2 Timoti 4:16 - Godoni vuʼa maiuʼina

¹⁶ Nara amura'e 'otui aruvujaho ea pina na pani'ajihana kaivo ranamie varanavara. 'Ena'omo veje Hu pununa'a sisea pavwiha'amana.

2 Timoti 4:16 Iomraidhean Croise

Maka 14:50

'Ejume Huni tisaiporu Hu rana'ika'i juhaha va'ara.

Ruku 12:11

'E'eje pu ja 'eka va'e Sinakoku 'ajohi'ina 'ee ea mama'ini jihipuni una'i nama'iro va'a ki'avajaho vu'a raka ka'ene 'warahunijaho oja pahiana'avara.

Joni 16:32

Heha! Vea muka ka'ene roujaho iviamaa niro 'e'unana. Ijihuna'e ja ea mapoka ni'aha kwinu juhahe ani ani joni ara aneji va ranahuna kaivo ja Nanasu piranamihuna kaivo Na Nanasu pahihuna. Ijihuni maijaho Amora nú hu'úmuna.

Akisi 22:1

Vwehu nuna 'ee emahu nuna. Nuni vu'ake ataa apúsama heha. Nara raka ka'ene vejuji iviamaa joni una'i namine 'wara'i veju 'iamana.

Akisi 25:16

'Ejume na ijá 'iavo Romu opuni tamana nú ea majikari pairechamiura kaivo ea ka'ene varapa rukinijihi puni vu'a hene 'ee ea ka'ene pu namahu jihipuni vu'a henare'e ijí tipurai irechamiura.

Akisi 7:60

'E'ikaivo hu aruha arihi'i ira ajira ijá 'umenane Natohwe pu na sise'i 'ahiukúne A pu eha pavetia 'ume'i kaivo kwamana.

1 Koritia 13:5

Ea oja mihuni 'unamijaho areri parehuni 'unamijaho pavenune 'ee huni ura ijiru pasaramune 'ee hu maraku paajivi'ine 'ee hu sise'i 'ahaujaho ruvu'e pa'arenuna.

1 Koritia 9:3

Ja ea ka'ene na piuhiha ki'i 'ahiu'e vejujihi puni eha ijaho ikena.

2 Koritia 7:11

Ma ike temuka maa kara joni vaji raka ka'ene venaji kiaha. Ijara vejume jonuna'a samaa'e renana 'ee ja sisea irakiji kime senavare 'ee sisea juhavare? 'Ene ja ura ijara roe samaa'e rehuna ura renaara 'ee ja sisea kara parehuna niho'o ura rena parajure 'ee ja rakijihuna'e eha vehuna ura renaara. 'Ene jara uneunecha kihi vejajara najahujaho ja ijí sisea kajihuni pwina pana.

Piripai 1:17

'Enakaivo vu ea 'aho'ijaho pu pupusumano vwihajura. 'Enajihuna'e pu oja maa pasavi'i nara tipurai haha heji'i hi'urono vwihaji'i najahu.

Piripai 1:7

Na 'unama ika'ina'e ja maho'o vwihaniu jihuni maijaho ja ea kwinu kwino nuni oja vaja joni tinia navu. Ijihuni maijaho na tipurai hijuta ho vu'a maiu'iniji vahame nimaiji rone 'waravujaho ja na ni'ajihara'omo nú ja pu'úmo maiji vwihanúajaho ahuma apeju.

2 Timoti 1:15

A nihenu ja'ina'e ea maho'o ka'ene Esia hijujija na ranamie va'ara. 'E'eme puni vaji Pijarasi'o Hamajinisi'o va'ara.

2 Timoti 4:10

Ijihuni maijaho Timasiho iviamaa ikehuni mwe'a ike oja maharena na ranamie Tesaronaikai va'ana. 'Ejume Kuresianisiho Karesia va'ana. 'Ejume Taitasiho Taramesiai va'ana.

2 Timoti 4:15

'Enakúne núra najahujaho hu harura niname 'warumu jihuna'e a orono hununa'ijaho hami 'ajo'ara'amana.

1 Pita 3:15

'Enakaivo na'ia mapoka Kerisoho Natohwa roji'i joni oja vaja kajino amura'e rana'avara. 'Ene joni nimaaroiji vahame 'warahunijaho amairiara'irakúne ea 'ahopo ijí he'irono apora'avajaho ja chochumano puni hura veji'i 'wara'avara.