1 Pita 3:8 - Godoni vuʼa maiuʼina

⁸ Ike vu'ake tanuhunijaho ikena. 'Enakúne roe ja pu'úmo vwiha kwino vwihane 'ee ea 'ahopuna'i temuka apene 'ee vwehu núna oja mai vwihanie 'ee ja ea ichá'inijaho pavwiha'ika'i oja ajuarasaha.

1 Pita 3:8 Iomraidhean Croise

Matiu 18:33

'Ena'omo na a numiravu ja'ina'e a oni napura numi'ipisa areri reja'a?

Ruku 10:33

'Enakaivo Sameria ora ea pini 'unama kajihuna kajino roe ea kajaho kame hu niho'o temume oja tura'i 'ahaana.

Akisi 2:1

Jua puni Penitikosi vea natohu rejume pu maho'o rira kwinu ahuma hijara.

Akisi 27:3

'Ena'omo ijihuni sú'uhijino nú kwaa iha Sairani usevara. 'Ejume Juriasi hu Poruna'i hami venarena hu ranavume napuhwaha ki'i va'ana. Uneunecha ka'ene hu areria pa'ajihi vaja'avarono va'ana.

Akisi 28:7

Kwaa ka'ene núra useva kajaho ea natohwa ka'ene Pupiriasina 'wavujihuni mwe'a. 'Ena'omo hura nú aheruma va'e huni sei irechamúe hami 'ajohu'i hi'eme na'ia no'opisu pa'arenana.

Akisi 4:32

Ea mapoka ka'ene nimaa roji'ina kajija puni oja 'ee vwiha nikwinu vwihajara kaivo ea pina unenu'u pina nuna pa'iamana kaivo pu uneunecha mapoka 'eke totari 'ojura.

Romani 12:10

Ja vwea vwipu jona'e oja mihujakaji ea 'aho pu'úmo oja ma'ara'avara. 'Enareje teamana'eje ta'arosara'avara.

Romani 15:5

Godi ka'ene matauvi'inaka ni'ajúhi'inijara venae ja vwiha kwinu'wi rene Jesu Kerisora ura renuja'ina'e vehuna.

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

1 Koritia 12:26

'Ene haha pwinana'i pini haha hiamujaho haha pwinana'a 'aho'a kajaho maho'o haha hiamuna. 'Ene vu haha pwinana'a pinijihuni hura venahujaho haha pwinana'a maho'o ahume temarasahura.

Epasasi 4:2

'Enakúne oja 'ekaravuri vajijino masuani ajuarasaha hine 'ee ea hami 'ahie 'ee haha sonahi'eje hine 'ee ea 'aho pu'úmo matausahe vivinui hine 'ee ea 'aho pu'úmo mamaa'e veji'i hi'avara.

Epasasi 4:31

'Enakúne ike 'unama ka'ene 'uraura 'ee sena ajira mwasiriti'aravura vu'a ronahura naka veti'aravuri 'unamijija irechave maho'o pa'are'avara.

Epasasi 4:32

'Enakúne ea 'aho pu'úmo hami veti'araha 'ee oja purasina'e rene 'ee vwihane arekaravi'ina'e reha areri Godira Keriso oni vaji ja vwihanie arema ja'ina'e ve'avara.

Piripai 2:3

Ja jasumano jonaru vwihajuri 'unamijaho pavene 'ee vwiha maa pa'ajihuna'e kehi kehi vejujaho arehuna. 'Enakaivo vwiha jonijija 'eka masuani ajuarasahe ea 'aho'a mama'ina rone vwihanihuna kaivo jajasu pavwiha'avara.

Piripai 3:16

'Enakaivo roe ja pu'úmo tinia mamaa ka'ene nú ajima va'e usevajino kirasahe ni ijí hija.

Korasia 3:12

'Enajihuna'e ja ea ka'ene Godira akuavi'ina 'ee oja mihe iji pijihakije oja ka'ene ea 'aho'a kime temukame 'ee epuna'i mamaa'e vene 'ee epuni hari hijura 'ee ea ajuarasahi'ina rene masuani hijuri ojijino saha.

Hipuru 13:1

Vwehu jo pu'úmo oja ma'ara'avajaho majama nama va'amana.

Jemisi 2:13

Ijihuni maijaho ea ka'ene ea pihuna'a panumisaramujaho 'otuijaho niho'o ea kajihuna'a panumisarahuna. 'Enajihuna'e numisara ijara 'otuijaho asimana.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

Jemisi 5:11

Heha! Ea ka'ene kirasahe va'ujija nú punijihuna'e teamanuhuna. Jopura kirane va'ajaho ja nihejura. 'Ene túna'i roe ichá'ina ka'ene Natohwijara venajaho nikavara. Natohwijaho niho'o temuki rareji'ine 'ee numisarai rareji'ina.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 2:17

Ea maho'o puni hura ve'avara 'ee vwehu jona oja mi'avara 'ee Godoni hura vene 'ee kinia huni hura ve'avara.

1 Pita 5:5

Ja ea maiu'ine 'unama nikwinu'ina kajino ja ea mama'ina puni hari hi'avara 'ee masuani ajuarasahe hijujino ea kwinu kwino same hi'avara. Ijihuni maijaho Godiho ea ka'ene kehi kehi vejujija ninamauna. 'Enakaivo ea ka'ene masuani hijujija maiji vwihaniujaho vajihuna.

2 Pita 1:7

'Ene Godoni 'unamiji vejuri vajijino vwehu jona hami 'ahi'avara. 'Ene vwehu jona hami 'ahiuri vajijino oja 'ekara'avara.

1 Joni 3:14

Nú nihejujaho nú maraku ijaho nikwamasahara vaji hijara vo nú iviamaa kú'o 'urina hiju. Ijihuni maijaho nú vwehu núna oja mihujihuna'e. 'Enakaivo ea irara ea 'aho'a oja pamihujaho hu majaa kwamasahuri vaji hinu.