1 Timoti 1:9 - Godoni vuʼa maiuʼina

⁹ Nú ja pu'úmo nihena kavu. Tamanijaho nimaa'e ea ka'ene ariri jihipuna'e vehuna pana. 'Enakaivo ea ka'ene varapa tuvi'ina ka'ene vuataa paheji'ina 'ee Godi paheji'ina 'ee sisea veji'ina 'ee paakuavi'i majikari hiji'ina 'ee 'unama aririjihi 'ijahi'ina 'ee opwaha 'ee ohwaha 'aniu'e tirahi'ina 'ee ea 'aniu'e tirahura.

1 Timoti 1:9 Iomraidhean Croise

Matiu 10:21

'Enare'e ei pini huni poka 'otu vetiakame erapo apene 'anaa kwahuna. 'Eje omahi huni hariha ija'ina 'ahahuna. 'Ejakame kasihwapo emahwaha namahe 'anie tirahuna.

Romani 1:30

'Ene ea sisea ronahe Godi sename ea veju'e juname kivasuame kehi kehi one sisea vehuni 'unama saravi'ine 'ee emahwa puni ira pahejura.

Romani 4:13

Godira Eparahami huni amuhijijihi pu'úmo kwaa ara maho'o kakaho mi'iro nahama 'waramana. Ijihuni maijaho hu Godi nimaa rojume Hura arimaa 'wamajihuna'e avanana. Hu tamana vejakame ijí mihuna pana.

Romani 5:20

Siseiji 'oi'oi naja'eje mapoka re'avarono Godoni varapijaho roana. 'Enakaivo siseijara emarenajaho Godira maijí vwihanúajara maijí ani'ina'e asima paranana.

Romani 6:14

'Enajihuna'e siseijaho mai'o joni natohwa parehuni maijaho ja iviamaa varapa huni hara pahiju kaivo ja maijí vwihania jihuni hari hiju.

Karesia 3:19

'Enakaivo vu irakijihuna'e varapijaho múhane? Varapiji múhajihuni maijaho emaapo puni siseiji ki'avarono múhana. 'Enakaivo varapakaho ona'oji'inapo apena roe emaa 'ee Godiho ea ka'ene riramo'oi hinuji mahakame varapa huni 'unamijino veji'i hi'eje ijí 'ina ka'ene nahama 'waravajara roajino pa'arenana.

Karesia 5:18

'Enakaivo ja 'Avenijara uranie va'amajaho ja tamana huni harura hara pahiju.

Karesia 5:21

'Ene itunume 'ee toa sisea ine nanamie 'ee ruasarame 'ee uneunecha ika'ina ka'ene na ni'waravu ja'ina'e 'waravu. Ea ka'ene uneunecha sisea ikihi vejujija Godoni ara ka'ene Hura Kinia'e rena hinuni kwaa ijaho areri pavahuna.

Karesia 5:23

Vivinui hiji'ine 'ee 'ajo'aravujine uneunecha ika'inijija varapa pa'ana.

2 Tesaronia 2:8

'E'eje iji'a ea siseijaho roe samaahirahuna kaivo vea ka'ene Natohwijara ro'amajino Huni ira ohoa 'ee Hura ro'amani harurijara 'anae pa'arehuna.

1 Timoti 4:7

'Ene na'ia mapoka'e nimaaroa 'ee vu'a mamaa ka'ene ara 'ararihae roajihuni 'ahi hina rouni eiji rehuna.

1 Timoti 6:20

Oo Timoti iraka ka'ene a vajahajaho hami 'ajo'amana. 'Enakaivo mwe'a ikihipuni ira'atijaho juha'amana. 'Ene henaka 'wa'i kaivo ira'atijino 'uraujija pataarora'amana.

2 Timoti 2:16

'Enakaivo mwe'a kehuni vu'a ka'ene maa pa'ajija juha'amana. Ijihuni maijaho ijipo aherame va'e Godi ura parenujihi ve'enakúne.

2 Timoti 3:2

'Enareje emaa pupusumaru oja ma'arahuna 'ee moniaru oja mihuna 'ee kehi kehi ohune 'ee jarika rene 'ee Godina'i ira sisea 'wahune 'ee emahwa puni ira pahene veji'ina rehuna 'ee patemarasahi'ina rehune 'ee ea paakumahi'ina'e rehuna.

Taitasi 1:10

Pu ea mapoka vu'a kajaho pahene veju kaivo pu ira karokaha 'wame ira'ata kajino ea pisivisavura. 'Ene ea ka'ene sisa 'uhui'inijipo ija'ina vejura.

Taitasi 1:16

Pu Godoni ea 'úvu kaivo raka ka'ene pura vejuji nú kivujaho pu nimaa Godoni ea pana. Pu niho'o sakarasahi'ini jihuna'e Godoni ira pataarohura. Pura unenu pina mamaa areri vehuna pana.

Taitasi 1:6

A ea iji piji'amajaho ea ka'ene sisea veji'inijija papiji'amana. 'Enakaivo ea ka'ene napara kwinu kwino savi'inijino piji'amana. 'E'irakúne puni harihija Natohwijaho nimaa rone sisea ani ani pavene 'ee emahwapuni ira papataarorahuna.

Taitasi 3:3

Nú marako'a hami pavwihane 'ee vuataa pahene 'ee pisimúu'e nú hahijihuni ura ani ani'ina vene 'ee hahijara teamahuni jihuni pwea rejara. 'Ene sisea vaji hine 'ee ea 'ahopuni kukua kime itunume 'ee senuma paranúe 'ee ea 'aho'a pu'úmo sena vejara.

Hipuru 11:31

'Ene nimairoa vajijino Rehapiho maraku'a 'uasa venajaho ea ka'ene huni ara kwaa natohwa vajijino Godoni ira he'iro senavi'inijipo kwamasaha ja'ina hu pakwamana. Ijihuni maijaho hu Isureri opuni júhoji'ina ka'ene roajihi ni'ajiha jihuna'e pakwamana.

Hipuru 12:16

'Enakúne joni vaji ea 'aho'a 'uasa pavene 'ee Godi pamatahareje Isora venaja'ina pave'avara. Hu 'iruma huni hahi poka huni harurijaho 'u'ua huna'i 'imenana.

1 Pita 2:7

Ja ea ka'ene nimaa roji'ini jihipuna'i ijaho Hu niho'o mavarasa'ina kaivo ea ka'ene ara veji'inijipo ike munakaho pi'onavara. 'Eju'ukame ijí muna kajara tukeja ka'ene rira mu'oijaho aneanesina rene namu.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

1 Pita 4:18

'Ejume ea ka'ene aririjija 'unama niho'o kisinijino mamaa rejara'e re'amajaho vu ea ka'ene Godi pa'ajija 'ee ea sisemaijija ichá'ina'e roe re'eja? 'úmana.

Juta 1:15

Hu ea mapoka maho'o aherame roe 'otua vetihuna 'ee ea sisesa ka'ene puni vaji hine 'unama sisearu vejujija 'ee ira sisea ka'ene ea sisesa kajipo Hua niname 'warava jihuna'e avahuna.

Revaresiani 21:8

'Enakaivo ea ka'ene juvi'ina panimaa roji'ina sisea mama'ina veji'ina ea 'aniu kwamasahi'ina 'uasa veji'ina ea masihavi'ina icha muni godi ira'ata veji'inijija 'ee ira'asina ea ija'ini jihipuni tinijaho vena ni'ima'ura marekiji'i reji'i nahúna namuji rehuna. Ijaho kú'o kwamasahunijina.

Revaresiani 22:15

'Enakaivo ara natohwa kajihuni samaijaho 'ua 'ee ea masia rukina 'uasa veji'ina ea 'aniu'e kwamasahi'ina godi ira'ata icha muni veji'iniji oja mihura 'ee ea ka'ene ira'ata vehuniji oja mihi'inijija samai hina apena vahuna.