2 Timoti 1:13 - Godoni vuʼa maiuʼina

¹³ Nara 'unama arira ka'ene a najahuma a nununa'i Jesu Keriso oni vaji nimaa rohuna 'ee oja mihuna hena kamajaho ija kisi 'uninami'amana.

2 Timoti 1:13 Iomraidhean Croise

Romani 2:20

Ja vwihajujaho ja tamana nimaijaho hena kavi'ini jihuna'e ja sesamaa najahe 'ee ea ka'ene puruva reti'inijija najahuna roju.

Romani 6:17

'Enakaivo Godi teimani 'waha. Ijihuni maijaho ja sisei jihuni pwehija rejara kaivo ja joni oja vaji 'unama ka'ene najahuke hene vejara.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 4:9

Uneunecha iraka ka'ene jara nununa'i henakame apene 'ee nuni vaji kivaji manura pirame ve'avara. 'Ejakame Godi ka'ene matauvi'inijaho ja pu'úmo hi'amana.

Korasia 1:4

Ijihuni maijaho Jesu Keriso oni vaji joni nimaaroa 'ee jara Godoni ea ka'ene akuavi'iniji oja mihuji henare'e avajura.

1 Tesaronia 5:21

'Enakaivo uneunecha mapokakija 'eke hami piuhihu va'o mamaijija ija kisina'e 'eke 'uninami'avara.

1 Timoti 1:10

'Ene parua ka'ene 'uasa veji'ina 'ee parupo parua hurichavi'ina 'ee napapo napara hurichavi'ina 'ee monihuna'e ea nesi 'eki'ina 'ee ira'asina 'ee ira'atijino ea hemahe 'waravi'ina 'ee uneunecha 'unama aririjaho panajahu jihipuna'e Tamanakaho vejara.

1 Timoti 1:14

'Enakaivo núni Natohwi jihuni maiji vwihani'inijaho 'ee nimaa roijaho 'ee oja 'ekarahunijaho Jesu Keriso oni vaji ni'ima'ura rena paranana.

1 Timoti 6:3

Ea irara Jesu Keriso ka'ene núni Natohwi jihuni vu'a ka'ene núra 'waravu ja'ina'e pana kaivo ani'ina najahe 'ee Godoni ura ija'ina'e panajaha ka'avajaho hu huhusu vwihane kehi kehi onujihuna'e pahena pakavi'ina.

2 Timoti 1:1

Na Poru Godoni ura ijino Jesu Keriso oni apasorua. 'Ene Jesu Keriso oni vaji majama hihuna'e nahama 'warumaji najahi'ina.

2 Timoti 1:14

'Ene Godoni 'Avena ka'ene núni vaji hinujara ni'aja'eje mamaa ka'ene mahajaho 'ajo'amana.

2 Timoti 2:2

'Ene iraka ka'ene a he'eme na eriri ea mapoka puni una'i 'waravujaho ara ea ka'ene uchaha pa'ajihi vajihe 'warave pura areri ea 'aho'a 'u'o najahe 'wara'avara.

2 Timoti 3:14

'Enakaivo a uneunecha ka'ene najahume henajihija'e veji'i hine 'ee ijija nimai jihuna'e ea irahuna'i a hena kamajaho a nihenu.

2 Timoti 4:3

Ijihuni maijaho vea mai'o rouna'omo pu vu'a nimaiji hehuna ura parenahuna kaivo pu najahi'ina nianaa roe puni ura ijí 'warave he'irono ataa apúsahuna.

Taitasi 1:9

Pu vu'a ka'ene arimaaka pu najahujaho ija kisi apene puni una'i saname vejura. Ijá ve'ava jihuna'e vu'a kajara pu ea mapoka areri arira najahe ijara veje ea 'aho'a ka'ene hua'e ninavujija ni'ajihe najahe pu nimaa rohuna.

Taitasi 2:1

'Enakaivo a vu'a nimaa ariramaa ijiru naja'amana.

Taitasi 2:8

A niho'o vu'a maaru ea naja'amana. 'Ejakame ea pina a sisea areri pa'wara'amana. 'Ene ninakaravi'inijija junave nú ira sisea areri pa'waru'avara.

Hipuru 10:23

'Enakúne roe núra iraka ka'ene nimaaroa 'wavuji chichopijanamiujaho are'ikaivo ija kisi 'unanava. 'Ene Hura iraka ka'ene nahama 'waramujaho Hu pauchauchahi venuna.

Hipuru 3:6

Keriso ka'ene Godoni Harihijara majama hami Huni sea 'ajohuna. 'Ena'omo nú nimaa roji'i ija kisi 'unanama hina va'e uri use'avajaho nú sea kajina.

Hipuru 4:14

Ijihuni hahi Jesu ka'ene Godoni Harihijaho núni Ni'ajúhi'ina Mavarasa'ina Ni'ima'urijara akúpi 'ahi va'ana. 'Ena'omo nú ijihuna'e Hu ija kisi 'uname nimaa roji'i hina apena vahuna.

Juta 1:3

Napuhu nuna ka'ene na oja mihi'inakije na 'unama ka'ene nú venume maranúana ka'ene nú apejaji asura vene ja 'wara'irono amairiaravuta. 'Enakaivo na iviamaa asurakaho vene ja jarirame 'waravujaho nimairoa ka'ene Godira Huni ehija mihajaho ja ija kisi 'uname 'ajohuna'e asurakaho veju.

Revaresiani 2:25

'Enakaivo iraka ka'ene jara niapejajaho ija kisi 'unama hi'eje Na 'unama vu'uta.

Revaresiani 3:11

Vea ka'ene Nara rohunijaho niho'o tu'u'wi namukúne raka ka'ene jara hena kamareja apejajaho ija kisi 'unavakame joni koraunu ea 'aho'a areri pa'etuji'avara.

Revaresiani 3:3

'Enajihuna'e jara marako iraka ka'ene 'eke 'ee joni atai henareja ja ija kisi 'uname 'ee joni sisea kame ta'arohareje kú'o Nuni roaji'avara. Ijihuni maijaho ja pa'urimara'avajaho Na nesi ja tatatihuna. Areri nesa rukini rouja'ina'e Nara vea ka'ene roujaho ja pahena pakahuna.