1 Timoti 6:1 - Godoni vuʼa maiuʼina

¹ Veje pwea ka'ene puni mama'ini jihipuni harura hari hijujija puni hura vena'avara. 'Ejakame núni Godijihuni iha 'ee núra vu'a ka'ene najahujaho areri paninamue 'waru'avara.

1 Timoti 6:1 Iomraidhean Croise

Matiu 11:30

Ijihuni hahi Nuni 'unamijaho samaumaa. 'Ene Nuni ahijijaho nimaa nimai nasina 'iamana.

Matiu 11:9

kaivo ijí jara raka ka'ene ka'i va'a kajaho 'wariva hejuma. Ja poropeti ka'i va'are? I'a Na ijaho ja ni'waravume hejara. Hura poropeti 'aho'akija asitahu.

Ruku 17:1

Jesura Huni tisaiporu ijá 'iama Siseijaho na'ia mapoka namuna. 'Enakaivo ea ka'ene ijí veju'e ea sisea vejujaho túna'i eha sisea ni'ima'ura apehuna.

Akisi 10:22

'Ejume pu hu ijá 'wava Koniriasiho amia puni natohwa'omo hu ea arira 'ee Godi juhamuna. 'Eju'ukame Jua mapoka hu ta'arohura'omo Godoni 'ona oji'ina natohwijara nahumakame nú roe a aherama huni sei va'e ara vua'e 'warave hu he'irono 'waruvume nú roara 'wavara.

Akisi 10:7

'Enarena Godoni 'ona oji'ina kajaho vu'a 'waravume pa'arejume hu va'ana. 'E'eme Koniriasiho huni pwea no'one 'ee sorutia pina ka'ene Godi juhavi'ini ijihi pu'úmo 'umenaume roara.

Akisi 15:10

'Enakaivo ja rakijihuna'e Godi venakame 'ee tisaiporua ahija miho? 'Ene emahu nuna 'ee núa areri paapehunijaho miho?

Romani 2:24

Godoni ira vaji vejaja'ina'e ja ija'ina vejujihuna'e Jenitarua puni vajijaho Godoni ihijaho matahura 'úmana.

1 Koritia 10:32

Paveje Jua ho Kuriki ho Godoni sosia ari'ava.

Karesia 5:1

Nú 'ahijaho unenu'a 'ahopuni harura hara pahihuni jihuna'e Kerisoho nú venume hanasina'e rejara. 'Enakúne majamano kisina'e rene namina va'avara kaivo kú'o pwea rene harura hari hijuja'ina'e pare'avara.

1 Timoti 5:14

'Enajihuna'e na ura reniujaho napara amuna ka'ene ea maiu'inijija parua vene 'ee sesamaa nahena'e 'ee huni sea 'ajohakame nakijaho vea pamahe pu areri panamahuna.

Taitasi 2:5

'Enareje pu puni vwiha hami 'ajohe 'ee nia pakairasahe 'ee puni sea hami 'ajohe 'ee paruhwapuni ira hene veja. 'Ejakame pu ea 'aho'a Godoni vu'a areri sisea pa'wa'avara.

1 Pita 2:12

Joni kara ijija Jenitaru puni vajijaho mamaa'e re'amana. Pu ja sisea namahe 'warahuna kaivo jara mamaa ka'ene ve'avaji kimareje vea ka'ene Hura 'aiha vei ro'amajaho Godi ta'aro'avara.

1 Pita 3:16

'Enakaivo oni vwiha veje arira'e re'amana. 'E'irakúne emaapo vu'a ira'atijino 'wame 'ee a ninama'avajaho oni kara mamaa ka'ene Keriso oni vaji namujara veje pu junahuna.