1 Pita 5:2 - Godoni vuʼa maiuʼina

² Godoni sipia ka'ene joni vaji hijujija uranie 'ajoha'avara. Ea 'ahopo 'waravu jihuna'e 'ajoahuna pana kaivo ijaho Godoni ura ijihuna'e ura rena'eje 'ajoha'avara. 'Enakaivo monia ho uneunecha 'ekahuni jihuna'e 'ajoahuna pana kaivo ura rena para'eje 'ajoha'avara.

1 Pita 5:2 Iomraidhean Croise

Ruku 12:32

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

Akisi 20:29

Na niheju. Na va'eje nuni túna'i 'uaneapo joni vaja iki roareje ja rurahareje niho'o pina paranahuna.

Akisi 21:13

'Ejume Porura eha vene ijá 'iama Ja raka vene niramaruvu'ukame nuni oja tura'i 'ahio? Na Natohwa Jesuni ihijihuna'e Jerusaremi va'e tipura vahune 'ee kwahunijaho pavwihaju 'iamana.

Romani 1:15

Nuni vajaki na ura renia paranujaho na ijino Romu joni vu'areje Godoni vu'a maa maiu'inake ja 'u'o najahuna.

1 Koritia 9:7

Irara sorutia'e renujihuni anejijaho ori'ini venune? 'Ú ea irara ajina 'onare'e ijihuni maijaho painune? 'Ú ea irara sipia 'ee kotia 'ajohare'e ijihipuni mirokia painune?

1 Timoti 3:3

Hu ea ka'ene toa sisea oja pamihi'ine 'ee pa'ara'iro ohura apeji'ina kaivo vivinui matauma hihuna ura reji'ine 'ee monia oja mihuri 'unamijaho aremajara re'amana.

1 Timoti 3:8

Ijí 'unama nikwinu'ina kajino tikoni 'u'o ea puni hura vene 'ee mitara patukaravi'ine 'ee toa sisea oja pamihi'ine 'ee 'unama siseijino monia 'eki'inijija parehuna.

Taitasi 1:11

'Ena'omo ea ija'ina veji'inijija veje areva. Ijihuni maijaho uneunecha ka'ene panajahuna sa'inijaho hine kachi'ina maho'o ruarahe najahu jihuni maijaho pu monia 'eki 'ahiu'e 'unama sisea hine avaju.

Taitasi 1:7

Ea ka'ene 'ajoha'inijaho Godoni kaukara hami 'ajohare'e niho'o arira'e 'uraha onuna. 'Ene hu jarika parene 'ee maraku'a pa'ajime 'ee toa sisea huni harura hara pahine 'ee ea majikari pa'anie 'ee monia 'unama sisei jihunijaho pa'ekahuna.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Taitasi 3:1

Kú'o huri 'warave pu vwiha'avara. 'Ene puni 'ajoha'ina 'ee kamatia puni hari hine puni ira hene ve'avara 'ee mamaaru vehuna'e amairiaravi'i hi'avara.

Pairimani 1:14

'Enakaivo a patea mana'eje nara unenu pina ija'ina vehuna arira pa'ajihuna'e na pa'ejahaukúne a icha'ina'e mamaa vwihanu ja'ina'e ve'amana.

Hipuru 12:15

Ja ea 'aho pu'úmo ni'ajara'irakúne Godoni mavwihani'inijaho pu paasina'avara. Ea sename temukame ajinavakame 'uraarahuni ira ea 'warahunijaho 'ajoara'avara. Ija'inijara reju'e ea mapoka siseraniura.

2 Pita 2:3

'Ene pu pusumano vwihajujara reje 'unama ira'atijino pisivi'i joni kukua 'ekahuna. 'Enakaivo puni eha ka'ene nitama mihajaho mai'o pama namu 'ee pua'e siseranihunijaho ni'urine areri rene namu.