ᑕᐃᑕᔅ 2:5 - ᐅᔅᑭ ᑎᔅᑌᒥᓐᑦ

⁵ ᑭᒋ ᓕᑆᑳᒋᒃ, ᑭᒋ ᐸᓓᑭᓯᒋᒃ, ᑭᒋ ᑕᔑᑫᒋᒃ ᑎᐱᓚᐌ ᐎᑭᐙᒃ, ᑭᒋ ᒥᓨᑎᓯᒋᒃ, ᑭᒋ ᓇᓇᐃᑕᐙᒋᒃ ᑎᐱᓚᐌ ᐅ ᓈᐯᒥᐙᐗ, ᑭᒋᒪᓂᑐ ᐅᑦ ᐋᔭᒥᐎᓐ ᐁᑳ ᑭᒋ ᒪᒋᐋᓕᒧᒋᑳᑌᓕᒃ᙮

ᑕᐃᑕᔅ 2:5 Iomraidhean Croise

ᐊᐸᔅᑕᓚᒃ 9:36

ᐁᑯ ᑳ ᐃᑖᑦ ᐊᓐᑕ ᒐᐸᐃᒃ ᐯᔭᒃ ᑭᔅᑭᓄᐊᒪᐙᑲᓐ ᑖᐱᑕ ᐁ ᐃᔑᓂᑳᓱᑦ, ᐊᓂᒪ ᐁ ᐃᑗᔅᒋᑳᑕᒃ ᑐᕐᑲᔅ ᑳ ᐃᑣᓂᐗᒃ: ᐊᐗ ᐃᔅᑴᐤ ᑮ ᓵᑲᔅᑭᓀᐤ ᒥᓗ ᐊᑐᔅᑭᐎᓇ ᓀᔥᑕ ᐅᒌᔅᑕᒫᑫᐎᓇ ᑳ ᑮ ᑐᑕᒃ᙮

ᐊᐸᔅᑕᓚᒃ 9:39

ᐁᑯ ᐱᑕᕐ ᑳ ᐸᓯᑯᑦ, ᑮ ᐎᒉᐌᐤ ᒫᑲ᙮ ᐃᔅᐱ ᑳ ᑕᑯᔑᒃ, ᑮ ᐯᒋ ᐱᑐᑲᐁᐗᒃ ᐊᓐᑕ ᑕᑯᒡ ᑳ ᐱᔅᑭᒑᒃ ᐙᔅᑳᔨᑲᓂᓕᐤ: ᒥᓯᐌ ᒫᑲ ᑳ ᑭᐙᑎᓯᓕᒋ ᐃᔅᑴᐗ ᑮ ᐎᒋᑲᐸᐎᔅᑖᑯ ᐁ ᒫᑐᓕᒋ, ᓀᔥᑕ ᐁ ᐗᐗᐸᑎᓛᓕᒋ ᐊᓂᐃ ᐊᑰᐸ ᓀᔥᑕ ᐎᓛᒋᑲᓇ ᑳ ᑮ ᐅᔑᑖᓕᒋ ᑐᕐᑲᓴ ᒣᒀᒡ ᐁ ᐗᐎᒉᐎᑯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:16

ᐁᑯᔑ ᒫᑲ ᐁᑳᐎᓚ ᑳ ᒥᓗᑐᑕᒣᒃ ᑲᑕ ᒪᒋ ᐋᓕᒧᒋᑳᑌᐤ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:24

ᒫᓇ ᒫᑲ ᐅᑦ ᐃᔑᓂᑳᓯᐎᓐ ᑭᒋᒪᓂᑐ ᒫᒪᒋᐎᒋᑳᑌᓕᒃ ᑭᓚᐗᐤ ᐅᒋ ᒣᑴᔭᔥ ᒉᓐᑖᐃᓚ, ᐁ ᐃᑕᓯᓇᐃᑳᑌᒃ᙮

ᓂᔥᑕᒻ ᑯᕆᓐᑎᐊᓇ 11:3

ᒫᑲ ᑭ ᓇᑕᐌᓕᒥᑎᓇᐗᐤ ᑭᒋ ᑭᔅᑫᓕᑕᒣᒃ, ᐅᔅᑎᒀᓐ ᒥᓯᐌ ᑕᑐ ᐃᓕᓕᐤ ᐁᐗᑯ ᙭: ᓀᔥᑕ ᐅᔅᑎᒀᓐ ᐃᔅᑴᐤ ᐁᐗᑯ ᓈᐯᐤ; ᓀᔥᑕ ᐅᔅᑎᒀᓐ ᙭ ᐁᐗᑯ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 14:34

ᐁᑯᔑ ᑭᑦ ᐃᔅᑴᒥᐗᐗᒃ ᓇᒪᐎᓚ ᑲᑕ ᑭᑐᐗᒃ ᐋᔭᒥᐁᐎᑲᒥᑯᒃ: ᐌᓴ ᐎᓚᐗᐤ ᓇᒪᐎᓚ ᐃᓕᓇᐗᒃ ᑭᒋ ᐋᔭᒥᒋᒃ; ᒫᑲ ᐃᑕᔓᐗᐗᒃ ᑭᒋ ᐃᑖᒋᒃ ᓇᓇᐃᑕᒧᐎᓂᒃ, ᐁ ᐃᑗᒪᑲᒃ ᓀᔥᑕ ᐅᓚᔓᐌᐎᓐ᙮

ᐃᐱᓯᔭᓇ 5:33

ᐁᓕᐌᒃ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᑲᑕ ᐃᔑ ᓵᑭᐁᐤ ᐎᐗ ᑖᐱᔅᑯᒡ ᐁ ᐃᔑᓵᑭᐃᑎᓱᑦ: ᓀᔥᑕ ᐃᔅᑴᐤ ᑲᑕ ᔮᒀᒥᓯᐤ ᐁ ᑭᔅᑌᓕᒫᑦ ᐅ ᓈᐯᒪ᙮

ᑯᓚᔑᔭᓇ 3:18

ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗ, ᐁ ᐃᔑ ᐃᑌᓕᒥᑖᒃ ᐅᑎᐯᓕᒋᑫᐤ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔥᑕᒻ ᑎᒧᑎ 6:1

ᐁᑯᔑ ᐊᓂᑭ ᐊᑑᔅᑫᓛᑲᓇᒃ ᑳ ᑎᐯᓕᒫᑲᓂᐎᒋᒃ, ᑲᑕ ᐃᑕᑭᒣᐗᑳ ᑎᐱᓚᐌ ᐅᑦ ᐅᑭᒫᒥᐗᐗ ᐁ ᑌᐸᑫᓕᑖᑯᓯᓕᑭ ᒥᓯᐌ ᐃᔑ ᑭᒋ ᑭᔅᑌᓕᒫᑲᓂᐎᓕᒋ, ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᓀᔥᑕ ᐅ ᑭᔅᑭᓄᐊᒫᑫᐎᓐ ᐁᑳ ᑭᒋ ᒪᒋ ᐋᓕᒧᒋᑳᑌᓕᒃ᙮

ᑕᐃᑕᔅ 2:4

ᑭᒋ ᑭᔅᑭᓄᐊᒪᐙᒋᒃ ᐅᔥᑭᓂᑭᔅᑴᐗ ᑭᒋ ᐯᑳᒡ ᐃᑖᑎᓯᒋᒃ, ᑭᒋ ᓵᑭᐋᒋᒃ ᐅ ᓈᐯᒥᐗᐗ, ᑭᒋ ᓵᑭᐋᒋᒃ ᐅᑦ ᐊᐙᔑᒥᔑᐗᐗ᙮