6 ᑳ ᑮ ᐌᓗᒋ ᓯᑭᓇᒫᑕᒃ, ᐎᓚ ᐅᒋ ᒋᓴᔅ ᙭ ᑭ ᐱᒫᒋᐃᐌᒥᓇᐤ;
ᓀᔥᑕ ᐅ ᐱᓵᑯᓯᐎᓂᒃ ᐅᒋ ᒥᓯᐌ ᑭᓚᓈᓇᐤ ᑭ ᑮ ᐅᑎᓀᓈᓇᐤ, ᓀᔥᑕ ᔕᐌᓕᒋᑫᐎᓐ ᔕᐌᓕᒋᑫᐎᓐ ᐅᒋ᙮
ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮
ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑮᔥᐱᓐ ᑭ ᑭᔅᑫᓕᑕᒧᐙᐸᓀ ᑭᒋᒪᓂᑐ ᐅ ᒥᓕᐌᐎᓐ, ᓀᔥᑕ ᐊᐌᓇ ᐊᓇ ᑳ ᐃᑎᔉ, ᒥᓇᐃᓐ; ᑭ ᑳ ᑮ ᓇᑐᑕᒪᐙᑖᔾ, ᑭ ᑳ ᑮ ᒥᓕᑯᑖᔾ ᒫᑲ ᐱᒪᑎᓯᐎ ᓂᐱᓕᐤ᙮
ᒫᒋᒡ ᐁ ᑭᔑᑳᒃ, ᐊᓂᒪ ᑫᔅᑌᓕᑖᑾᒃ ᐁ ᑭᔑᑳᒃ ᒪᑯᔐᐎᓂᒃ, ᒋᓴᔅ ᐁ ᓂᐸᐎᑦ, ᑮ ᑌᐺᐤ, ᐁ ᐃᑗᑦ, ᑮᔥᐱᓐ ᐊᐌᓇ ᓄᑌᔮᐸᑴᑌ, ᐁᑯᔑ ᓂ ᑳ ᐯᒋ ᓈᑎᒃ, ᓀᔥᑕ ᑲᑕ ᒥᓂᑴᐤ᙮
ᐊᓂᑭ ᒫᑲ ᑳ ᑭᔅᑭᓄᐗᒋᔣᑲᓂᐎᒋᒃ ᑳ ᑖᐺᑕᑭᒃ ᑮ ᒫᒪᔅᑲᑕᒶᒃ, ᒥᓯᐌ ᐊᓂᑭ ᑳ ᐯᒋ ᐎᒋᐙᒋᒃ ᐱᑕᕋ, ᐊᓂᑭ ᒉᓐᑖᐃᓚᒃ ᐊᓯᒋ ᐁ ᑮ ᓯᑭᓇᒫᒋᒃ ᐊᓂᒪ ᒥᓕᐌᐎᓐ ᑳ ᐸᓓᑭᓯᑦ ᐊᒑᒃ᙮
ᐁᐗᑯ ᐅᒋ ᐁ ᑮ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᓀᔥᑕ ᐅᑖᐎᒫᐗ ᐁ ᑮ ᐊᔓᑕᒫᑯᑦ ᑭᒋ ᒥᓕᑯᑦ ᐸᓓᑭ ᐊᒑᒃ, ᑮ ᓯᑭᓇᒻ ᐅᒪ, ᑭᓚᐗᐤ ᐊᓄᒡ ᑳ ᐙᐸᑕᒣᒃ ᓂᔥᑕ ᑳ ᐯᑕᒣᒃ᙮
ᓀᔥᑕᐱᑯ ᑭᑦ ᐋᑕᐌᓕᑕᒸᓐ ᓈ ᐁ ᐃᔑ ᐌᓗᑕᓂᓕᒃ ᐅ ᒥᓨᑎᓯᐎᓐ ᓀᔥᑕ ᐅ ᐯᑳᒑᑎᓯᐎᓐ ᓀᔥᑕ ᐅ ᔑᐱᓚᐌᓯᐎᓐ; ᐁᑳ ᐁ ᑭᔅᑫᓕᑕᒪᓐ ᑭᒋᒪᓂᑐ ᐅ ᒥᓨᑎᓯᐎᓐ ᐁ ᐃᑐᑕᐃᑯᐗᑦ ᑭᒋ ᒥᒋᓚᐌᔦᓕᑕᒪᓐ?
ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮
ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮
ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,
ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;
ᐃᑕᔓᒥᒃ ᐊᓂᑭ ᑳ ᐌᓗᑎᓯᒋᒃ ᐅᑕ ᐊᔅᑮᒃ, ᐁᑳ ᑭᒋ ᑭᔅᑌᓕᒧᒋᒃ, ᐁᑳ ᓀᔥᑕ ᑭᒋ ᒪᒥᔑᑐᑕᑭᒃ ᐁᑳ ᑳ ᑫᒋᓇᐅᒪᑲᑭ ᒥᔕᑭᓯᐎᓇ, ᒫᑲ ᑳ ᐱᒫᑎᓯᓕᑭ ᑭᒋᒪᓂᑐᐗ, ᐊᓇ ᒥᓯᐌ ᑫᒀᓇ ᑳ ᐌᓗᒋ ᒥᓕᑕᒃ ᑭᒋ ᐅᒋ ᒥᓜᓕᑕᒪᒃ;
ᐁ ᒪᓯᓇᐊᒪᐗᒃ ᑕᐃᑕᔅ, ᑎᐱᓚᐌ ᓂᑯᓯᔅ, ᒥᓯᐌ ᐃᔑ ᑖᐺᔦᓕᑕᒧᐎᓂᒃ: ᑭᔐᐙᑎᓯᐎᓐ ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑕᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᑭ ᐱᒫᒋᐃᐌᒥᓇᐤ᙮
