2 Timoti 1:12 - Godoni vuʼa maiuʼina

¹² Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 1:12 Iomraidhean Croise

Matiu 12:21

'Ejukame Jenitaru Huni ihijihuni vajijino maranihuniji nimai roji'i hiju 'úmana.

Matiu 24:36

Ijarahara rehuni veijaho eaka mapoka kijahija pahena pakavu'e ona oji'ina ka'ene akúpi 'ahi hijujijahija 'u'o pahena pakavu'e Harihiji 'u'o pahena pakamu kaivo Omijara Huhusu hena kamu.

Matiu 7:22

'Ena'omo ijihuni vea kajara ro'eja'e iji'a ea mapoka Na ika'ina 'warihuna Natohwe Natohwe 'ú nú Oni ihi vu'a 'waravure? 'Ene Oni ihi 'urahi'i 'avena sisea ajima'inijija siomahure? 'Ene uneunecha mapoka ea areri pavehuna nú vejure? 'wihuna.

Ruku 10:12

'Enakaivo Na nimaa nimaa 'waravu. Vea ka'ene 'otua ve'avari veijaho ea kijahija niho'o ni'ina ani'ina rehuna. Kwaa ka'ene Satami 'wavujino renajaho asimareje niho'o ani'ina rehuna.

Ruku 23:46

'E'eme Jesura ira ajira'e ijá 'umena Amo Oni ija 'ahi Na Nuni 'Avena ranavu 'wa'ika'i oja sumana.

Joni 17:15

A mwe'akino pu 'eka ani vahuna pa'waravu kaivo 'avena sisei ruara'enakúne 'ajoha'amana.

Joni 6:44

Ea pina Nuna pamajikari rohuna kaivo Amo ka'ene Na ranamiume roujara hu tairie Nuni rohuna. 'E'ira'omo vea túchamaijino Na veje hu ni'aha kwinu 'urihuna.

Akisi 13:46

'Ejume Poru'o Panapasi'o ira paju'ika'i ijá 'iava Nú mamaa vene Godoni ira ikaho ja marako 'waravara kaivo ja majama hihuna apehunijaho niho'o sename hwe'i 'ahiu jihuna'e ijaho ja ojono ka'eje nú Jenitarua puni vau.

Akisi 13:50

'Enakaivo Juapo vejume napara ka'ene iha rukina 'ee parua ka'ene ara kaji ura ni'ina pisimie oja inaume Poru'o Panapasi'o rurahe 'ararihiume kwaa puna kajaho are'i kaivo va'ara.

Akisi 21:13

'Ejume Porura eha vene ijá 'iama Ja raka vene niramaruvu'ukame nuni oja tura'i 'ahio? Na Natohwa Jesuni ihijihuna'e Jerusaremi va'e tipura vahune 'ee kwahunijaho pavwihaju 'iamana.

Akisi 7:59

Sitivini muni 'anaumakivi'i hu Natohwiji 'urahe ijá 'umena Natohwa Jesu nuni 'avena ape'amana 'wamana.

Akisi 9:16

Nara Nuni ihijihuna'e hura haha ni'ima'ura ka'ene hiahunijaho nahuna 'wamana.

Romani 1:16

Na niho'o vu'a maa maiu'inakake 'warahunijaho pajunimu. Ijihuni maijaho vu'a kakaho Godoni harura ka'ene emaapo nimaa rojakame maranihunijina. Ike vu'a kakaho maraku'a Juaru najahareja iji'a Kurikia najahara.

Romani 9:33

Areri Godoni ira vaji vejaja'ina'e Heha! Nara Saioni muna ka'ene emaapo pitachinamie arihe 'ee muna ka'ene emaapo ijihuni toi pijau'ika'i arihunijaho ranavuta. 'Enakaivo ea irara Hu nimaa ronujaho hu oja pahiahuna 'iamana.

1 Koritia 1:8

Hura ja 'u'o 'uninamie kisina'e rena va'e vea túchamai 'e'une 'ee núni Natohwa Jesu Keriso oni veijaho panamúhuna.

1 Koritia 3:13

'Ena'omo vea nituma roe sa'eje ea kwinu kwino puni kaukara ichá'ina ka'ene venujaho 'otua veijino veni vena kive samaa'e rehuna. Ijihuni maijaho vena kajara huhusu ea irara uné raki 'eke ara venajaho vena kihuna.

Piripai 1:20

Na ura renia para'eju'e raka ka'ene rehuniji nimaa roji'i hijujaho uneunecha 'aho'a pareje na junihuna. 'Enakaivo na Keriso onijihuna'e paju'ika'i marako vejuja'ina vehuna. 'Ene nuni hia vajakino na mai'o hi'eju ho na kwahuna kaivo na na'ia mapoka'e Kerisoho ta'arohuna.

Piripai 3:10

'Enajihuna'e na Hu hena kahuna ura renie 'ee harura ka'ene Hu vejume 'urinajaho hena kahuna'e ura renie 'ee Hura sisei hinaja'ina'e hihuna ura renie 'ee Hura kwama ja'ina'e kwahuna ura reniu.

Piripai 3:21

Hura núni haha harura pa'ana ka'ene kwamasahuni hahakaho veje arohe Huni haha ka'ene hanaji'ini ja'ina'e rehuna. 'Ene Huni harura kajara reje uneunecha maho'o roe Huni harura hari nahuna.

Piripai 3:8

'Enakaivo natohwijaho ikena. Nara Jesu Keriso nuni Natohwi jihuni mavarasa'iniji maho'o hena kavujara rejume uneunecha mapoka kajija maa pa'ana'e rejara. 'Ene Keriso ape'i 'ahiume uneunecha maho'o kajija túa'e vetiume pa'arejara.

1 Tesaronia 2:16

Jenitarupo Godi nimaa rohuni jihuna'e pu tanu'uruhu'e nú vu'a pa'waravura. Ijihuni hahi pu puni siseijaho veju'e tiresa hina apena ajimu. 'Enakaivo puni eha siseijaho niroe areri rena parana namu.

1 Tesaronia 5:4

'Enakaivo vwehu núne ja nututa pahiju jihuna'e ijí vea kajaho ja nesa apeji'ina puna'i paroe asitahuna.

1 Timoti 6:20

Oo Timoti iraka ka'ene a vajahajaho hami 'ajo'amana. 'Enakaivo mwe'a ikihipuni ira'atijaho juha'amana. 'Ene henaka 'wa'i kaivo ira'atijino 'uraujija pataarora'amana.

2 Timoti 1:14

'Ene Godoni 'Avena ka'ene núni vaji hinujara ni'aja'eje mamaa ka'ene mahajaho 'ajo'amana.

2 Timoti 1:16

Natohwijara Onesiporasiho 'ee huni akana ni'ima'ura numira'amana. Ijihuni maijaho na tipurai hijujaho hu paju'ika'i vu'e kikime 'ee ni'ajihi'i hinana.

2 Timoti 1:18

'Ena'omo vea ka'ene Natohwijara ro'amani veijino Natohwijara numihuna. 'Ene hu Epasasi na ichá'ina'e ni'ajihajaho a nihena kamana.

2 Timoti 1:8

'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

2 Timoti 2:9

Ijihuna'e na siseisei ea sisea puna'i tipurai hiju. 'Enakaivo Godoni Irijaho tipura panamu.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Taitasi 3:8

Ike vu'a ka'ene nara ja 'waravukija nimaa nimaa'omo na ura ja 'unama kajaho hina 'ejahi'i 'wavakame Godoni eijija na'ia mapoka mamaa kaji vehuniji hami hami 'ajo'avara. 'Ejakame ike 'unamakaho mamaakúne ijara ea ni'aji'amana.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Hipuru 2:18

'Enajihuna'e Hu ori'ini va'e ahija apene 'ee venaka vaji va'ana. 'E'ira'omo nú ahija ape'eja ho venakúa vaji va'avajaho Hu areri ni'ajúhuni jihuna'e avanana.

Hipuru 7:25

Ijihuni hahi ea irara Jesuni vaji Godoni nini ro'amajaho Jesu areri venae majama marania apena vahuna. Ijihuni maijaho Hu punijihuna'e majama hine pu vahaname puamu vena apene vahuna.

1 Pita 1:5

Godira Huni harurijino 'ajoha'eju'e joni nimairoa vajijino ni'ajihajaho vea túchamaijino samaahirave kahuna'e amairiaramu.

1 Pita 4:16

'Ena'omo ea irara hu Keriso oni eijihuna'e siseisei hi'amajaho hu paju'amana kaivo ijí Iha kajino Godi ta'aro'amana.

1 Pita 4:19

'Enajihuna'e ea ka'ene Godoni ura ija'ina'e sisei hijujija puni ojijaho ariramaiji venareje Venina ka'ene pauchavi'ini jihuni ija tahi irechavara.

Juta 1:24

'Enajihuna'e Hura areri 'ajoha'eje pa'amaaresume 'ee Hura veje ja Huni hanaji'ini jihuni una'i arira'e teamana'eje namihuna.