2 Timoti 3:16 - Godoni vuʼa maiuʼina

¹⁶ Godoni Irakaho maho'o Godoni ira uhoi renajihuna'e mamaa'omo ea najahune 'ee ea ni'ajihe ira kisina uranahune 'ee ijara ni'ajúhe 'ekue 'unama ariri irechamúhune 'ee ijara 'unama aririjaho najuhuna.

2 Timoti 3:16 Iomraidhean Croise

Matiu 13:52

'Enajihuni hahi Sikuraipia ka'ene Godoni arijihuni tisaiporua rejajija areri aachia anesura'omo ijí puni aachi'a vaja kajino uneunecha maiu'ina 'ee sahasa 'eka rouna 'iamana.

Matiu 21:42

Vukú'o Jesura pu ijá 'iama 'Ú ja nitama Godoni ira vaji 'waramajaho pataha kavure? Hu ika'ina 'waramana. Ijí muna ka'ene ara veji'inapo pi'onava kajara iviamaikaho ara kajihuni kúrúti tukeja natohwa'e rena naminu. 'Enajihuna'e Natohwijara uneunecha ka'ene mamaijija veju'e roe samaahiravu'e nú kivo? 'iamana.

Matiu 22:43

'Ejume Hu pu ijá 'iama 'Ene 'unama irakijino Godoni 'Aveni vejume Tevitiho Hu Natohwiji'o 'wamane? 'iamana.

Matiu 26:54

Ija'ina ve'ipisa Godoni ira vaji nitama 'waramajaho iviamaa ija'ina pareja vo ika'ina rehuna 'waramana.

Matiu 26:56

Ija'ina'e rejumakame nitama Godoni Ira vaji raka ka'ene 'waramajaho nimaa nimaa'e renuna 'iamana. 'E'ejume Huni tisaiporua mapokijija Hu raname juhahe varanavara.

Maka 12:24

Jesura eha vena ijá 'iama Ja pahejujihuna'e Godoni ira pahene 'ee Godoni harura 'u'o paheju.

Maka 12:36

Teviti ori'ini Godoni 'Avena vaji ika 'waramana Natohwijara nuni Natohwiji ijá 'wama A Nuni ija mana'inika'i asuma hi'eje Na Oni nana'eji'ina Oni mumora hari irechavuma 'wamana.

Joni 10:35

Hu pu godia 'ia'amajaho Godi oni Ira pununa'i rena roajihuna'e Godi oni Ira areri paruarahuna.

Joni 3:20

Ea irahipo sisea vejujaho pu niho'o hanaji'ina senavura. Pu hanaji'ini parohuni jihuni maijaho vejuro'i pura sisea ka'ene vejujipo samaa hira'avarono paroura.

Akisi 1:16

Vwehu nune Godoni 'Avenijara Teviti oni ira vaji Jutasi rone 'waramajaho ivi'a Godoni irijaho nima'e renana. Jutasira ea aherama roe najahume Jesuho apejara.

Akisi 18:25

Hu Natohwi jihuni 'unama nahara'omo huni oja vaja venakaka re'eju'e hu Jesu rone 'warame 'ee arira najahuna kaivo hu Jonira ea toi samaajiru henuna.

Akisi 20:20

Ja niheju. Na niho'o vu'a kajaho parana'o'ujuta kaivo maiji najaha apena va'u. Na uneunecha mapoka ka'ene ja ni'ajihunijaho 'waramare'e na samaumai 'ee sea seakino najaha apena ojuta.

Akisi 20:27

Na niho'o Godoni ura ijí 'wara'irono vejujaho na pajuvuta kaivo na 'waravuta.

Akisi 28:25

Pu paavacharame vai ve'eme Poru ijá 'iama Godoni 'Avenijara vejume poropeti Aisea oni vaji nimaa amuhu núna 'warama ijá 'iama

Romani 15:4

Uneunecha kija nitama vejajihuni maijaho nú najuhakame nú masuani matauma hi'avari vajijino Godoni irijara ni'ajúhe núra nimaa rojujaho ija kisi 'unahuna.

Romani 2:20

Ja vwihajujaho ja tamana nimaijaho hena kavi'ini jihuna'e ja sesamaa najahe 'ee ea ka'ene puruva reti'inijija najahuna roju.

Romani 3:2

Jua rejujaho niho'o mamaa. Maraku'ijaho Godira Jua'a Huni ira 'ee Huni tamana iji'i vajihana.

Romani 4:23

Godoni ira ika'ina 'waramana A ariramaa 'wamana. Ijaho Eparahami onaru rona 'warahuna pana

1 Koritia 12:7

'Enakaivo sosia ike ni'ajahuni jihuna'e ea 'oi'oi swara vajihana.

Karesia 3:8

'Ene Godoni irijara Godira túna'i Jenitarupo nimaa rojakame venae arira'e rehuniji kamarena mai'o Godoni vu'a maiu'inijaho Eparahami ika'ina'e 'waramana Kwaa ara maho'o ikija oni vaji merajihuna.

2 Timoti 2:25

Ea ka'ene ninakaravi'inijija hami kivi'i ni'ajihakame Godira veje ta'arohe roe nimaijaho hena ka'avara.

2 Timoti 4:2

'Enakúne Irijaho naja'amana. Vea 'aha ho vea 'aha pana kaivo maiji amairiara'amana. 'Ene ni'ajihe amairie najahe 'ee ira kisina ni'ajihi'i 'urarahe 'warame 'ee hami chochumano masuanu hiji'i hami najaha 'wara'amana.

Hipuru 11:1

Nimaaroijaho irake? Raka ka'ene 'ajaha hijujara mai'o rehunijina. Nimairoa pinijaho raka ka'ene mai'o rehuniji nimaa ronare'e 'ajaha hijujina. Nimairoa pinijaho nú núni niakaho pakavu'u vo ijara rehuniji nimaa rojujina.

Hipuru 3:7

Ijihuni hahi Godoni 'Avena ika'ina 'waramana. Iviasi ja Huni ira he'avajaho

Hipuru 4:12

Godoni irijaho mai'o hiji'ini harurijara itu'o'una paranana. Huni enijaho so'wa ka'ene 'ena ronu ronujaho asitaha paranana. 'Ena'omo so'wa kajihuni enijara nuni ura 'ee vwihijaho 'uhua aruma va'e 'e'uhuna. 'Enareje núni oja ichá'inijaho najuha parahuna.