ᑕᐃᑕᔅ 3:2 - ᐅᔅᑭ ᑎᔅᑌᒥᓐᑦ

² ᐁᑳᐎᓚ ᑭᒋ ᒪᒋ ᐋᓕᒧᒫᒋᒃ ᐊᐌᓕᐗ, ᐁᑳ ᑭᒋ ᒀᓗᑐᑕᑫᒋᒃ, ᒫᑲ ᑭᒋ ᑳᔮᒣᐎᓯᒋᒃ ᒥᑐᓂ ᐁ ᓗᔅᑳᑎᓰᔅᑕᐙᒋᒃ ᒥᓯᐌ ᐃᓕᓕᐗ᙮

ᑕᐃᑕᔅ 3:2 Iomraidhean Croise

ᐅᐸᓓᑭᔅ ᒫᑎᐤ 11:29

ᐅᑎᓇᒫᓱᒃ ᓂ ᑖᐱᔅᑳᑲᓐ, ᑭᔅᑭᓄᐙᐸᒦᒃ ᒫᑲ, ᐌᓴ ᓂ ᓗᔅᐹᑎᓰᓐ ᓀᔥᑕ ᓂ ᑕᐸᑎᓕᒧᓐ ᓂᑌᐃᒃ: ᑭ ᑳ ᒥᔅᑫᓇᐗᐤ ᒫᑲ ᑫ ᐃᔑ ᐋᓜᐱᒋᒃ ᑭᑦ ᐊᒑᑯᐙᐗᒃ᙮

ᐊᐸᔅᑕᓚᒃ 23:5

ᐁᑯ ᐹᓪ ᐁᑗᑦ, ᓇᒪ ᓂ ᑭᔅᑫᓕᑌᑖᔾ ᓂᒋᔖᓂᑐᒃ, ᐎᓚ ᐁ ᑭᒋ ᓵᓵᑭᐎᓕᐌᐎᓕᓕᐎᑦ: ᐌᓴ ᐃᑕᓯᓇᐃᑳᑌᐤ, ᓇᒪᐎᓚ ᑭ ᑳ ᒪᒋ ᐃᑖᐤ ᐊᓇ ᑳ ᑎᐯᓕᒫᑦ ᓂᑦ ᐃᓕᓕᒪ᙮

ᓂᔥᑕᒻ ᑯᕆᓐᑎᐊᓇ 6:10

ᓇᒪ ᓀᔥᑕ ᑭᒧᑎᔅᑲᒃ, ᓇᒪ ᓀᔥᑕ ᐅᒧᔅᑌᓇᒫᑫᔅᑲᒃ, ᓇᒪ ᓀᔥᑕ ᑭᔥᑴᐯᔅᑲᒃ, ᓇᑕ ᓀᔥᑕ ᐅᒫᓓᓕᒋᑫᔅᑲᒃ, ᓇᒪ ᓀᔥᑕ ᐅᒪᔅᑲᑗᔅᑲᒃ, ᑲᑕ ᐋᓂᔅᑫ ᐋᔭᐌᐗᒃ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 9:19

ᐌᓴ ᐋᑕ ᐁᑳ ᐊᐌᓇ ᐁ ᑎᐯᓕᒥᑦ, ᐁᓕᐌᒃ ᒫᑲ ᓂ ᑮ ᐃᔑᐃᑎᓱᓐ ᑭᒋ ᐊᑑᔅᑲᐗᑭᒃ ᒥᓯᐌ, ᑭᒋ ᐃᔑ ᑲᔥᑭᐊᑭᒃ ᓇᐗᒡ ᒥᒉᑦ᙮

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 6:1

ᓂᒋᔖᓂᑐᒃ, ᑮᔥᐱᓐ ᐊᐌᓇ ᐊᑎᒥᑯᒋ ᒪᒋᐋᔨᑎᐎᓂᓕᐤ, ᑭᓚᐗᐤ ᑳ ᐊᒑᑯᐎᔦᒃ ᐯᒋ ᑭᐌᑕᐃᒃ ᐊᓇ ᓗᔅᐹᑌᓕᑕᒧᐎᓂᒃ; ᐁ ᒫᒥᑐᓀᓕᒥᑎᓱᔭᓐ, ᒫᔅᑯᒡ ᑭᓚ ᓀᔥᑕ ᑭ ᑳ ᑲᑴᒋᐃᑲᐎᓐ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᐃᐱᓯᔭᓇ 4:2

ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;

ᐃᐱᓯᔭᓇ 4:31

ᐌᐱᓇᒧᒃ ᒥᓯᐌ ᐊᒀᑎᓯᐎᓐ, ᓀᔥᑕ ᐋᑯᓚᐌᓯᐎᓐ, ᓀᔥᑕ ᑭᓯᐙᓯᐎᓐ, ᓀᔥᑕ ᑭᓯᐙᓯᐎ ᐋᔭᒥᐎᓐ, ᓀᔥᑕ ᒪᒋ ᐋᔭᒥᐎᓐ, ᓀᔥᑕ ᒥᓯᐌ ᑭᒧᒋᐸᒀᑎᑐᐎᓐ:

ᐱᓕᐱᔭᓇ 4:5

ᐁᑯᔑ ᒥᓯᐌ ᐃᓕᓕᐗᒃ ᑲᑕ ᑭᔅᑫᓕᑕᒶᒃ ᑮ ᐯᑳᒡ ᐃᑖᑎᓯᐎᓂᐗᐤ᙮ ᐅᑎᐯᓕᒋᑫᐤ ᑭᔑᐙᒃ ᐃᑖᐤ᙮

ᓂᔥᑕᒻ ᑌᓴᓗᓂᔭᓇ 2:7

ᒫᑲ ᑭ ᑮ ᓗᔅᑳᑎᓯᔅᑖᑎᓈᓐ ᑖᐱᔅᑯᒡ ᐅᑲᓇᓇᐗᓱ ᐁ ᐃᔑ ᑲᓇᐌᓕᒫᑦ ᐅᑦ ᐊᐙᔑᒥᔕ᙮

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:11

ᐁᑳᐎᓚ ᒪᒋ ᐋᓕᒧᒥᑐᒃ, ᓂᒋᔖᓂᑐᒃ᙮ ᐊᓇ ᑳ ᒪᒋ ᐋᓕᒧᒫᑦ ᐎᒋᔖᓇ, ᓀᔥᑕ ᑳ ᑎᐹᔅᑯᓈᑦ ᐎᒋᔖᓇ ᒪᒋ ᐋᓕᒧᑕᒻ ᐅᓚᔔᐌᐎᓂᓕᐤ, ᓀᔥᑕ ᑎᐹᔅᑯᓓᓕᑕᒻ ᐅᓚᔓᐌᐎᓂᓕᐤ: ᒫᑲ ᑮᔥᐱᓐ ᑌᐹᔅᑯᓀᓕᑕᒪᓂ ᐅᓚᔔᐌᐎᓐ, ᓇᒪᐎᓚ ᑭᑦ ᐃᑐᑌᓐ ᐅᓚᔓᐌᐎᓐ, ᒫᑲ ᑭ ᑎᐹᔅᑯᓀᓕᑌᓐ᙮

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᐱᑕᕐ 3:10

ᐌᓴ ᐊᓇ ᑳ ᐎ ᓵᑭᑖᑦ ᐱᒫᑎᓯᐎᓂᓕᐤ, ᓀᔥᑕ ᐙᐸᑕᒃ ᒥᓗ ᑭᔑᑲᐗ, ᐁᑯᔑ ᑲᑕ ᑲᓇᐌᓕᑕᒻ ᐅᑌᓚᓕ ᒪᒋ ᐋᔭᒥᐎᓂᓕᐤ ᐅᒋ, ᓀᔥᑕ ᐅᑐᓐ ᐁᑳ ᐸᑾᓐᑕᐤ ᑭᒋ ᐋᔭᒥᑦ:

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᓂᔥᑕᒻ ᐱᑕᕐ 4:4

ᐃᑕ ᐁ ᒫᒪᔅᑳᑌᓕᑕᑭᒃ ᐁᑳ ᐁ ᐎᒋᐱᒥᐸᑕᒣᑾᒃ ᐁᐗᑯ ᑫᔮᐸᒡ ᑭᔥᑴᐎᓂ ᒪᔥᑫᑯᒃ ᐁ ᐸᑾᓄᒥᑖᑾᒃ:

ᓂᔓ ᐱᑕᕐ 2:10

ᒫᑲ ᐅᓵᒻ ᐊᓂᐃ ᑳ ᐱᒧᑖᑕᒥᓕᒋ ᐁ ᐃᔑᑡᒪᑲᓂᓕᒃ ᐎᔮᓯᓕᐤ, ᐎᓂᓯᐎ ᐃᑌᓕᑕᒧᐎᓂᒃ, ᓀᔥᑕ ᑳ ᐋᑕᐌᓕᑕᒥᓕᒋ ᑎᐯᓕᒋᑫᐎᓂᓕᐤ᙮ ᓱᑭᑌᐁᐗᒃ, ᐎ ᑎᐯᓕᒥᑎᓱᐗᒃ; ᓇᒪ ᓀᔥᑕ ᓭᑭᓯᐗᒃ ᑭᒋ ᒪᒋ ᐋᓕᒧᑕᑭᒃ ᑭᔅᑌᓕᑖᑯᓯᐎᓇ᙮

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮

ᒎᑦ 1:8

ᐁᑯ ᑖᐱᔅᑯᒡ, ᐅᑯ ᐎᓂᓯᐎ ᐅᐸᐗᒧᐗᒃ ᐎᓂᑕᐗᒃ ᐎᔮᓯᓕᐤ, ᐋᑕᐌᓕᑕᒶᒃ ᑎᐯᓕᒋᑫᐎᓂᓕᐤ, ᓀᔥᑕ ᒪᒋ ᐋᓕᒧᑕᒶᒃ ᑭᔅᑌᓕᑖᑯᓯᐎᓇ᙮