ᑕᐃᑕᔅ 3:1 - ᐅᔅᑭ ᑎᔅᑌᒥᓐᑦ

¹ ᑭᔅᑭᓯᑐᑕᒥᐃᒃ ᑭᒋ ᓇᓇᐃᑕᑭᒃ ᑎᐯᓕᒋᑫᐎᓇ ᓀᔥᑕ ᓱᑳᑎᓯᐎᓇ, ᑭᒋ ᓇᓇᐃᑕᐙᒋᒃ ᐅᓚᔓᐌᐎᑭᒪᐗ, ᑭᒋ ᐎ ᑐᑕᑭᒃ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ,

ᑕᐃᑕᔅ 3:1 Iomraidhean Croise

ᐅᐸᓓᑭᔅ ᒫᑎᐤ 22:21

ᐃᑌᐗᒃ, ᓯᓴᕐ᙮ ᐁᑯ ᐁᑖᑦ, ᒥᓕᒃ ᓯᓴᕐ ᐊᓂᐃ ᐌᑖᔮᓂᑦ ᓯᓴᕐ, ᓀᔥᑕ ᑭᒋᒪᓂᑐ ᐊᓂᐃ ᐌᑖᔮᓂᑦ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔥᑕᒻ ᑎᒧᑎ 2:2

ᑭᒋᐅᑭᒪᐗᒃ, ᓀᔥᑕ ᒥᓯᐌ ᑳ ᑎᐯᓕᒋᑫᒋᒃ; ᑭᒋ ᑳᔮᒣᐎᓯᐎ ᓀᔥᑕ ᑳᔮᒣᓕᑕᒧᐎ ᐱᒫᑎᓯᔭᒃ ᒥᓯᐌ ᒪᓂᑐᐙᑎᓯᐎᓂᒃ ᓀᔥᑕ ᑾᔭᔅᑭᑎᐎᓂᒃ᙮

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔓ ᑎᒧᑎ 1:6

ᐁᐗᑯ ᐅᒋ ᒫᑲ ᑭ ᑭᔅᑭᓯᐃᑎᓐ, ᑭᒋ ᐃᑌᐊᒶᑦ ᐅ ᒥᓕᐌᐎᓐ ᑭᒋᒪᓂᑐ, ᐊᓂᒪ ᑳ ᐱᒋᔅᑳᑯᔭᓐ ᐁ ᑮ ᓴᒥᓂᔅᑎᒀᓂᑖᓐ ᐅᒋ᙮

ᓂᔓ ᑎᒧᑎ 2:14

ᐅᐅ ᑫᒀᓇ ᑭᔅᑭᓯᑐᑕᒥᐃᒃ, ᐁ ᐃᑕᔓᒪᒋᒃ ᐅᑎᔥᑲᐤ ᐅᑎᐯᓕᒋᑫᐗ, ᐁᑳᐎᓚ ᑭᒋ ᐋᔑᑌᒥᐌᒋᒃ ᐋᔭᒥᐎᓇ ᐅᒋ ᐁᑳ ᓈᓐᑕᐤ ᑳ ᐃᑖᐸᑕᑭ, ᑳ ᐗᓀᓕᑕᒥᐃᑯᒋᒃ ᐱᑯ ᐊᓂᑭ ᑳ ᓇᑐᑕᑭᒃ᙮

ᓂᔓ ᑎᒧᑎ 2:21

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐯᓓᑭᐃᑎᓱᑴ ᐅᐅ ᐅᒋ, ᑲᑕ ᐊᓱᐗᒋᑲᓂᐎᐤ ᑭᔅᑌᓕᑖᑯᓯᐎᓂᒃ, ᐁ ᐸᓓᑭᐋᑲᓂᐎᑦ ᓀᔥᑕ ᐁ ᑌᐱᐋᐱᔅᑌᓕᑖᑯᓯᑦ ᑭᒋ ᐋᐸᒋᐃᑯᑦ ᐅᑭᒫᐗ, ᐁ ᐙᐌᔑᐋᑲᓂᐎᑦ ᒥᓯᐌ ᑕᑐ ᒥᓗ ᐊᑐᔅᑫᐎᓂᒃ ᐃᔑ᙮

ᑕᐃᑕᔅ 1:16

ᓂ ᑭᔅᑫᓕᒫᓈᓐ ᑭᒋᒪᓂᑐ ᐃᑗᐗᒃ, ᒫᑲ ᐅᑦ ᐊᑑᔅᑫᐎᓂᐙᒃ ᐋᓉᑕᐌᐗᒃ; ᐁ ᓂᐹᓯᓈᑯᓯᒋᒃ ᓀᔥᑕ ᐁ ᔑᐱᑕᑭᒃ, ᓀᔥᑕ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ ᐸᒀᑕᒶᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᐱᑕᕐ 1:12

ᐁᐗᑯ ᐅᒋ ᓇᒪᐎᓚ ᓂ ᑳ ᐋᔮᒌᔅᑕᐌᓕᑌᓐ ᑭᒋ ᑭᔅᑭᓯᐃᑖᑾᒃ ᐅᐅ ᑫᒀᓇ, ᐋᑕ ᐁ ᑭᔅᑫᓕᑕᒣᒃ, ᓀᔥᑕ ᐁ ᐋᔨᒋᑳᐸᐎᔦᒃ ᐊᓄᒡ ᑖᐺᐎᓂᒃ᙮

ᒎᑦ 1:5

ᐁᐗᑯ ᐅᒋ ᑭ ᑭᔅᑭᓯᑐᑕᒥᐃᑎᓇᐗᐤ, ᐋᑕ ᐯᔭᑾᐤ ᐅᒪ ᐁ ᑮ ᑭᔅᑫᓕᑕᒣᒃ, ᐅᑎᐯᓕᒋᑫᐤ ᐁ ᑮ ᐱᒫᒋᐋᑦ ᐃᓕᓕᐗ ᐃᒋᑉᑦ ᐊᔅᑮᒃ ᐅᒋ, ᐹᑎᒫ ᑮ ᓂᔑᐗᓈᒋᐁᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ᙮