2 Timoti 1:7 - Godoni vuʼa maiuʼina

⁷ Godira 'Avena ka'ene múhajaho tea junuhuna pamúhana kaivo harura 'ee ea oja mihuna 'ee onúno 'ajoarahuniji múhana.

2 Timoti 1:7 Iomraidhean Croise

Ruku 10:19

Ike heha! Nara ja harura mihujihuna'e ja tapara 'ee suaka sisea ka'ene amari hiju jihipuni 'ahi namihuna kaivo pu pavenae kwamasahune 'ee naka mapoka ka'ene hijujija mai'o ja paruarahihuna.

Ruku 15:17

'Ejumakame hu hine vwihanu va'o ijá rona Ea ka'ene nuni omijihuni kaukara'e vejujija 'iruma mapoka'e i'eju'e na iviamai ike matupuna'e kwa'i 'ahiu'e veju.

Ruku 24:49

Heha! Na Nuni Omijara raka ka'ene nahama ja 'waramajaho Nara ranave joni ro'enakúne ja ara natohwa ikino hi'eje Godoni harura kahino akúpa 'ahi rene roe ja sama'amana 'iamana.

Ruku 8:35

Ea mapoka Hura raka ka'ene vejume renaji ka'i 'ahiume va'ajivara. 'Ejume pu roi'i kavu'e ea ka'ene 'avena sisei súmahi'inaka Jesura vejume maranajaho Jesuni mumora rora kajino vwiha irame asuma mavarasa'ina'e hijume pu ijí kavajihuna'e tea junamana.

Joni 14:27

Na matauvi'inijaho jonuna'i ranavu. Nuni matauvi'inijaho Na ja mihu kaivo mwe'akara ja vajihu ja'ina pana. 'Eje ja paveje joni oja tura'i 'ahi'avara 'ee paju'avara.

Akisi 1:8

'Enakaivo Godoni 'Aveni roe ja samahakame ja harura apenareja'e iji'a Jerusaremi 'ee Jutia 'ee Sameria Na rone najahuna. 'Ene ike mwe'akaho maho'o najahuna.

Akisi 10:38

Ja nihejara Jesu ka'ene Nasareti Godira Huni 'Avena mahe 'ee Huni harura iji'i mahana. 'Ejumakame Godi hu hu'úmo hinujihuna'e Hu kwaaka mapokakino va'e mamaa vene ea ka'ene 'avena sisea ajimai'ina siomahuna.

Akisi 20:24

'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Akisi 21:13

'Ejume Porura eha vene ijá 'iama Ja raka vene niramaruvu'ukame nuni oja tura'i 'ahio? Na Natohwa Jesuni ihijihuna'e Jerusaremi va'e tipura vahune 'ee kwahunijaho pavwihaju 'iamana.

Akisi 26:11

'Ene na'ia mapoka na Sinakoku mapoka vajijino pu sise'i 'ahiura 'ee ira sisea 'wara'avarono 'ejahiura. 'Ene niho'o ajinima paranujaho va'e apiopuni kwaa kajino 'anie ruarahura.

Akisi 26:25

'Ejume Porura ijá 'wama Pesitasi ka'ene ea natohwakera na niho'o pananavu kaivo na vu'a nimaa 'waravu.

Akisi 6:8

Sitiviniho maiji vwihanii'ina rarena parane 'ee harura rarena parana jihuna'e Hu aacha ani ani'ina vene 'ee uneunecha ka'ene ea areri pavehunijija epuni vaji vejume rejara.

Akisi 9:22

'Enakaivo Soruho huni haha harura re'ejume aneja vene Jua ka'ene Tamasikasi hijujihi Jesuho Kerisona 'iavume pu niho'o puruva retiara.

Romani 5:5

'Ene ijí túna'i raka ka'ene rehunijara paveje nú temukuhuna. Ijihuni maijaho Godira ea oja mihujaho Godoni 'Avena ka'ene núa múhajihuni vaji ranamana.

Romani 8:15

'Enajihuna'e ja 'avena ka'ene apejajaho kú'o 'uname va'e juvujihuni pwea re'irono apehuna pana. 'Enakaivo ja 'Avena ka'ene vena'e Godoni hariha rehuniji apejara'omo nú ivi'a Amo Amo 'wavu.

1 Koritia 2:4

Nuni vu'a ka'ene nara najahujaho ira ka'ene ja oja 'urinahuni irijaho pana kaivo 'Avenijara ori Huni irijaho vejume harura'e re'eme na najahuta.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Korasia 1:8

'Ene jara Godoni 'Aveni jihuni vaji ea oja mihujaho hura 'warumana.

Hipuru 2:15

Ike 'unama nikwisu'inakino ea ka'ene kwahuna juvi'ini jihipuni pwea rena hijuji ni'ajiha kwamana.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Joni 4:18

Juvujaho oja 'ekaravu jihuni vaja pana. 'Enakaivo nimaa oja 'ekaravujara juvujaho veju'e pa'arenuna. Ijihuni maijaho juvujara reje eha sisea apehuna. 'Ena'omo ea irara jumujaho oja 'ekaravujaho huni vaja areri pana.