1 Pita 1:8 - Godoni vuʼa maiuʼina

⁸ Ja Hu pakavu vo ja Hu oja mahu 'ee ja Hu iviama pakavu vo ja Hu nimaa roju. Ijihuna'e ja ni'ima'ura temarasahe 'ee temara ka'ene niho'o ira areri pa'warahunijino aromahuna.

1 Pita 1:8 Iomraidhean Croise

Matiu 10:37

'Eje ea irara omaha oaha ijihi oja miha para'i kaivo Na oja pamihujaho Nuni tisaiporua areri parehuna. 'Ene ea irara hu huni hariha 'apahija ijihi oja mi'i kaivo Na oja hami pamihujaho Nuni ea areri parehuna.

Joni 14:15

Ja oja Na mi'avajaho ja Nuni tamana veji'i hihuna.

Joni 14:21

Ea ka'ene Nuni tamana hena venujaho hu Na oja miha avanana. Ea ka'ene Na oja mihujaho Amora hu oja mahe Na 'u'o hu oja mahuna. Na ichá'inijaho hu nahuna 'wamana.

Joni 14:24

Ea ka'ene Na oja pami'amajaho hu Nuni ira pahena pavehuna. Ijí ira ka'ene ja hejakaho Nuni ira pana kaivo Amo ka'ene Na ranamiume roujihuni ira.

Joni 16:22

Ijihuni hahi ja iviamaa ija'ina temukamu. 'Enakaivo Na ja kú'o kive joni oja sonahihuna. 'Eje ea pina joni vaji temara ijaho paapena ruvahuna.

Joni 20:29

'Ejume Jesu ijá 'wama A Na kimajihuna'e nimaa ronu kaivo ea ka'ene Na paki'eja vo nimaa rojajaho Na merajihuna 'wamana.

Joni 8:42

'Ejume Jesu pu ijá 'iama Godiho joni Oma re'ipisa ja Na oja miha'a. Na Godoni rena routa. Ijihuni maijaho Na Nuni oja pa'ene routa kaivo Godira ranamiume routa.

Akisi 16:34

'Ejume hu pu no'o aherame huni sei va'e 'iruma vajihume pu ijara. 'Ejume hu 'ee huni kachi'ina pu'úmo Godi nimaa rojajihuna'e pu ni'ima'ura teamanavara.

Romani 14:17

'Enakaivo Godoni arijaho toa ine 'ee 'iruma ihuna pana kaivo arira 'ee matauma hine 'ee Godoni 'Avena vajijino mari'uvi'i hihunijina.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

1 Koritia 16:22

'Ene ea irara Natohwiji oja pama'amajaho veje hu siripavuri vajijino hi'amana. Natohwe roa!

2 Koritia 1:22

'Ene Hura nú 'u'o Huna'e nimaa venarena areri 'Avenijaho núni oja vaji tatua'e vene múhana.

2 Koritia 12:4

Hu Parataisi va'ana. 'Ene ira ka'ene areri pa'warahunijija henana. Ijí vu'a kajaho ea areri pa'warahuna'e tanu'urahara.

2 Koritia 4:18

Ijihuna'e nú núni nia uneunecha ka'ene iviamaa navu'e kivujihi puni toa pairechavu kaivo uneunecha ka'ene nú pakivi'inijihi puni toi irechavu. Ijihuni maijaho iraka ka'ene iviamaa kivujija 'aha jora panama vahuna kaivo iraka ka'ene pakivujipo majama nama vahuna.

2 Koritia 5:7

'Ene nú nii kivi'i hine ojuri 'unamijaho pahiju kaivo nimaa roa 'ahi hina oju.

2 Koritia 9:15

Godira Huni swara mamaa ka'ene niho'o iri ta'arohe amairie 'warahuna areri pa'ana ka'ene múhajihuna'e teimani 'waha.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Karesia 5:6

Ijihuni maijaho Jesu Keriso oni vajijaho sisa 'uhuahi'ina ho pa'uhuahi'inijaho natohwa pana kaivo nimaa rone oja 'ekaravujara natohwijahuna.

Epasasi 3:19

'Ene Kerisora oja múhajaho hena kahuna. Ijara henaka asitaha paranana. 'Ena'omo ja maho'o Godoni henaka ijara itu'onahe areri renahuna.

Epasasi 6:24

Ea ka'ene Natohwa Jesu Keriso oja aririji mahi'inijija maiji vwihani'inijaho maho'o pu pu'úmuna. Ameni.

Piripai 1:25

Ijaho na nimaa'e vejujihuna'e na arema ja pu'úmo maho'o hina va'eje ja 'urina joni nimairoa vajijino emarene temarasahuna.

Piripai 3:3

'Enakaivo nú ea ka'ene nimai jihunijino sisa 'uhuahajina. Ijihuni maijaho nú Godoni 'Avena vaji Hu oja mahe 'ee Jesu Keriso oni vaji Hura raka ka'ene núna'e venuha jihuna'e Hu 'unama apene ichutoi ahasirivu. 'Ene ijihuna'e hahijihuni 'unamijaho panimaa vetiu.

Piripai 4:4

Natohwi jihuni vaji na'ia mapoka temarasa'avara. 'Ene na kú'o ijá 'iavo Temarasaha 'iavu.

Hipuru 11:1

Nimaaroijaho irake? Raka ka'ene 'ajaha hijujara mai'o rehunijina. Nimairoa pinijaho raka ka'ene mai'o rehuniji nimaa ronare'e 'ajaha hijujina. Nimairoa pinijaho nú núni niakaho pakavu'u vo ijara rehuniji nimaa rojujina.

Hipuru 11:27

'Ene nimairoa vajijino Mosisi Ijipiti opuni kwaa aremana. Hu kinijihuni sena pajuhamana. 'Enavo Mosisiho Keriso pakamana vo nimairoa vajijino Hu kavi'i va'ana.

1 Pita 1:6

'Enakúne ijihuna'e ja ni'ima'ura'e teamanaha. Iviamai ja muka tu'u'wi sisei hiju kaivo túna'ijaho ja teamanama parahuna.

1 Pita 2:7

Ja ea ka'ene nimaa roji'ini jihipuna'i ijaho Hu niho'o mavarasa'ina kaivo ea ka'ene ara veji'inijipo ike munakaho pi'onavara. 'Eju'ukame ijí muna kajara tukeja ka'ene rira mu'oijaho aneanesina rene namu.

1 Pita 5:4

'Enakúne vea ka'ene Sipia 'Ajoha'ina Natohwijara ro'amajaho ja pinana mamaahuni i'esa ka'ene majama nahuniji 'ekahuna.