1 Timoti 1:4 - Godoni vuʼa maiuʼina

⁴ 'Enakúne 'waravakame mamiha sisea 'ee amuja nirisaravujaho areva. Ijihuni maijaho ijipo veju'e nakaravi'i hijura. 'Ene ijipo venau'e Godoni kaukara ka'ene nimaaroijaho pani'ajahu'e emarenuna.

1 Timoti 1:4 Iomraidhean Croise

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

Epasasi 3:2

Godoni maiji vwihani'ini jihuni kaukara ka'ene jonijihuna'e na mihajaho ja nihejara.

1 Timoti 3:16

Ike aposarahuna pana vo ikaho núni nimaa roijihuni hemaka ni'inijina. Hu roe haha apejume kavara. 'Ejume Godoni 'Avenijara Hu arimaa 'wamajaho 'ona oji'inapo Hu kavara. 'Ene kwaa ara mapokakaho 'waravume hejara. Hu mwe'a ikino nimaa rojara 'ee Hu apene akúpa 'ahi hanaji'ina vaji va'ana.

1 Timoti 4:7

'Ene na'ia mapoka'e nimaaroa 'ee vu'a mamaa ka'ene ara 'ararihae roajihuni 'ahi hina rouni eiji rehuna.

1 Timoti 6:11

'Enakaivo a Godoni eijihuna'e 'unama ija'inijija juha'amana. 'E'ikaivo arira maiji 'ararihae vene 'ee Godi ura renuji vene 'ee nimaa rone 'ee oja 'ekarame masuani ajuarame mamaa'e ve'amana.

1 Timoti 6:20

Oo Timoti iraka ka'ene a vajahajaho hami 'ajo'amana. 'Enakaivo mwe'a ikihipuni ira'atijaho juha'amana. 'Ene henaka 'wa'i kaivo ira'atijino 'uraujija pataarora'amana.

2 Timoti 2:14

Ike vu'akeja kú'o nahame Godoni una'i ira kisina 'warave pu hene ira ka'ene maa pa'ajihuna'e 'uraujija arehuna. Ijihuni maijaho ijara ijí heji'inijija ruarahiura.

2 Timoti 2:22

Ea maiu'inapo hahijipo itunavuri 'unamijija juha'amana kaivo ariramaa 'ee nimairoa 'ee oja 'ekaravura 'ee matausahe hijuji 'ararihi'amana. 'Ene ea ka'ene Natohwiji oja mamaiji vwihaji'i 'uraha 'wavujihipo vejuja'ina'e ve'amana.

2 Timoti 2:23

'Enakaivo vwiha pa'anepo puruva reti'eju'e majikarino vu'a 'wame vahacharavi'inijija pataarora'amana. Ani henuja'ina ijipo veju'e 'ura'aravura.

2 Timoti 4:4

'Ene pu nimaijaho ataa paapúsahuna kaivo ta'arohe mamiha sisei jihipuni ataa apúsahuna.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Taitasi 1:14

'E'irakúne Jua puni mamiha 'ee emaapuni tamana ani ani'inijija ataa paapúsa'avara. Ea ka'ene nimaa nimaiji pataaro'ika'i ani va'ajihipuni vu'a ataa paapúsa'avara.

Taitasi 3:9

'Ene ja ira ani ani'ina sisea karokaha aposaravura areme amuja nirisaravujaho areme tamana nakaravujija are'avara. Ijija niho'o areri ea pani'ajihunakúne are'avara. 'Ene ija'ina 'unama maa pana.

Hipuru 13:9

'Enakúne vu'a ani'ina 'ee vu'a ira'atiji 'eka 'warave nimaasa reje ja paki'eje usema va'ava. 'Enajihuna'e maijaho mavwihani'inijara veje núni oja harura rehuna. Ijí harura kajaho 'iruma ichá'inijihi ijurepuni varapi ja'ina pana. 'Ena'omo varapa kajija ea pina pani'ajahuna.

2 Pita 1:16

Ijihuni maijaho vea ka'ene núni Natohwa Jesu Keriso oni harura 'ee Hura rohuniji rone 'waravajaho nú ea ka'ene hena kama paraji'inijipo mamiha vu'a 'wara'ira'omo ijí 'ararihae 'warahuna pana kaivo nú núni nii Huni harura ka'ene kavaji rona 'waravara.