ᑕᐃᑕᔅ 3:9 - ᐅᔅᑭ ᑎᔅᑌᒥᓐᑦ

⁹ ᒫᑲ ᐁᑳ ᐱᓯᔅᑫᓕᑕ ᑲᑫᐹᑎᓯᐎ ᑲᑴᒋᑫᒧᐎᓇ, ᓀᔥᑕ ᐋᔮᓂᔅᑫᐋᔭᒥᐎᓇ, ᓀᔥᑕ ᑾᓗᑐᑖᑫᐎᓇ ᓀᔥᑕ ᐋᔑᑌᒥᐌᐎᓇ ᐅᓚᔓᐌᐎᓐ ᐅᒋ; ᐌᓴ ᓇᒪᐎᓚ ᐙᔦᔥ ᐃᑖᐸᑕᓋ ᓀᔥᑕ ᐸᑾᓐᑕᐤ ᐃᑌᓕᑖᑾᓋ᙮

ᑕᐃᑕᔅ 3:9 Iomraidhean Croise

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔥᑕᒻ ᑎᒧᑎ 4:7

ᒫᑲ ᐋᑕᐌᓕᑕ ᐸᑾᓐᑕᐤ ᓀᔥᑕ ᓄᑐᑫᐗᒃ ᐅᑦ ᐊᑕᓗᑳᓂᐗᐗ, ᓀᔥᑕ ᒪᓂᑐᐙᑎᓯᐎᓂᒃ ᐃᔑ ᐊᑑᔅᑫᐃᑎᓱ᙮

ᓂᔓ ᑎᒧᑎ 2:14

ᐅᐅ ᑫᒀᓇ ᑭᔅᑭᓯᑐᑕᒥᐃᒃ, ᐁ ᐃᑕᔓᒪᒋᒃ ᐅᑎᔥᑲᐤ ᐅᑎᐯᓕᒋᑫᐗ, ᐁᑳᐎᓚ ᑭᒋ ᐋᔑᑌᒥᐌᒋᒃ ᐋᔭᒥᐎᓇ ᐅᒋ ᐁᑳ ᓈᓐᑕᐤ ᑳ ᐃᑖᐸᑕᑭ, ᑳ ᐗᓀᓕᑕᒥᐃᑯᒋᒃ ᐱᑯ ᐊᓂᑭ ᑳ ᓇᑐᑕᑭᒃ᙮

ᓂᔓ ᑎᒧᑎ 2:16

ᒫᑲ ᐋᑕᐌᓕᑕ ᒪᒋ ᓀᔥᑕ ᐸᑾᓐᑕ ᐱᑭᔅᑴᐎᓇ; ᐌᓴ ᐊᐙᓯᑌ ᑲᑕ ᓚᑭᐅᒪᑲᓋ ᒪᒑᑎᓯᐎᓂᒃ ᐃᔑ᙮

ᓂᔓ ᑎᒧᑎ 2:23

ᒫᑲ ᑲᑫᐹᑎᓯᐎ ᓀᔥᑕ ᐁᑳᑭᔅᑫᓕᑖᑯᓯᐎ ᑲᑫᒋᑫᒧᐎᓇ ᐋᑕᐌᓕᑕ, ᐁ ᑭᔅᑫᓕᑕᒪᓐ ᐁ ᓂᑕᐎᑭᑖᒪᑲᑭ ᒀᓗᑐᑖᑐᐎᓇ;

ᑕᐃᑕᔅ 1:14

ᐁᑳ ᐁ ᐹᐱᓯᔅᑫᓕᑕᑭᒃ ᒎᐎ ᐋᑕᓗᑳᓇ, ᓀᔥᑕ ᐅ ᑲᑫᔅᑴᐎᓂᓕᐗ ᐃᓕᓕᐗ ᑳ ᓇᑲᑕᒥᓕᒋ ᑖᐺᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:1

ᑖᓐᑌ ᐌᒋᐸᓕᑭ ᓇᑐᐸᓕᐎᓇ ᓀᔥᑕ ᓄᑎᓂᑐᐎᓇ ᐃᑕ ᐁ ᐃᑖᔦᒃ; ᓇᒪ ᓈ ᐅᑕ ᐅᒋᐸᓕᐗ, ᑭ ᒪᒋ ᓇᑕᐌᓕᑕᒧᐎᓇ ᑳ ᓇᑐᐸᓕᑭ ᑮ ᐸᔅᑫᓯᐎᓂᐙᒃ?