1 Timoti 4:13 - Godoni vuʼa maiuʼina

¹³ Oni oja vwiha iji'i ea rira Godoni vu'a tahe hami ni'ajihe 'ee najahi'i hi'eje na iji'a vuuta.

1 Timoti 4:13 Iomraidhean Croise

Joni 5:39

Ja Godoni Ira tahe saravu jihuni maijaho ja vwihajujaho ijihuni vaji majama hihunijaho ape'eja roju. 'Enakaivo ijí ira kajaho Naa'e rone 'waramuna.

Akisi 17:11

'Ejume ea ka'ene ijí hijujaho puni vwiha mamaa vwihaji'ina'omo pura Tesaronaika ora asitahara. Ijihuni maijaho pu Godoni irijaho ura rena parani'eme apene 'ee na'ia mapoka tahe 'ee 'eka manura vene kivura.

Akisi 6:4

'Ejakame nú onúno na'ia mapoka siporua 'o'one Godoni vu'a 'warahunakúne 'iavara.

Romani 12:8

'Ene Godira ea pina'e vejakame hu ea 'aho'a vu'a ni'ajiha 'wara'amajaho hu ijá ve'amana. 'Ene Godira ea pina'e vejakame ea 'aho'a ni'ajihe vaji'i veja ka'avajaho maka'eje ea vajihi'ina'e re'amana. 'Ene Godira ea pina'e vejakame hu ea 'aho'a 'ajoha'amajaho maka'eje ea hami hami 'ajoha'amana. Godira ea pina'e vejakame hu ea 'aho'a numiravi'ina'e reja ka'avajaho maka'eje teama'eje hu numira'amana.

1 Koritia 14:26

'Ena'omo vwehu nune ichá'ina ve'eja? Vea ka'ene ja roe ahu'avajaho ea kwinu kwino javaa veje 'ee ea pina najahe 'ee ea pina vu'a hema nahume hununa'a samaumaa'e renaji najahe 'ee ea pina ira ani'ini 'warave 'ee ea pina ijí ta'arohuna kaivo veje uneunecha maho'o ea ni'ajihe emarene 'urihunijiru re'amana.

1 Koritia 14:3

'Enakaivo ea ka'ene poropetia puni iri 'waramujaho hu emaapo emare'asa'avarono 'warame 'ee ni'ajihe 'warame 'ee oja sonahi'amarono 'waramuna.

1 Koritia 14:6

'Enakaivo vwehu nune na iviamaa roe ira ani ani'ini 'wara'ujaho na ichá'ina ja ni'aji'ejo? Na areri 'unama ka'ene veje samaumaa re'eje 'wara'ujiana 'ee henaka vajijino 'wara'ujiana 'ee poropetia puni iri 'warame naja'ujiana 'ee naja'uji'a ijara samaa'e rehuna.

1 Timoti 4:16

A oni hia orono hami 'ajo'amana 'ee hami kivi'i najahe 'ee 'unama iraka ka'ene nimaijiru ve'amana. Ijihuni maijaho a ija'ina'e ve'amajaho a orono ni'ajarame 'ee ea ka'ene oni vu'a hejujija ni'ajihe avahuna.

1 Timoti 4:6

A ikihi rone vwehu nuna naja'amajaho a Jesu Keriso oni pwea mamaa'e rehuna.

2 Timoti 3:15

'Ene a mai'o sesamu'uru rene Godoni Ira ka'ene akuavi'inijaho najahara'omo ijara vwiha mamaa vaja'eme a Jesu Keriso oni vajijino nimaa ronarena ni'ajahi'ina apenana.

2 Timoti 4:2

'Enakúne Irijaho naja'amana. Vea 'aha ho vea 'aha pana kaivo maiji amairiara'amana. 'Ene ni'ajihe amairie najahe 'ee ira kisina ni'ajihi'i 'urarahe 'warame 'ee hami chochumano masuanu hiji'i hami najaha 'wara'amana.

Taitasi 2:15

A unekakihi haruriji'i maho'o ni'ajihe najahe 'wara'amana. Veje ea 'aho'a a túa paveta'avara.