1 Timoti 1:5 - Godoni vuʼa maiuʼina

⁵ Nara vu'a ka'ene najahu jihuni maijaho oja 'unama mamaijino 'ekarame 'ee hami vwihane 'ee hami nimaa ro'avara.

1 Timoti 1:5 Iomraidhean Croise

Matiu 12:35

'Enakaivo ea ka'ene puni oja vaja ariramaaru navujija vwiha maaru vwihana 'waravura. 'Eju'e ea ka'ene puni oja vaja sisearu navujija sisearu 'waravura.

Matiu 5:8

'Ene ea ka'ene puni oja ariramaa rejajija teamanava. Ijihuna'e pu Godi kahuna.

Akisi 15:9

Hu kúmujaho núa 'ee pua ani'ina kaivo nimaa roijara puni oja vaji sisea soma amairiahana.

Akisi 23:1

'Ejumakame Poruho nia ajira kanisoru kajija kivi'i ijá 'iama Vwehu nunakije na Godoni una'i hami hinuva'o roe iviasi 'e'uju 'iamana.

Akisi 24:16

'Enajihuna'e na na'ia mapoka harura vejukame nuni vwiha veju'e Godoni una'a 'ee emaapuni 'una'i arira'e navu'e na namihuna areri parenuna.

Romani 10:4

Mosisi oni tamana kajihuni urijaho Kerisora roana. 'Enajihuna'e ea ka'ene Hu nimaa ro'avajija pu arimaa'e rehuna.

Romani 12:9

Ja majikari ea oja mihu pa'ia'avara vo nimaa nimaa oja mi'avara. Siseijaho sena'avara kaivo 'unama maijaho ija hami 'unanama hi'avara.

Romani 14:15

'Enakaivo ja 'iruma ka'ene ijujara veje vweuna temu'amajaho a vweuna kajaho oja pamahe avanu. A paka'eje 'iruma huni hahi vweuna ka'ene Kerisora hunijihuna'e kwamajaho ruara'ama.

Romani 9:1

Na Keriso oni vaji nimaa'e 'waravu. Na ira'ata paapeju kaivo nuni vwiha ijaho Godoni 'Avenijara nimaa ve'eju'e 'waravu.

1 Koritia 13:1

'Ene na emaapuni ira ani ani'ina 'warame 'ee 'ona oji'ina puni ira 'wara'ika'i ea oja pami'ipisa na areri maa pa'ana'e reju'u 'ee tini ata puna'i 'umene 'ee kurupate puna'i kure kurevu'u.

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Karesia 5:6

Ijihuni maijaho Jesu Keriso oni vajijaho sisa 'uhuahi'ina ho pa'uhuahi'inijaho natohwa pana kaivo nimaa rone oja 'ekaravujara natohwijahuna.

1 Timoti 1:18

Ike vu'akaho nuni hariha Timoti na a 'waravu. Nitama poropetiepo a rone 'warava ja'ina'e puni vaji mamaa ijihuna'e 'arasara'amana.

1 Timoti 1:19

'Ene oni nimaaroijaho vwiha hami vwihaji'i 'ajo'amana. Ijihuna'e ea 'aho'a puni nimairoa pata'aroha jihuna'e pu sisima epuna'i tira'usahara.

1 Timoti 3:9

'Enakaivo pu hema ka'ene nimaiji najahi'ine 'ee vwiha puna arira'e navi'inijipo rehuna.

2 Timoti 1:3

Godi ka'ene na Huni kaukara vejujaho areri sahunupo vejaja'ina'e nuni vwiha arira na'eju'e teimani 'wavura. Na majama na'ia veiri'a nuni siporua'e 'ojuri veijino a vwihanaura.

2 Timoti 1:5

Na vwihajujaho oni vaji nimairoa ka'ene namujaho ira'ata pana. Ijaho amura oni sasa Roisi oni vaji namana'omo ohuna Unisi oni vaji namu. 'Ene na nimaa rojujaho oni vaja 'u'o namu.

2 Timoti 2:22

Ea maiu'inapo hahijipo itunavuri 'unamijija juha'amana kaivo ariramaa 'ee nimairoa 'ee oja 'ekaravura 'ee matausahe hijuji 'ararihi'amana. 'Ene ea ka'ene Natohwiji oja mamaiji vwihaji'i 'uraha 'wavujihipo vejuja'ina'e ve'amana.

Taitasi 1:15

Ea mapoka puni oja vaja niho'o maa navujaho pu maaru vwihajura kaivo ea ka'ene puni oja vaja sisea name panimaa rojujaho sisearu vwihajura. Puni oja vaja nisakarasaha jihuna'e pura uneunecha ka'ene kime vwihajujaho sisearuna.

Hipuru 10:22

roe nú maarira'e Godoni una'i va'a. 'Ene oja nimaa nimaijino same 'ee Hu nimaa vetia parava. Ijihuni maijaho núni vwiha siseijija Keriso oni 'aijara venume núni siseijija pa'arenuana. 'Ene núni hahijaho toa chiha pa'ajino somuhana.

Hipuru 13:18

'Enavo nú joni vaji hina roujaho nú unenu pina venareje nú junuhuna pana. Nú raka ka'ene vejujaho ja kúvi'i núni hura vehuniji vwihaji'i vejura. Ijihuna'e núni siporua 'onu'avara.

Hipuru 9:14

'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

Jemisi 4:8

'Ene Godoni nini roa paraha! 'Ejakame Hu joni nini roa paranama. Sisea veji'inakije joni ija sisea sove paranama. 'Ene vwiha no'o no'u'inikije joni oja veje ariramaa rejava.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 3:16

'Enakaivo oni vwiha veje arira'e re'amana. 'E'irakúne emaapo vu'a ira'atijino 'wame 'ee a ninama'avajaho oni kara mamaa ka'ene Keriso oni vaji namujara veje pu junahuna.

1 Pita 3:21

Ikara najuhajaho Jesu Kerisora kwama 'urinaji matesarame toi sama najuhu kaivo toi samahujara ni'ajúhe veje núni haha chiha pa'arehuna areri pana. Ijaho vwiha samaa re'amarono Godi jarima 'waravu.

1 Pita 4:8

'Enakúne maho'o oja vamaa kamino rena roe oja 'ekara'avara. Ijihuni maijaho oja 'ekaravujara sisea mapoka vahamauna.

2 Pita 1:7

'Ene Godoni 'unamiji vejuri vajijino vwehu jona hami 'ahi'avara. 'Ene vwehu jona hami 'ahiuri vajijino oja 'ekara'avara.

1 Joni 3:10

Ikaho 'unama ichá'ina ka'ene ea irara Godoni harihe 'ee ea irara 'avena sisei jihuni harihiji hena kihunijina. Ea irara sisea veji'i hine 'ee vweaha oja pamahujaho hu Godoni ea pana.

1 Joni 3:23

Ikaho Huni tamana. Nú Huni Hariha Jesu Keriso oni iha nimaa rone 'ee ea 'aho pu'úmo oja 'ekarahuna areri Hura 'waruma ja'ina'e vehuna.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.