1 Pita 1:6 - Godoni vuʼa maiuʼina

⁶ 'Enakúne ijihuna'e ja ni'ima'ura'e teamanaha. Iviamai ja muka tu'u'wi sisei hiju kaivo túna'ijaho ja teamanama parahuna.

1 Pita 1:6 Iomraidhean Croise

Matiu 11:28

'Ene Hu pu ijá 'iama Ja ea ka'ene ahija apene oja vaja sirua pa'arenaujija Nuni roajive Nara vena'e joni ahija pa'areje ojuta hwena hiha.

Matiu 26:37

'E'eme Jesura Pita aheme 'ee Sepati oni harihijaho no'ohe'i aherame pu pu'úmo va'ejume Hu niho'o temumarena oja tura'i 'ahaa paranana.

Matiu 5:12

Ja niho'o teamaname 'ee mari'u'avara. Ijihuni maijaho joni eha natohwa kahino akúpa 'ahi namu. Ea 'aho'a nimarako poropetia ka'ene hijajija sise'i 'ahiaja'ina'e ja 'u'o sise'i 'ahihuna.

Ruku 1:47

Nuni 'avenijaho Godi ka'ene na ni'ajiha jihuna'i temaranu.

Ruku 10:20

'Enakaivo 'avena siseapo joni ira hene vejajihuna'e ja patea mana'avara kaivo joni iha ka'ene kahi akúpa 'ahi veju'e namujihuna'e teamana'avara 'iamana.

Ruku 2:10

Ona'oji'inijara ijá iama Juvujaho are'ika'i heha! Na joni vu'a maiu'ina mamaa'e apena routa. 'Ee ijara veje ja 'ee ea mapoka ka'ene kwaa araka mapoka kakino hijukija teamanama parahuna.

Joni 16:22

Ijihuni hahi ja iviamaa ija'ina temukamu. 'Enakaivo Na ja kú'o kive joni oja sonahihuna. 'Eje ea pina joni vaji temara ijaho paapena ruvahuna.

Joni 16:33

Na uneunecha mapoka ikija ja ni'waravu jihuna'e ja Nuni vaji matauvi'ina apehuna. Ja iki mwe'i hijujaho ja sisei hiju kaivo ata kairasa'avara. Ijihuni maijaho mwe'akaho Nara ni asivuta 'iamana.

Akisi 14:22

'Ejume pu va'e ijino ea ka'ene tisaiporua ni'ajihe puni nimairoa ija kisi 'uname hina vahuna'e 'warame ijá 'iava Haha natohwa'e hianame 'ee ea sise'i 'ahú'eje nú ja pu'úmo Godoni ara vahuna 'iavara.

Romani 12:12

Godira raka ka'ene jonijihuna'e venahunijaho teamanama para'avara. Ja sise'i joni haha 'ahi re'avajaho mataume Godoni siporua majama 'o'avara.

Romani 5:11

Ijiru pana kaivo núni Natohwa ka'ene Jesu Keriso oni vaji nú Godina'i teamanuma paranu jihuni maijaho Huni vaji núni napura rehunijaho apejara.

Romani 5:2

Nú Huni vaji nimaa rojajihuna'e maiji vwihanúajaho apene ijihuni toi namiju'e aneja vene najuhe 'ee túna'i Godoni mamaa'e ka'ene 'ekahuniji teamanu'eju'e 'ajaha hiju.

Romani 9:2

Na nuni ehija ka'ene Jua 'wavujihi vwihaniujaho nuni ojijaho hianime 'ee niho'o ni'ima'ura temukivura.

2 Koritia 4:17

'Ene ike ahija ka'ene núra iviamaa ma'u'umaa ka'ene apejukihi 'eke temara ni'ima'ura ka'ene núra majama apehuniji'i manura vehuna niho'o areri pana.

2 Koritia 6:10

'Ene areri temuki rarenuhuna vo majamano temarasahura. 'Ene uneunecha pa'ana vo nú venau'e ea mapoka puni hia areri renaura. 'Ene nú pa'ana vo nú uneunecha maho'o rukima'ura.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Piripai 2:26

Na ranavu'e vu'ujihuni maijaho hu ja kihuna ura rena paranana. 'Enakaivo hu atami 'unavume ja hejaji henarena hu temume haha henana.

Piripai 3:3

'Enakaivo nú ea ka'ene nimai jihunijino sisa 'uhuahajina. Ijihuni maijaho nú Godoni 'Avena vaji Hu oja mahe 'ee Jesu Keriso oni vaji Hura raka ka'ene núna'e venuha jihuna'e Hu 'unama apene ichutoi ahasirivu. 'Ene ijihuna'e hahijihuni 'unamijaho panimaa vetiu.

Piripai 4:4

Natohwi jihuni vaji na'ia mapoka temarasa'avara. 'Ene na kú'o ijá 'iavo Temarasaha 'iavu.

1 Tesaronia 1:6

Ja 'u'o núra vejuja'ina'e vene 'ee Natohwijara venaja'ina'e vejara. Uneunecha sisea ani ani rejara vo ja Godi oni 'Avena vajijino teamana'eme ira ikaho apejara.

Jemisi 1:2

'Ene vwehu nune hami vwihane nirisa'avara. Vea ka'ene ja venakia ani ani'ina piuni'avari vajijaho temarasa'avara.

Jemisi 1:9

'Ene vwea nuna ka'ene pivuji'i hinujaho Godira hu aromahuni jihuna'e mari'uvi'i hinama.

Jemisi 4:9

'Ene temukama para'eje nirame joni sisea ijihuna'e veha. 'Ene veje jara ijasahujaho ta'arohe temuka'e renama. 'Ene temarijaho ta'arohe temuka rena paranama.

1 Pita 3:17

A sisea venajihuna'e sisei hi'amajaho mamaa pana. 'Enakaivo Godi ura renujaho a mamaa ve'ama jihuna'e sisei hi'amajaho mamaa.

1 Pita 4:7

'Ene uneunecha maho'o ikihi puni ura ijaho ni roe turana paranu. 'Enakúne jara siporua ka'ene 'ohuni jihuni hahi joni oja vwiha hami piuhihe masuani ajuarasahe hi'avara.

1 Pita 5:10

Ja ma'uako siseisei hi'eje Godi ka'ene maho'o maiji vwihanii'inijara Huni pinana ka'ene majamano navi'ina ka'ene Keriso oni vaji 'umenaajara Hura Huhusu venae ariramaa rene nimaa rena parane harura mihe ata kirasa'avara.