2 Timoti 1:8 - Godoni vuʼa maiuʼina

⁸ 'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

2 Timoti 1:8 Iomraidhean Croise

Maka 8:38

Ea mapoka ka'ene iviamaa iki hijukija Godi pataarohe 'ee sisea 'unama ani ani veji'i hiju. Ea irara Nunijihuna'e Na pataarorihe 'ee Nuni ira pataaro'amajaho vea ka'ene Ema Puni Harihijara 'ona oji'ina arimaa 'ee Amoni hanaji'iniji'i ro'amajaho hu 'u'o pataarohuna.

Ruku 9:26

Ea irara Nunijihuna'e Na pataarorihe 'ee Nuni ira pataaro'amajaho vea ka'ene Emaa Puni Harihijara Huni harura 'ee 'ona oji'ina arira maijihipuni harura 'ee Amoni harura vaji ro'amajaho hu 'u'o pataarohuna.

Joni 15:27

'Eje ja 'u'o Na rone ea 'aho'a najahuni jihuni maijaho ja nú pu'úmo kami aneji rene hina apene roajihuna'e najahuna.

Joni 19:35

Ea ka'ene ijí re'eme kamajara ijí rone 'waramu. Ijí hura rone 'waramujaho nimaa. 'Ene hu nihena kivi'ini jihuna'e hu nimaa 'waramu jihuna'e ja 'u'o hena nimaa rohuna.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Romani 1:16

Na niho'o vu'a maa maiu'inakake 'warahunijaho pajunimu. Ijihuni maijaho vu'a kakaho Godoni harura ka'ene emaapo nimaa rojakame maranihunijina. Ike vu'a kakaho maraku'a Juaru najahareja iji'a Kurikia najahara.

Romani 16:25

Hu areri vena'e ja kirasahe namihuna 'ee nuni vu'a 'ee Jesu Keriso rone najahujara ni'ajihuna 'ee hema ka'ene mwe'akara aneja venaji rene nesi nama roajaho iviamaa samaahiramu.

Romani 8:36

'Enajihuna'e Godoni ira vajaki vejajaho Onijihuna'e nú veku veku 'anúue kwamasahu. Nú areri sipia 'ani'irono vejuja'ina'e 'ahúu 'úmana.

Romani 9:33

Areri Godoni ira vaji vejaja'ina'e Heha! Nara Saioni muna ka'ene emaapo pitachinamie arihe 'ee muna ka'ene emaapo ijihuni toi pijau'ika'i arihunijaho ranavuta. 'Enakaivo ea irara Hu nimaa ronujaho hu oja pahiahuna 'iamana.

1 Koritia 1:6

Vu'a ka'ene Keriso rone 'waravajaho niroe joni vaji tusame nimaa'e rena namu.

2 Koritia 6:7

'Ene ira nimaa vaja 'ee Godoni harura vaja 'ee kukua arimaijino mana'inija'i 'anihuna'e apene 'ee ana'inija'i tanuhuna apejara.

Epasasi 3:1

Ikehuni hahi na Poruho ja Jenitarue punijihuna'e Jesu Keriso oni tipurea.

Epasasi 3:13

Ijihuni hahi na ja 'waravujaho nara jonijihuna'e sisei hijujaho ja paki'eje joni oja veje areri paretiama. Ijihuni maijaho ijija joni hura vene ta'arorahuna.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 4:17

'Enajihuna'e ike nara 'waravukaho nú Natohwiji huni una'i nimaa 'waravu. 'Enakúne ja paki'eje 'unama ka'ene Jenitaru pu ojuja'ina'e o'avara. Ijihuni maijaho pu niho'o vwiha puruva reti'eju'e maiji ojura.

Piripai 1:7

Na 'unama ika'ina'e ja maho'o vwihaniu jihuni maijaho ja ea kwinu kwino nuni oja vaja joni tinia navu. Ijihuni maijaho na tipurai hijuta ho vu'a maiu'iniji vahame nimaiji rone 'waravujaho ja na ni'ajihara'omo nú ja pu'úmo maiji vwihanúajaho ahuma apeju.

Piripai 3:10

'Enajihuna'e na Hu hena kahuna ura renie 'ee harura ka'ene Hu vejume 'urinajaho hena kahuna'e ura renie 'ee Hura sisei hinaja'ina'e hihuna ura renie 'ee Hura kwama ja'ina'e kwahuna ura reniu.

Piripai 4:13

'Ene uneunecha maho'o Huni vaji Hura harura mi'eje na areri ve'eju.

Korasia 1:11

'Ene ja Huni hanaji'ina vajijino harura maho'one 'ee vivinui matauma hine 'ee ata kairasahe hihunijaho 'ekakame niho'o temarijara joni vaji rarena'e parani'amana.

Korasia 1:24

Na teamanimu jihuni maijaho na jonijihuna'e haha hianimu. 'Ene Kerisora Huni haha ka'ene sosijihuna'e sisei hinajihuni pwina ijaho nara sisei hiju'e pa'arenu.

1 Tesaronia 3:4

Núra ja pu'úmo hijajino nú ja pu'úmo sise'i 'ahúhunaka 'waravajaho ja nihejara'omo iviamaa ija'ina renu.

1 Timoti 2:6

Ijihuna'e vea nimaa nimaa ka'ene 'waramajara ro apejume Hu Huni hahijino miharena ja maho'o 'imenae 'ekana.

2 Timoti 1:10

'Ena'omo Hu iviamaa vejume Huni ura ijaho Jesu Keriso ka'ene núni Ni'ajúhi'inijara roana vajijino samaahiramana. 'Ene Hura kwamasahuni harurijaho tirakui Huni ira maiu'ina vajijino majama hihuna 'ee pakwamasahuna vejume roe samaa'e renana.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 1:16

Natohwijara Onesiporasiho 'ee huni akana ni'ima'ura numira'amana. Ijihuni maijaho na tipurai hijujaho hu paju'ika'i vu'e kikime 'ee ni'ajihi'i hinana.

2 Timoti 2:3

Nara vea kisina apene sisei hijuja'ina'e a 'u'o areri Jesu Keriso oni sorutia mamai jihuna'e ija'ina'e hi'amana.

2 Timoti 2:8

Nuni vu'a maa maiu'inijara 'waramujaho vwiha'amana. Jesu Keriso ka'ene Teviti oni amujijaho kwame 'urinana.

2 Timoti 2:9

Ijihuna'e na siseisei ea sisea puna'i tipurai hiju. 'Enakaivo Godoni Irijaho tipura panamu.

2 Timoti 4:17

'Enakaivo Natohwijara na hu'úmo namine Hura harura mihana. 'Ejumakame nuni vaji ira ikaho maho'o najahukame Jenitaru maho'o hejara. 'Ene na hanuha ka'ene ea inahi'ini jihuni ira vaji 'ena apenie ruva'iara.

2 Timoti 4:5

'Enakaivo uneunecha maho'o hami 'ajoara'amana. 'Ene 'unama kisinijija kairane namine ivenijarisi huni kaukara ijaho ve'amana. 'Enakaivo oni kaukara ka'ene Godira mahajaho ve para'amana.

1 Pita 1:5

Godira Huni harurijino 'ajoha'eju'e joni nimairoa vajijino ni'ajihajaho vea túchamaijino samaahirave kahuna'e amairiaramu.

1 Joni 4:14

Amora Huni Hariha ranavume mwe'a kehuni Ni'ajihi'ina'e re'i roajaho nú núni nii kavaji ea 'waravara.

Juta 1:24

'Enajihuna'e Hura areri 'ajoha'eje pa'amaaresume 'ee Hura veje ja Huni hanaji'ini jihuni una'i arira'e teamana'eje namihuna.

Revaresiani 1:2

'Ene Godi'o Jesu Keriso'o vu'a raka ka'ene Joni 'waravume hu hene 'ee raka ka'ene hu huni nii kimajaho ijá ike asura vajakino venana.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.