ᑕᐃᑕᔅ 3:5 - ᐅᔅᑭ ᑎᔅᑌᒥᓐᑦ

⁵ ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᑕᐃᑕᔅ 3:5 Iomraidhean Croise

ᐅᐸᓓᑭᔅ ᒫᑎᐤ 3:11

ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐅᐸᓓᑭᔅ ᓘᒃ 1:50

ᐅ ᔕᐌᓕᒋᑫᐎᓐ ᒫᑲ ᐋᔮᓕᐗ ᐊᓂᐃ ᑳ ᓇᓂᒌᔅᑖᑯᑦ ᒧᔕᒃ ᐃᓕᑯᒃ ᑫ ᐋᔮᓂᔅᑫ ᐱᒫᑎᓯᓈᓂᐗᒃ᙮

ᐅᐸᓓᑭᔅ ᓘᒃ 1:54

ᑮ ᐎᒋᐁᐤ ᐅᑦ ᐊᑑᔅᑫᓛᑲᓂᒪ ᐃᔅᕃᐃᓚ, ᐁ ᑭᔅᑭᓯᑦ ᐅ ᔕᐌᓕᒋᑫᐎᓐ;

ᐅᐸᓓᑭᔅ ᓘᒃ 1:72

ᑭᒋ ᑎᐱᐸᓕᑖᑦ ᐊᓂᐁᓕᐤ ᔖᐌᓕᒋᑫᐎᓂᓕᐤ ᑳ ᑮ ᐃᑖᑦ ᑯᑖᐎᓇᐗ, ᓀᔥᑕ ᑭᒋ ᑲᓄᑭᔅᑭᓯᑦ ᐅ ᐸᓓᑭ ᓇᔅᑯᒥᐌᐎᓐ;

ᐅᐸᓓᑭᔅ ᓘᒃ 1:78

ᐅ ᓗᔅᐱᓯᐎ ᔕᐌᓕᒋᑫᐎᓂᒃ ᐅᒋ ᑭ ᑭᒋᒪᓂᑐᒥᓇᐤ; ᑳ ᐅᒋ ᒪᐗᑎᑎᑯᔭᒃ ᐊᓂᒪ ᐙᐸᓐ ᑭᒋᑭᔑᑯᒃ ᐅᒋ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:14

ᑮᔥᐱᓐ ᓈᓐᑕᐤ ᐃᔑ ᑭᒋ ᔑᑭᐊᑭᒃ ᑭᒋ ᐸᔅᑭᓛᑫᒋᒃ ᐊᓂᑭ ᐌᑐᑌᒥᔮᓐ, ᓀᔥᑕ ᐋᑎ ᑭᒋ ᐃᔑ ᐱᒫᒋᐊᑭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:6

ᑮᔥᐱᓐ ᒫᑲ ᔕᐌᓕᒋᑫᐎᓂᒃ ᐅᒋ, ᐁᑯ ᐁᑳ ᑫᔮᐸᒡ ᐊᑑᔅᑫᐎᓂᒃ ᐅᒋ; ᐹᑳᓐ ᐃᔑ ᔕᐌᓕᒋᑫᐎᓐ ᓇᒪᐎᓚ ᑫᔮᐸᒡ ᔕᐌᓕᒋᑫᐎᓂᐗᓐ᙮ ᒫᑲ ᑮᔥᐱᓐ ᐊᑑᔅᑫᐎᓂᒃ ᐅᒋ, ᐁᑯ ᐁᑳ ᑫᔮᐸᒡ ᔕᐌᓕᒋᑫᐎᓂᒃ ᐅᒋ; ᐸᑳᓐ ᐃᔑ ᐊᑑᔅᑫᐎᓐ ᓇᒪᐎᓚ ᑫᔮᐸᒡ ᐊᑑᔅᑫᐎᓂᐗᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:20

ᐁᐗᑯ ᒫᑲ ᐅᒋ ᐁ ᐊᔨᑎᓈᓂᐗᒃ ᐅᓚᔓᐌᐎᓂᒃ ᐅᒋ ᓇᒪᐎᓚ ᐊᐌᓇ ᑲᑕ ᑮ ᒀᔭᔅᑭᑖᑎᓯᐊᐤ ᐎᓚ ᐁ ᑲᓇᐙᐸᑫᑦ: ᐌᓴ ᐅᓚᔓᐌᐎᓐ ᐅᒋ ᑭᔅᑫᓕᒋᑳᑌᐤ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:28

ᐁᐗᑯ ᐅᒋ ᓂᑦ ᐊᑭᑌᓈᓐ ᐃᓕᓕᐤ ᐁ ᒀᔭᔅᑳᑎᓯᐋᑲᓂᐎᑦ ᑖᐺᔦᓕᑕᒧᐎᓂᒃ ᐅᒋ ᐁᑳ ᐁ ᐃᑐᒋᑳᑎᑭ ᐅᓚᔓᐌᐎᓂ ᐊᔨᑎᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:5

ᒫᑲ ᐊᓇ ᐁᑳ ᑳ ᐊᑑᔅᑫᑦ, ᒫᑲ ᑳ ᑖᐺᔦᓕᒫᑦ ᐊᓂᐃ ᑳ ᒀᔭᔅᑭᑖᑎᓯᐗᓕᒋ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ, ᐎᓚ ᐅ ᑖᐺᔦᓕᑕᒧᐎᓐ ᒀᔭᔅᑭᑖᑎᓯᐎᓐ ᐃᑕᑭᒋᑳᑌᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:11

ᐌᓴ ᐊᓂᑭ ᐊᐙᔑᔕᒃ ᐁᑳ ᐁᔥᑾ ᐁ ᓂᑕᐎᑭᒋᒃ, ᓀᔥᑕ ᐁᑳ ᐁᔥᑾ ᐁ ᑮ ᒥᓗᑐᑕᑭᒃ ᓀᔥᑕᐱᑯ ᒪᒋᑐᑕᑭᒃ, ᐅᑦ ᐃᑎᓕᑕᒧᐎᓐ ᑭᒋᒪᓂᑐ, ᐙᐌᓛᐸᒥᐌᐎᓂᒃ ᐃᔑ ᑭᒋ ᐋᔨᒋᑳᐸᐎᒪᑲᓂᓕᒃ, ᓇᒪᐎᓚ ᐊᑑᔅᑫᐎᓂᒃ ᐅᒋ, ᒫᑲ ᐊᓇ ᐅᒋ ᑳ ᓇᑐᒥᐌᑦ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:16

ᓄᑾᓐ ᒫᑲ ᓇᒪᐎᓚ ᐊᓇ ᐅᒋ ᑳ ᐃᑌᓕᑕᒃ, ᓇᒪ ᓀᔥᑕ ᐊᓇ ᐅᒋ ᑳ ᐱᒥᐸᑖᑦ, ᒫᑲ ᑭᒋᒪᓂᑐ ᐅᒋ ᑳ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:30

ᑫᒀᓐ ᒫᑲ ᑫ ᐃᑗᔭᒃ ᐊᓂᑭ ᒉᓐᑖᐃᓚᒃ ᐁᑳ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂᓕᐤ, ᑮ ᐅᑎᑎᒶᒃ ᒀᔭᔅᑭᑖᑎᓯᐎᓂᓕᐤ, ᐊᓂᐁᓕᐤ ᒀᔭᔅᑭᑖᑎᓯᐎᓂᓕᐤ ᐅᑎ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᑲᓓᔕᐊᓇ 2:16

ᐁ ᑭᔅᑫᓕᑕᒪᒃ ᐃᓕᓕᐤ ᐁᑳ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᒫᑲ ᐅ ᑖᐺᔦᓕᒥᑯᓯᐎᓐ ᐅᒋ ᒋᓴᔅ ᙭, ᑭ ᑭ ᑖᐺᔦᓕᒫᓇᐤ ᒋᓴᔅ ᙭; ᑭᒋ ᑮ ᒀᔭᔅᑭᑖᑎᓯᐃᑲᐎᔭᒃ ᐅ ᑖᐺᔦᓕᒥᑯᓯᐎᓐ ᙭ ᐅᒋ, ᓇᒪ ᒫᑲ ᐅᓚᔓᐌᐎᓂ ᐃᔑᒋᑫᐎᓇ ᐅᒋ: ᐌᓴ ᐅᓚᔓᐌᐎᓂ ᐃᔑᒋᑫᐎᓇ ᐅᒋ ᓇᒪᐎᓚ ᐊᐌᓇ ᑲᑕ ᒀᔭᔅᑭᑖᑎᓯᐊᐤ᙮

ᐃᐱᓯᔭᓇ 2:4

ᒫᑲ ᑭᒋᒪᓂᑐ, ᑳ ᐌᓗᒋ ᔕᐌᓕᒋᑫᑦ, ᐅ ᑭᒋ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᑕᒃ,

ᐃᐱᓯᔭᓇ 4:23

ᓀᔥᑕ ᑭᒋ ᐅᔥᑭᐃᑲᐎᔦᒃ ᐁ ᐃᔑ ᓇᑕᐌᓕᑕᒧᒪᑲᒃ ᑭ ᒥᑐᓀᓕᒋᑲᓂᐗᐤ:

ᐃᐱᓯᔭᓇ 5:26

ᑭᒋ ᑮ ᐸᓓᑭᐋᑦ ᐁ ᑭᒋᔅᑖᐸᐗᓛᑦ ᓂᐱᓕᐤ ᐅᒋ, ᐋᔭᒥᐎᓂᓕᐤ ᐅᒋ,

ᑯᓚᔑᔭᓇ 3:10

ᓀᔥᑕ ᐁ ᑮ ᐳᔅᑎᔥᑲᐌᒃ ᐅᔥᑭ ᐃᓕᓕᐤ, ᑳ ᐅᔥᑭᐋᑲᓂᐎᑦ ᑭᔅᑫᓕᑕᒧᐎᓂᒃ, ᐅᑦ ᐃᔑᓈᑯᓯᐎᓂᓕᒃ ᐊᓂᐃ ᑳ ᑮ ᐅᔑᐃᑯᑦ;

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᑕᐃᑕᔅ 3:4

ᒫᑲ ᐃᔅᐱ ᐁ ᐃᔑ ᑭᔐᐙᑐᑕᐙᑦ ᓀᔥᑕ ᓵᑭᐋᑦ ᐃᓕᓕᐗ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᑮ ᓄᑾᓂᓕᐤ;

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 4:16

ᐁᐗᑯ ᐅᒋ ᐁᑯᔑ ᓱᑭᑌᐁᐎ ᐯᒋ ᓈᑖᑕᐤ ᔕᐌᓕᒋᑫᐎ ᐅᑭᒪᐗᐱᐎᓐ, ᑭᒋ ᑮ ᐅᑎᓇᒪᒃ ᑭᑎᒫᑫᓕᒋᑫᐎᓐ, ᓀᔥᑕ ᑭᒋ ᒥᔅᑲᒪᒃ ᔕᐌᓕᒋᑫᐎᓐ ᑭᒋ ᐎᒋᐃᑯᔭᒃ ᐃᐊᓕᒥᓯᔭᑯ᙮

ᐦᐃᑉᕉᐗ 6:6

ᑮᔥᐱᓐ ᑫ ᐸᑭᔑᓄᐙᑴ, ᒥᓇ ᑭᒋ ᐅᔥᑭᐋᑲᓂᐎᒋᒃ ᒥᒋᓚᐌᔦᓕᑕᒧᐎᓂᒃ; ᐁ ᓄᑾᐤ ᒥᓇ ᐁ ᒌᔅᑖᔅᑾᑕᒫᓱᒋᒃ ᑭᒋᒪᓂᑐ ᐅᑯᓯᓴ, ᓀᔥᑕ ᒧᔐ ᐁ ᓇᓀᐯᐎᐋᒋᒃ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 2:10

ᑭᓚᐗᐤ ᑳᔮᔥ ᐁᑳ ᑳ ᑮ ᐃᑕᔅᑳᓀᓯᔦᒃ ᐁ ᐃᓕᓕᐎᔦᒃ, ᒫᑲ ᐊᓄᒡ ᑯᑎᓕᓕᒥᒥᑯᐗᐤ ᑭᒋᒪᓂᑐ: ᐁᑳ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ, ᐊᓄᒡ ᒫᑲ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭: