1 Pita 4:2 - Godoni vuʼa maiuʼina

² 'Ene joni hia pwinana ijaho hahijihuni 'unamijaho kú'o pahi'avara 'ee emaapo itunavuri 'unamiji 'u'o pahi'avara kaivo Godoni urija'ina'e hi'avara.

1 Pita 4:2 Iomraidhean Croise

Matiu 12:50

Ea ka'ene Nuni Oma akúpa 'ahi hinujara ura renujiru venujaho Nuni vwee 'ee ma'ine 'ee oha 'iamana.

Matiu 20:4

'Ejumakame hu pu ijá 'iama Ja 'u'o va'e aja 'ina juasi'i kaukara vejakame na ja eha areri renahuna vaji'uta 'iavume pu va'ara.

Matiu 21:31

'Enakaivo ea iraka sa'inijara omahoni ira hene venane? 'iamana. 'Ejume pu ijá 'wava 'U'uijarana 'wavara. 'Ejume Jesura ijá 'iama Na nimaa nimaa ja 'waravu. Ea ka'ene takisia apeji'ina 'ee ea ka'ene 'uasa veji'inijipo asitahe urasahe Godoni ara vahuna.

Matiu 7:21

'Enakaivo ea mapoka ka'ene Na Natohwe Natohweru 'wivujija Godoni ara pavahuna kaivo ea ka'ene Nuni Oma ka'ene akúpa 'ahi hinujara raka ka'ene Hu ura renujiru ve'avajipo vahuna.

Maka 3:35

Ea irahipo Godoni ira hena veji'inijija Nuni 'u'uhije 'ee Nuni ma'ipija 'ee Nuni oha 'iamana.

Maka 7:21

Ijihuni maijaho uneunecha mapoka sisea oja vaji navujihuna'e ijí sisea vwiha'eju'e oja 'urinau'ukamare'e napara turame 'asúra aheramone ea 'ania kwamasahe

Joni 1:13

Godoni harihija rejujijahija emaa puni 'ai tuhuna pane 'ee hahijihuni ura ijino nahehuna pane 'ee ei pini save nahehuna pana kaivo Godira Huni ura ijino venau'e Huni harihija rejura.

Joni 7:17

Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 14:7

'Enajihuna'e ei pini hunaru hihuna pane 'ee ei pini hunaru kwahuna pana.

Romani 6:11

'Enajihuna'e ja vwihaha ja sisei jihuni 'unamijaho nikwamasahara kaivo Jesu Keriso oni vaji 'urine Godi pu'úmo hiju.

Romani 6:2

Niho'o pana. Nú ichá vene sisea ni arevajaho kú'o hine ve'eja?

Romani 7:4

'Enajihuna'e vwehu núne ja 'u'o venaume varapa huni harura hari hijajaho Keriso oni haha vaji kwamasahara. Ijihuna'e ja iviamai Keriso ka'ene kwama 'urinaji jaha hijujihuna'e nú Godoni 'ina renahi'ina'e rehuna.

2 Koritia 5:15

Hu ea maho'o punijihuna'e kwamana. 'Ejakame pu ea irahipo hi'avajaho punaru pahihuna kaivo Hunijihuna'e hihuna. Ijihuni maijaho Hu puni hahijihuna'e kwame 'urinana.

Epasasi 2:3

Nú 'u'o puni vaja kajino nitama hine núni hahijihi puni ura ijí vejara. 'Ene núni hahijihuni ura 'ee núni vwiha sisesa ijipo rosamúa parajara. 'Ene núni kara ijija sisea ijihuna'e nú Godoni sena hari ea 'aho'a kajihi pu'úmo hijara.

Epasasi 4:17

'Enajihuna'e ike nara 'waravukaho nú Natohwiji huni una'i nimaa 'waravu. 'Enakúne ja paki'eje 'unama ka'ene Jenitaru pu ojuja'ina'e o'avara. Ijihuni maijaho pu niho'o vwiha puruva reti'eju'e maiji ojura.

Epasasi 5:17

'Enakúne papuruva reti'avara kaivo Natohwi jihuni ura ijija hena ka'avara.

Epasasi 6:6

'Enajihuna'e ja paki'eje joni mama'ina puni nia 'aharu vene 'ee joni mama'ina'e teamanahuni jihuna vehuna pana kaivo Keriso oni pweapo puni ojiji'i Godi oni ura ijí vejuja'ina'e ve'avara.

Korasia 1:9

Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 3:3

Ijihuni maijaho vea ka'ene ja kwamasahajino Godoni vaji joni hiijaho Kerisoi pu'úmo apúrinanamiu'e namu.

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

1 Tesaronia 5:18

Uneunecha mapoka ka'ene rejujija Godi teimani 'wa'avara. Ijihuni maijaho ijaho Godoni ura ka'ene jara Jesu Keriso oni vaji vehuna'e ura renujina.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

Jemisi 1:18

Hu Huni ura ijino nú Huni vu'a nimaa vajijino nahenuana. 'Ejakame nú areri Hura uneunecha ka'ene vena jihipuni amurijihi re'avarono avanana.

1 Pita 1:14

Areri sesamaa ka'ene vu'ataa heji'inapo vejuja'ina'e re'avara kaivo ja paki'eje jara nitama hahapo itunavu'e pahena pakavi'i vejuja'ina pave'avara.

1 Pita 2:1

Ijihuna'e ea 'aho'a túa paveti'avara 'ee ea papisivisa'avara 'ee masapa puna'i aroaroti panami'avara 'ee ea 'ahopuni kukui jihuna'e oja sisea pavwiha'avara 'ee ea 'aho'a parona'avara.

1 Joni 2:17

Mwe'akaho uneunecha mapoka 'ee huni ituaniji'i pa'arena vai'i navu kaivo ea ka'ene Godira ura renuja'ina'e vejujijahija majama hihuna.