahija niho'o sisemaa.

Joni 21:17

'Ene Hu 'aha kú'o no'upisu ijí ijá 'wama Saimani Joni oni harihe a nimaa Na oja miho 'wavume Pitaho temumana. Ijihuni maijaho Hu 'aha no'opisu ijá 'wama A Na oja miho 'wamajihuna'e hu temuvume ijá 'wama Natohwe uneunecha maho'o A nihena kimuna Na A oja mahujaho A nihenu 'wamana. 'Ejume Jesu ijá 'wama Nuni sipi 'iruma vaji'amana.

Akisi 14:23

Pu sosia kwinu kwinu puni eruta pijihume paarejumakivi'i 'iruma 'aura areme 'ee siporu 'ojume paarejume 'eke Natohwa ka'ene pura nimaa rojujihuni ija tahi irechamiara.

Akisi 15:8

Godira eaka mapoki jihipuni oja vajijaho nihena ki paranarena pua'e najaharena Huni 'Avena nú múhaja'ina'e pu mihana.

Akisi 6:6

Ea kija aherama roe apasoru puni una'i irechamiume pu ea kajihipuni siporua 'one 'ee ija húmata 'ahi irechamiara.

Romani 8:27

Hu emaapuni ojijija tina ki parane 'ee Huni 'Aveni jihuni vwiha ijaho ka paranana. 'Enajihuna'e Hu Godoni ehijijihi puni siporua Godira ura renuja'ina'e 'onuna.

Hipuru 4:13

Uneunecha mapoka ka'ene venaji paki'eje nahuna pa'amaa. 'Ene uneunecha mapokakija Huni nia 'ahijaho samaumaa areri maisu namijuja'ina. Ike Godikara raka ka'ene nú vejujaho veje samaahiravakame nú ijihuni maijaho Hu 'warahuna.

Revaresiani 2:23

'Eje Nara sesahwaha kwamasahunijine 'anihuna. 'Ejakame sosia maho'o hena ki'avajaho Na Godi ka'ene epuni vwiha 'ee oja tine kivi'iniji kihuna. 'Enareje jara iraka ka'ene vejajaho Na eha ija'ina'e areri vajihuna.