1 Tesaronia 4:3 - Godoni vuʼa maiuʼina

³ Ijihunihahi ikaho Godoni uraijina ja niho'o ea ariramaa rehuna'e ura renukúne 'uasa pave'avara.

1 Tesaronia 4:3 Iomraidhean Croise

Matiu 12:50

Ea ka'ene Nuni Oma akúpa 'ahi hinujara ura renujiru venujaho Nuni vwee 'ee ma'ine 'ee oha 'iamana.

Matiu 15:19

Ijí oja vaja kajino rena rou kajara veju'e sisea vwihane 'ee ea 'aniu kwamasahe 'ee 'uasa vene ea 'ahopuni napara turame 'ee nesa apene ira'ata vene 'ee ira sisea karokaha 'wavura.

Matiu 5:32

'Enakaivo Na nimai a 'waravu. Ea pipuni napara'e parui pini ahemo'amajaho paruaha kajara areri naparaha kajaho ranahuna. 'Enajihuna'e parua ka'ene huni napara kaji ranamajara veje hu parua pina ve'amajaho hu sisea vehuna. 'Ee ea irara napara ka'ene ranavi'iniji 'wa'amajaho hu 'u'o sisea vehuna.

Matiu 7:21

'Enakaivo ea mapoka ka'ene Na Natohwe Natohweru 'wivujija Godoni ara pavahuna kaivo ea ka'ene Nuni Oma ka'ene akúpa 'ahi hinujara raka ka'ene Hu ura renujiru ve'avajipo vahuna.

Maka 3:35

Ea irahipo Godoni ira hena veji'inijija Nuni 'u'uhije 'ee Nuni ma'ipija 'ee Nuni oha 'iamana.

Joni 4:34

Jesu ijá 'iama Nuni 'irumijaho Godi ka'ene Na ranamiume roujihuni uriji vene 'ee Huni kaukara ijí veje parahuna.

Joni 7:17

Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna.

Akisi 15:20

'Enakaivo roe nú puni pasia vene 'warave godi ira'ata puni 'irumaka vaji'avajaho paine 'ee 'uasa pavene hanuha 'aa rukina pai'avara.

Akisi 15:29

Ja godi ira'ata puni 'iruma ka'ene vajihujaho paine 'ee 'aa paine 'ee hanuha ka'ene 'aa rukina paine 'ee 'uasa pave'avara. Ija'ina ve'avajaho ja mavarasa'ina vena avahuna. Esu'ua 'iavara.

Akisi 20:32

Godoni ija tahi irechamie 'ee Huni ira ka'ene mai ijí vaji irechamiura'omo ijara areri ni'aji'eje ja emarene 'ee Godoni ehipuni vaji ja joni aachia 'ekahuna.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

Romani 1:29

Ijihuna'e pu niho'o sisea mapoka ni'ima'ura ani ani'ina veji'i hijura. Pu niho'o sisea vene nisa'arame senapo rarene ea 'aniu'e kwamasahe roarame pisivarame ea 'aho'a sise'i 'ahi'i vwihane 'ee ea 'aho'a hana'i irechamiura.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 6:22

'Enakaivo iviamaa siseijaho ja ni irechamiu'e ja Godoni pwehija rejajihuna'e ja eha ijaho ariramaa ani'ina. Hua'ina'e rene 'ee majama hihuna rejara.

1 Koritia 1:30

'Enakaivo Hura venaume ja Jesu Keriso oni ea'e rejara. 'Ene Hura núni vwiha mamaa ka'ene Godoni rena roajaho rene 'ee núni ariramaijaho rene 'ee núa'e 'imenúa 'eki'ina'e renana.

1 Koritia 7:2

'Enakavo 'uasa vejujaho ni'ima'ura'e renujihuna'e maijaho parua kwinu kwinu napara rukina'e re'avara 'ee 'unama nikwinu'ina kajino napara kwinu kwino parua rukina'e re'avara.

2 Koritia 12:21

'Ene vea ka'ene na kú'o joni vu'ujino nuni Godijara venie na joni una'i vahi'a apehunijara tea junimu. 'Eje na ja'amu vehuna. Ijihuni maijaho ea mapoka ka'ene itunavume nimako rene hine sisea ka'ene vena apene roe 'ee hine hurecharame 'uasa vejajaho mai'o pataarohe puni sisea vwihane arevi'ina.

Karesia 5:19

'Ena'omo hahijara ura reju'e mi'imi'imujaho ikena. 'Uasa vejujine hurecharavujine 'ee hahijara itumujihi vejujina.

Epasasi 5:17

'Enakúne papuruva reti'avara kaivo Natohwi jihuni ura ijija hena ka'avara.

Epasasi 6:6

'Enajihuna'e ja paki'eje joni mama'ina puni nia 'aharu vene 'ee joni mama'ina'e teamanahuni jihuna vehuna pana kaivo Keriso oni pweapo puni ojiji'i Godi oni ura ijí vejuja'ina'e ve'avara.

Korasia 1:9

Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 3:5

Ijihuna'e joni haha pwinana'a vaji 'uasa vehuni 'unama 'ee huricharame 'ee sisea vehuna ura renae ituname 'ee jajaso uneunecha rukina'e rehuna itunavura ka'ene joni vaji navujija 'anie kwamasa'avara. Ijipuhipo joni godi ira'atijaho rejukúne 'ania kwamasaha!

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

1 Tesaronia 4:2

'Ejume nú Natohwa Jesuni harura vaji varapa raka ka'ene vajihajaho ja nihena kivu.

1 Tesaronia 4:4

'Ene ja ea kwinu kwino joni hahi jihipuni hura vene hami 'ajo'eje arira'e nava.

1 Tesaronia 5:18

Uneunecha mapoka ka'ene rejujija Godi teimani 'wa'avara. Ijihuni maijaho ijaho Godoni ura ka'ene jara Jesu Keriso oni vaji vehuna'e ura renujina.

1 Tesaronia 5:23

'Ene ivi'a Godia ka'ene matauvi'inijara maho'o venae arimaa'e rene 'ee joni 'avena 'ee joni oja 'ee joni haha maho'o 'ajohakame vea ka'ene núni Natohwa Jesu Kerisora ro'amajaho niho'o panamu'amana.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 10:36

'Enajihuna'e ja masuani hine pasena'eje Godi oni ura ijaho veji'i hi'avara. 'E'irakúne Hura nahama 'waramajaho 'eka'avara.

Hipuru 12:16

'Enakúne joni vaji ea 'aho'a 'uasa pavene 'ee Godi pamatahareje Isora venaja'ina pave'avara. Hu 'iruma huni hahi poka huni harurijaho 'u'ua huna'i 'imenana.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

Hipuru 13:4

'Ene ja napasi nene 'ee parui nejajihuni hura vene 'ee ijaho paruarahareje napara paturame 'ee parua patura'avara. 'Asúra kivasi 'uasa paveje 'ee napasina paruina pura parui nene 'ee napasi nejajaho paruarahe patura'avara. Ea ija'ina veji'inijija Godira eha sisea mihuna.

1 Pita 1:2

Ehu nune ja nimaa rohunijaho Godi Amoho anejiji Hu nihena kimarena ijihuna'e ja iji pijihana. 'Ene Godoni 'Aveni venae ja marasahareje Huni 'aijara venae joni sisea pa'arehuna. Godira ja maiji vwihanie matauhunijaho joni vaji itu'ona parahuna.

1 Pita 4:2

'Ene joni hia pwinana ijaho hahijihuni 'unamijaho kú'o pahi'avara 'ee emaapo itunavuri 'unamiji 'u'o pahi'avara kaivo Godoni urija'ina'e hi'avara.

1 Joni 2:17

Mwe'akaho uneunecha mapoka 'ee huni ituaniji'i pa'arena vai'i navu kaivo ea ka'ene Godira ura renuja'ina'e vejujijahija majama hihuna.

Revaresiani 21:8

'Enakaivo ea ka'ene juvi'ina panimaa roji'ina sisea mama'ina veji'ina ea 'aniu kwamasahi'ina 'uasa veji'ina ea masihavi'ina icha muni godi ira'ata veji'inijija 'ee ira'asina ea ija'ini jihipuni tinijaho vena ni'ima'ura marekiji'i reji'i nahúna namuji rehuna. Ijaho kú'o kwamasahunijina.

Revaresiani 22:15

'Enakaivo ara natohwa kajihuni samaijaho 'ua 'ee ea masia rukina 'uasa veji'ina ea 'aniu'e kwamasahi'ina godi ira'ata icha muni veji'iniji oja mihura 'ee ea ka'ene ira'ata vehuniji oja mihi'inijija samai hina apena vahuna.