1 Timoti 6:16 - Godoni vuʼa maiuʼina

¹⁶ Majama hihunijaho Hununa'i namu 'ee Hu hanaji'ina vaji hiju'e ea areri Huni una'a pava'ura. 'Ene ea Hu pakavi'ina 'ee Hua'e kahuna areri pana. 'Ene harura 'ee hura vejujaho maho'o majamano Huna.

1 Timoti 6:16 Iomraidhean Croise

Joni 1:18

Vei pini emai Godi kahuna niho'o pana kaivo Huni Hariha nikwinu'wi ka'ene Omahoni vaji hinujara Hu kame ea 'aho'a najahe 'waramuna 'iamana.

Joni 14:9

Jesu hu ijá 'wama Piripu Na ja pu'úmo jora hijuta kaivo rakijihuna'e ja mai'o Na pahejo? Ea ka'ene Na kivujija Amo nikavu kaivo rakijihuna'e a Amo najuha 'wimo?

Joni 6:46

Ea pini Amo kahuna pana kaivo ea ka'ene Godoni rene roajara Amoho kamuna.

Joni 8:58

'Ejume Jesu ijá 'iama Na nimaa nimai ja 'waravu. Eparahamiho mai'o panaheji'ini Na ni ijí hijuta 'iavume

Epasasi 3:21

Godiho sosia vaja 'ee Jesu Keriso oni vaja 'ee ea maho'o hina apena va'ujihi puni vaja aneja púsa pa'ana'e ta'arohuna. Ameni.

Piripai 4:20

'Ene iviamaa núni Godi 'ee núni Omijihuni pinanijaho aneja púsa pa'ana'e Huna. Ameni.

Korasia 1:15

'Ene Hu Godia ka'ene nia pakavi'inijihu vare'ine 'ee mai'o uneunecha maho'o re'avarono Hu amura'e ijí hinajina.

1 Timoti 1:17

Hu iviamaa Kinia ka'ene majama hiji'inijina 'ee pakwavi'inijina 'ee haha pakavi'inijina 'ee Hu Godi nikwinuna 'ee Huni hura venahura 'ee pinanijaho aneja púsa pa'ana'e Huna. Ameni.

Hipuru 13:8

Ijihuni maijaho Jesu Kerisoho niara iviasa 'ee nitua majama nikwisu'ina.

Jemisi 1:17

'Ene uneunecha maho'o mamaa 'ee swara arira mamaijija ichutoi hanaji'ini jihipuni Omijihuna'i rene roura. Hu pata'arohe ani ani'ina rene 'ee Hu areri nihapo ikehikehi niha rena va'a va'uja'ina pana.

1 Joni 1:5

Ikaho Huni vu'a ka'ene núra hejaji ja 'waravu Godiho niho'o hanaji'ina kaivo Huni vajijaho niho'o panutuvi'ina.

1 Joni 1:7

'Enakaivo nú hanaji'ini hina 'urahojujaho areri Hura hanaji'ini hinuja'ina'e nú ea 'aho pu'úmo hami hami veju. 'Ene Jesu ka'ene Huni Harihi jihuni 'aijara núni sisea maho'o sovu'e pa'arenu.

1 Joni 4:12

'Enakaivo na'i pini ei pini Godi niho'o kahuna pana kaivo nú ea 'aho pu'úmo oja 'ekaravujaho Godi núni vaji hinuna. 'Ene Huni oja 'ekaravujaho núni vaja areri renuna.

Juta 1:25

Núni Godi nikwinu ka'ene núa venume maranúaji ta'aroha. 'Ene Jesu Keriso ka'ene núni Natohwi jihuni vaji ta'aroha. Hanaji'ina Harura Ni'ina 'Ajohai'ina Ajira Rukina ijija Huna. Hu nitama rene majama ija'ina. Ameni.

Revaresiani 1:6

Jesura nú 'ekue Huni ehiji jihipuni vaji Huni ari irechamúana. 'Eju'ukame nú Godi ka'ene Jesuni Omijihuni kaukara ni'ajahi'ina rejara. Hura aneja púsa pa'ana'e nú 'ajohua apena vahuna kajihuna'e nú 'u'o Hu ija'ina ta'arohuna. Ameni.

Revaresiani 1:8

Na Aneja 'ee Na Púsa. Godi ka'ene Harusinijara ijá 'warumana Hu nitama anejijaho ijí hinana'omo iviamaa ijí hinuna'omo Hu majama ijí hina apena vahunijina 'úmana.

Revaresiani 21:3

'E'ejume na hejume toronu 'ahi ira ajira ika'ina 'waramana. Ike heha! Godoni harai arijaho emaapuni roana. 'Ena'omo Hu pu pu'úmo ahuma hije pu Huni ehija reje Godiho ori'ini pu pu'úmo hihuna.

Revaresiani 22:5

'Enavo ara natohwa kajaho pana'ihuna. 'Ene nahehapo hanahuna pane 'ee vea hanahuna pana. Ijihuni maijaho Godi Natohwi jihuni hanaji'inijara hanahuna. 'E'eje Pu majama 'ajoaha apena vahuna.

Revaresiani 4:11

Oo núni Godi 'ee Natohwe A niho'o arerina'omo Oni iha ahasirime ta'arorahe harura 'ekahuna. Ijihuni maijaho Ara uneunecha maho'o vesihana. Ara oni ura ijí vena irechamana.

Revaresiani 7:12

Nimaa! Merajihi'ina ta'arohi'ina henaka nimaijina temaravi'ina iha ta'arohi'ina harura 'ee ajira ijaho majamano núni Godijihuna. Ameni! 'wavara.