2 Timoti 1:1 - Godoni vuʼa maiuʼina

¹ Na Poru Godoni ura ijino Jesu Keriso oni apasorua. 'Ene Jesu Keriso oni vaji majama hihuna'e nahama 'warumaji najahi'ina.

2 Timoti 1:1 Iomraidhean Croise

Joni 10:28

Na pu majama hihuna vajihu jihuna'ee pu papa'arehuna. 'Ee pu Nuni ija tahi hijujihuna'e ea 'ahopo 'etujihuna areria pana.

Joni 17:3

Ikaho majama hihunijina. Pu A Godi ka'ene nikwinu'wi nimaa nimaiji hena kame 'ee Jesu Keriso ka'ene Ara ranavume roaji hena kahuna.

Joni 5:24

Na niho'o nimaa nimai ja 'waravu. Ea irara Nuni ira hene nimaa rone Godi ka'ene Na ranamiume rouji nimaa ronujaho hu majama hihuna niapenana. Ijihuna'e hu 'otua pavehuna kaivo Hu kwahunijaho niare'ika'i majama hihuni ruhijino roana.

Joni 6:40

Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Joni 6:54

Ea irara Nuni haha ine 'ee 'aa i'amajaho hu majama hihuna. 'E'ira'omo vea túchamaijino Nara veje hu ni'aha kwinu 'urihuna.

Romani 1:1

Na Poru Jesu Keriso oni pwea 'ee apasorua re'urono iji pijihe 'ee Godoni vu'a maiu'ina 'warahuna'e ranamiana.

Romani 5:21

Ni areri sisei jihuni 'unamijara natohwa rejume kwamasaha ja'ina'e vu ma ijí vwihaniujaho arimaa ijihuni vaji natohwa'e rene núni Natohwa Jesu Keriso oni vaji majama hihuna.

Romani 6:23

Sisei jihuni 'ehijaho kwamasahuna kaivo Godira swara ka'ene mamúhajaho Jesu Keriso ka'ene Natohwi jihuni vaji majama hihuna.

1 Koritia 1:1

Na Poru Godi oni ura ijino Jesu Keriso oni apasorua re'urono iji pijihajara Sositanisi ka'ene núni vweiji'i veju.

2 Koritia 1:1

Na Porura Keriso oni apasorua Godira Huni ura ijino iji pijihana. 'Ene Timoti ka'ene núni vweiji'o Godoni sosia maho'o ka'ene Korinitiai namuna 'ee nimaa roji'ina maho'o ka'ene Akea vaji hijujihi puna'e veju.

2 Koritia 1:20

Ijihuna'e Godira nahama 'waramajija mapoke 'ee icharu navu ijija Huni vaji nimaa. Ijihuna'e Huni vaji Ameni 'wavujaho Godi ta'arohe 'wavu.

Karesia 3:26

Ijihuni maijaho ja iviamaa Jesu Keriso oni vajijino nimai rojajihuna'e ja maho'o Godoni harihija'e rejara.

Karesia 3:28

'Enajihuna'e ja Jua 'aho Kuriki 'ee pwea ho pwea pana 'ee napara ho parua ja ijá maho'o Jesu Keriso oni vajijino nikwisu'ina.

Epasasi 3:6

Hemijaho ikena Godoni vu'a maa maiu'ina vajijino Jenitaru Isureri opu'úmo ahume aachi'a ka'ene nahama 'waramajaho 'ekahuna. 'Ee Jesu Keriso oni vu'a maa maiu'ina vajijino haha nikwinu Huni pwina'e rejara.

1 Timoti 6:19

Ja ija'ina'e ve'avajino pu uneunecha mamaa túnahuna opo amairiarame avahuna. 'Ene ijaho hia mamaa ka'ene pura apehunijina.

2 Timoti 1:10

'Ena'omo Hu iviamaa vejume Huni ura ijaho Jesu Keriso ka'ene núni Ni'ajúhi'inijara roana vajijino samaahiramana. 'Ene Hura kwamasahuni harurijaho tirakui Huni ira maiu'ina vajijino majama hihuna 'ee pakwamasahuna vejume roe samaa'e renana.

2 Timoti 1:13

Nara 'unama arira ka'ene a najahuma a nununa'i Jesu Keriso oni vaji nimaa rohuna 'ee oja mihuna hena kamajaho ija kisi 'uninami'amana.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

2 Timoti 2:1

Ijihuna'e nuni harihe a maiji vwihanii'ina ka'ene Jesu Keriso oni vaji namujihuni vaji kisima'ura rena para'amana.

2 Timoti 2:10

Ijihuni hahi uneunecha mapoka ani ani'ina nuni una'i rejujija na ijihipuni vaja kajino kirane va'ura. Ijihuni maijaho ea ka'ene iji pijihajihi punijihuna'e avajura. 'Ejakame pu 'u'o roe Jesu Keriso oni vaji ni'ajihi'inijaho apene 'ee pinana ka'ene majama nahuniji 'u'o ape'avarono avajura.

2 Timoti 2:3

Nara vea kisina apene sisei hijuja'ina'e a 'u'o areri Jesu Keriso oni sorutia mamai jihuna'e ija'ina'e hi'amana.

2 Timoti 3:15

'Ene a mai'o sesamu'uru rene Godoni Ira ka'ene akuavi'inijaho najahara'omo ijara vwiha mamaa vaja'eme a Jesu Keriso oni vajijino nimaa ronarena ni'ajahi'ina apenana.

Taitasi 1:2

Ijí majama hihuna apehuna ka'ene Godi ira'ata pa'ajara nitama nahama 'warumaji 'ajaha hiju.

Taitasi 1:4

Taitasi nuni hariha nimaa ka'ene núni nimaaroa nikwinu'ini jihuna'e veju. 'Ene maiji vwihanúana 'ee matauvi'ina ka'ene Godi Amoho 'ee Jesu Keriso ka'ene núni Ni'ajúhi'inijaho a hu'úmuna.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.

1 Joni 2:25

Ikaho Hura iraka ka'ene mú'irono nahama 'warumajina majama hihuna.