1 Timoti 5:1 - Godoni vuʼa maiuʼina

¹ 'Ene ira kisi emaa pa'urara'avara vo omuna'e jarima 'waramu ja'ina'e 'warame 'ee kivasijija vwehuana'e 'waramu ja'ina'e 'wara'amana.

1 Timoti 5:1 Iomraidhean Croise

Matiu 23:8

'Enakaivo ja paveje ea 'aho'a ja najahi'ina 'i'avara. Ijihuni maijaho joni Najahi'inijaho kwinu'wina. 'Enakaivo ja Huni vwehija.

Akisi 14:23

Pu sosia kwinu kwinu puni eruta pijihume paarejumakivi'i 'iruma 'aura areme 'ee siporu 'ojume paarejume 'eke Natohwa ka'ene pura nimaa rojujihuni ija tahi irechamiara.

Akisi 15:4

'Ejume pu va'e Jerusaremi usevume sosia 'ee apasorua 'ee erutapo pu 'ajorame aheravara. 'Ejume pu Godira pu pu'úmo uneunecha raka ka'ene vejajaho pu 'waravara.

Akisi 15:6

'E'ikaivo apasoru eruta ijipo vu'a kaji 'wama he'irono roe ahuvara.

Akisi 20:17

'Enakaivo nú Mairitasi hi'eme Poruho 'ona ranavume va'e Epasasi sosi huni eruta puni 'ona vene ro'avarono 'waramana.

Romani 13:7

'Ene ea eha mi'avajija areri pura kaukara ka'ene vejuja'ina mi'avara. Ea ka'ene takisia apeji'inijihi puna'i takisia ve'avara 'ee kasitomu 'ime'avarono ve'avajaho 'imena'avara 'ee ea irá juhahunijaho juha'avara 'ee ea irahuni hura vehuna re'amajaho huni hura vehuna.

Karesia 6:1

Vwehu nune ei pini sisei vaji oja ka'avajaho ja ea ka'ene ni 'Aveni vaji emakina'e rejajipo va'e masuanu ni'ajahe 'uri'amana. 'Enakaivo ojono hami 'ajo'ara'avara vejuro'i ja 'u'o ija'ina'e vena ve'ejakúna.

1 Timoti 5:17

'Ene eruta ka'ene puni kaukara hami 'ajohe 'ee harura vene ira 'warame 'ee najahu jihipuni hura hurahara vena'avara.

1 Timoti 5:2

'Ene paranahijija ohuana'e 'waramu ja'ina'e 'warame 'ee 'asúrijija ma'ipuana'e 'waramu ja'ina'e arira'e vwihaji'i 'wara'amana.

Taitasi 2:2

'Ene emaa 'u'o 'warave areme sonasahe hine hura vene vwiha hami vwihane 'ee huni nimaaroa arira name 'ee oja aririji mihe 'ee masuani ajuarana hija.

Taitasi 2:6

'Ene 'unama nikwinu'ina kajino kivasa 'u'o 'waravakame puni vwiha hami 'ajo'avara.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

Jemisi 5:14

'Ú joni vaja vi ea pina atami 'una'eju'e hino? Ijinakú maka'eje sosi huni eruta'e 'warave roa 'ee maki'eje pu huni siporua 'onaha 'ee Natohwi jihuni iha toi 'werua 'onaha.

1 Pita 5:1

Na 'u'o erutai joni vaji eruta 'waravu. Kerisora siseisei hinajaho na kavuta 'ee pinana ka'ene 'urihuni jihuni pwinana'a apehuna 'waravu.

2 Joni 1:1

Na eruta napara ka'ene iji pijahajine 'ee sesahwaha ka'ene nara nimaa vajijino oja mihujiru pana vo ea maho'o nimaiji hena kavi'inijihi puna'e veju.

3 Joni 1:1

Na erutai Keasi ka'ene na oja mahujihuna'e veju.

Revaresiani 4:4

Toronu kajaho toronu 'aho'a mapoka (24) ijano same tautihara. 'E'eme ijihuni 'aha kajine eruta mapoka (24) ijihuni 'ahi hijajaho ateha sajasa'ini same koraunua ka'ene korutia vejajija puni húmata 'ahi sama hijara.