ᑕᐃᑕᔅ 3:8 - ᐅᔅᑭ ᑎᔅᑌᒥᓐᑦ

⁸ ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᑕᐃᑕᔅ 3:8 Iomraidhean Croise

ᐅᐸᓓᑭᔅ ᒫᑎᐤ 20:4

ᑮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ, ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑎᓇᐗᐤ᙮ ᐁᑯ ᒫᑲ ᐁᑐᑌᒋᒃ᙮

ᐅᐸᓓᑭᔅ ᒑᓐ 12:44

ᒋᓴᔅ ᑮ ᑌᐺᐤ, ᐁ ᐃᑗᑦ, ᐊᓇ ᑳ ᑖᐺᔦᓕᒥᑦ, ᓇᒪᐎᓚ ᓂ ᑖᐺᔦᓕᒥᒃ ᓂᓚ, ᒫᑲ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐊᐸᔅᑕᓚᒃ 12:15

ᑮ ᐃᑌᐙᒃ ᒫᑲ, ᑭ ᑭᔥᒀᓐ᙮ ᒫᑲ ᐋᒋᐱᑯ ᑮ ᐋᔨᒋ ᐃᑗᐤ ᐁ ᑖᐺᑦ᙮ ᐁᑯ ᑳ ᐃᑗᒋᒃ, ᐁᐗᒀᓂᐃ ᐅᑦ ᐁᓐᒐᓕᒪ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:5

ᒫᑲ ᐊᓇ ᐁᑳ ᑳ ᐊᑑᔅᑫᑦ, ᒫᑲ ᑳ ᑖᐺᔦᓕᒫᑦ ᐊᓂᐃ ᑳ ᒀᔭᔅᑭᑖᑎᓯᐗᓕᒋ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ, ᐎᓚ ᐅ ᑖᐺᔦᓕᑕᒧᐎᓐ ᒀᔭᔅᑭᑖᑎᓯᐎᓐ ᐃᑕᑭᒋᑳᑌᓕᐤ᙮

ᓂᔓ ᑯᕆᓐᑎᐊᓇ 4:13

ᓂᓚᓈᓐ ᐁ ᐋᔭᐗᑭᑦ ᐁᐗᑯ ᑫᔮᐸᒡ ᑖᐺᔦᓕᑕᒧᐎᓂ ᐊᒑᒃ, ᐁ ᐃᑕᓯᓇᐃᑳᑌᒃ, ᓂ ᑮ ᑖᐺᑌᓐ, ᐁᐗᑯ ᐌᒋ ᒫᑲ ᐋᔭᒥᔮᓐ; ᓂᓚᓈᓐ ᓀᔥᑕ ᓂ ᑖᐺᑌᓈᓐ, ᐁᐗᑯ ᐌᒋ ᒫᑲ ᐋᔭᒥᔮᒃ;

ᐃᐱᓯᔭᓇ 4:28

ᐊᓇ ᑳ ᑮ ᑭᒧᑎᑦ, ᐁᑯᔑ ᐁᑳᐎᓚ ᒥᓇ ᑲᑕ ᑭᒧᑎᐤ: ᒫᑲ ᐊᐙᓯᑌ ᑲᑕ ᐊᑑᔅᑫᐤ, ᐁ ᑐᑕᒃ ᐅᒋᒋᔭ ᐅᒋ ᐊᓂᐁᓕᐤ ᑳ ᒥᓨᔑᓂᓕᒃ, ᑭᒋ ᑮ ᒥᓛᑦ ᐊᓂᐃ ᑳ ᒪᓀᓯᓕᒋ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔥᑕᒻ ᑎᒧᑎ 2:8

ᓂ ᐸᑯᓭᓕᑌᓐ ᒫᑲ ᐃᓕᓕᐗᒃ ᒥᓯᐌ ᐃᑌ ᑭᒋ ᐋᔭᒥᐋᒋᒃ, ᐁ ᐅᐱᓇᑭᒃ ᐸᓓᑭ ᒥᒋᒋᔭ, ᐁᑳ ᐁ ᐋᑯᓚᐌᓯᒋᒃ ᐁᑳ ᓀᔥᑕ ᐁ ᑶᑕᐎᐃᑌᓕᑕᑭᒃ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᑕᐃᑕᔅ 1:9

ᐁ ᒥᒋᒥᓇᒃ ᑖᐺᔦᓕᑕᒧᐎ ᐋᔭᒥᐎᓂᓕᐤ ᑳ ᑮ ᐃᔑ ᑭᔅᑭᓄᐊᒪᐙᑲᓂᐎᑦ, ᑭᒋ ᑲᔥᑭᑖᑦ ᒀᔭᔉ ᑭᔅᑭᓄᐊᒫᑫᐎᓐ ᐅᒋ, ᑭᒋ ᔑᑭᒫᑦ ᓀᔥᑕ ᑭᒋ ᑲᔥᑭᒫᑦ ᐅᑖᓉᑕᒧᐗ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᑕᐃᑕᔅ 3:1

ᑭᔅᑭᓯᑐᑕᒥᐃᒃ ᑭᒋ ᓇᓇᐃᑕᑭᒃ ᑎᐯᓕᒋᑫᐎᓇ ᓀᔥᑕ ᓱᑳᑎᓯᐎᓇ, ᑭᒋ ᓇᓇᐃᑕᐙᒋᒃ ᐅᓚᔓᐌᐎᑭᒪᐗ, ᑭᒋ ᐎ ᑐᑕᑭᒃ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ,

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᐹᐃᓕᒪᓐ 1:11

ᐊᓇ ᐌᔅᑲᒡ ᐁᑳ ᓈᓐᑕᐤ ᑳ ᑮ ᐃᑖᐸᒋᐃᔉ, ᐊᓄᒡ ᒫᑲ ᑳ ᐃᑖᐸᒋᐃᔉ ᓂᓚ ᓀᔥᑕ:

ᐦᐃᑉᕉᐗ 10:24

ᐁᑯᔑ ᒫᑲ ᒪᒥᑐᓀᓕᒥᑐᑕᐤ ᑭᒋ ᔑᑭᐃᑐᔭᒃ ᑭᒋ ᐙᐸᑎᓕᐌᔭᒃ ᓵᑭᐃᐌᐎᓐ, ᓀᔥᑕ ᒥᓗ ᐊᑑᔅᑫᐎᓇ;

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮