ᑕᐃᑕᔅ 2:2 - ᐅᔅᑭ ᑎᔅᑌᒥᓐᑦ

² ᑭᔐᓕᓕᐗᒃ ᑭᒋ ᐯᑳᒡ ᐃᑖᑎᓯᒋᒃ, ᓕᑆᑳᒋᒃ, ᑖᐱᑕᐙᑎᓯᒋᒃ, ᒪᔥᑲᐎᓯᒋᒃ ᑖᐺᔦᓕᑕᒧᐎᓂᒃ, ᓵᑭᐃᐌᐎᓂᒃ, ᔑᐱᓚᐌᓯᐎᓂᒃ᙮

ᑕᐃᑕᔅ 2:2 Iomraidhean Croise

ᐅᐸᓓᑭᔅ ᒫᕐᒃ 5:15

ᐯᒋ ᓈᑌᐗᒃ ᒫᑲ ᒋᓴᓴ, ᐙᐸᒣᐗᒃ ᒫᑲ ᐊᓂᐃ ᑳ ᑮ ᐱᒋᔅᑳᑯᓕᒋ ᒪᒋ ᐊᒑᑾ, ᓀᔥᑕ ᑳ ᑮ ᐋᔭᐙᓕᒋ ᐊᓂᐃ ᓕᒋᔭᓇ, ᐁ ᐊᐱᓕᒋ, ᐁ ᐎᓛᒋᑲᓂᓕᒋ, ᓀᔥᑕ ᐁ ᒀᔭᔅᑯ ᒥᑐᓀᓕᒋᑲᓂᓕᒋ; ᑮ ᓭᑭᓯᐗᒃ ᒫᑲ᙮

ᐅᐸᓓᑭᔅ ᓘᒃ 8:35

ᐁᑯ ᐌᓚᐎᒋᒃ ᑭᒋ ᐙᐸᑕᑭᒃ ᑫᒀᓕᐤ ᑳ ᑐᒋᑳᑌᓕᒃ; ᑮ ᐯᒋ ᓈᑌᐗᒃ ᒫᑲ ᒋᓴᓴ, ᑮ ᒥᔅᑲᐌᐗᒃ ᒫᑲ ᐊᓂᐃ ᐃᓕᓕᐗ ᒪᒋ ᐊᒑᑾ ᑳ ᑭ ᐗᓚᐎᔅᑳᑯᓕᒋ, ᐁ ᐊᐱᓕᒋ ᒋᓴᓴ ᐅᓯᑎᓕᒃ ᐁ ᐎᓛᒋᑲᓂᓕᒋ, ᓀᔥᑕ ᐁ ᒀᔭᔅᑯ ᒥᑐᓀᓕᒋᑲᓂᓕᒋ: ᑮ ᓭᑭᓯᐗᒃ ᒫᑲ᙮

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 15:34

ᑯᔅᑯᓯᒃ ᒀᔭᔅᑭᑖᑎᓯᐎᓂᒃ ᐃᔑ, ᐁᑳ ᒫᑲ ᒪᒋᑐᑕᒧᒃ; ᐌᓴ ᐋᑎᑦ ᓇᒪᐎᓚ ᑭᔅᑫᓕᒣᐗᒃ ᑭᒋᒪᓂᑐᐗ: ᐅᒪ ᓂᑦ ᐃᑣᓐ ᑭᒋ ᐅᒋ ᓇᓀᐯᐎᓯᔦᒃ᙮

ᓂᔥᑕᒻ ᑯᕆᓐᑎᐊᓇ 9:25

ᓀᔥᑕ ᒥᓯᐌ ᑕᑐ ᐊᐌᓇ ᑳ ᑯᒋᐸᔅᑭᓛᑫᑦ ᒥᓯᐌ ᑫᒀᓕᐤ ᐯᑳᒡ ᐊᐸᒋᑕᐤ᙮ ᐎᓚᐗᐤ ᒫᑲ ᑐᑕᒶᒃ ᑭᒋ ᐅᑎᓇᑭᒃ ᐸᔅᑭᓚᐌᐎ ᐊᔅᑐᑎᓂᓕᐤ ᑫ ᓂᔑᐗᓈᑕᓂᓕᒃ; ᒫᑲ ᑭᓚᓈᓇᐤ ᐊᓂᒪ ᐁᑳ ᑫ ᓂᔑᐗᓈᑕᒃ᙮

ᓂᔓ ᑯᕆᓐᑎᐊᓇ 5:13

ᐌᓴ ᑮᔥᐱᓐ ᑮᔥᑴᔮᒃ, ᐃᑭᓐ ᑭᒋᒪᓂᑐ ᐅᒋ; ᓀᔥᑕᐱᑯ ᑮᔥᐱᓐ ᓕᑄᑳᔮᒃ ᐃᑭᓐ ᑭᓚᐗᐤ ᐅᒋ᙮

ᑲᓓᔕᐊᓇ 5:23

ᓗᔅᐹᑎᓯᐎᓐ, ᑎᐯᓕᒧᐎᓐ: ᓇᒪᐎᓚ ᐃᑕᑾᓐ ᐅᓚᔓᐌᐎᓐ ᐃᑕ ᐅᐅ ᐁ ᑭᑖᔅᑕᒫᓂᐗᑭ᙮

ᐱᓕᐱᔭᓇ 4:8

ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᓂᔥᑕᒻ ᑌᓴᓗᓂᔭᓇ 5:6

ᐁᐗᑯ ᐅᒋ ᐁᑳᐎᓚ ᓂᐹᑕᐤ, ᑖᐱᔅᑯᒡ ᑯᑕᑭᔭᒃ; ᒫᑲ ᐁᑯᔑ ᐊᔕᐙᐱᑕᐤ ᓀᔥᑕ ᐯᑳᑖᑎᓯᑕᐤ᙮

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔥᑕᒻ ᑎᒧᑎ 1:10

ᑳ ᐱᔑᒀᑎᓯᒋᒃ, ᓀᔥᑕ ᐊᓂᑭ ᐎᒋᐃᓕᓕᐗ ᑳ ᐅᒋ ᐎᓂᐃᑎᓱᒋᒃ, ᐊᓂᑭ ᑳ ᑭᒧᑎᒋᒃ ᐃᓕᓕᐗ, ᐅᑭᓛᔅᑭᔅᑲᒃ, ᐊᓂᑭ ᑳ ᑭᓛᔅᑭᐋᒋᒧᒋᒃ, ᓀᔥᑕ ᑮᔥᐱᓐ ᐁᑕᑾᓄᑴ ᑯᑕᒃ ᑫᒀᓐ ᑳ ᓇᔅᐹᓯᓈᑾᒃ ᑖᐺᐎ ᑭᔅᑭᓄᐊᒫᑫᐎᓂᒃ:

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᓂᔥᑕᒻ ᑎᒧᑎ 1:2

ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 3:4

ᐊᐌᓇ ᒀᔭᔉ ᑳ ᑎᐯᓕᑕᒃ ᑎᐱᓚᐌ ᐎᑭ, ᐁ ᑎᐯᓕᒫᑦ ᐅᑦ ᐊᐙᔑᒥᔕ ᒥᓯᐌ ᓕᑆᑳᐙᑎᓯᐎᓂᒃ;

ᓂᔥᑕᒻ ᑎᒧᑎ 3:8

ᑖᐱᔅᑯᒡ ᓀᔥᑕ ᑫᒋᓈᔥ ᐋᔭᒥᐁᐎᑭᒪᐗᒃ ᑲᑕ ᓕᑆᑲᐗᒃ, ᐁᑳ ᐁ ᓂᔓᑌᓕᓕᒋᒃ, ᐁᑳ ᒥᔅᑕᐃ ᐁ ᒥᓂᑴᒋᒃ ᔓᒥᓈᐳᓕᐤ, ᐁᑳ ᐁ ᓵᑭᐋᒋᒃ ᔔᓕᐋᓇ;

ᓂᔥᑕᒻ ᑎᒧᑎ 5:1

ᐁᑳᐎᓚ ᑭᑐᔥ ᑳ ᓂᑳᓀᓕᑖᑯᓯᑦ, ᒫᑲ ᓇᑐᑕᒪᐤ ᑖᐱᔅᑯᒡ ᑯᑖᐎ, ᓀᔥᑕ ᐅᔥᑭᓂᑭᐗᒃ ᑖᐱᔅᑯᒡ ᑭᒋᔖᓇᒃ;

ᑕᐃᑕᔅ 1:13

ᑖᐺᒪᑲᓐ ᐅᒪ ᑎᐹᒋᒧᐎᓐ᙮ ᐁᐗᑯ ᐅᒋ ᓱᑲ ᑭᑐᑎᒃ, ᑭᒋ ᒪᔥᑲᐎᓯᒋᒃ ᑖᐺᔦᓕᑕᒧᐎᓂᒃ;

ᑕᐃᑕᔅ 1:8

ᒫᑲ ᐁ ᑭᔐᐙᑐᑕᐙᑦ ᒫᓐᑌᐗ, ᐁ ᓵᑭᐋᑦ ᑳ ᒥᓗᑣᓕᒋ, ᐁ ᐯᑳᒡ ᐃᑖᑎᓰᑦ, ᐁ ᒀᔭᔅᑭᑎᑦ, ᐁ ᐸᓓᑭᓯᑦ, ᐁ ᑖᐱᑕᐙᑎᓰᑦ:

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᐹᐃᓕᒪᓐ 1:9

ᐁᓕᐌᒃ ᒫᑲ ᓵᑭᐃᐌᐎᓐ ᐅᒋ, ᓇᐗᒡ ᑭ ᐸᑯᓭᓕᒥᑎᓐ, ᐁ ᐋᐎᔮᓐ ᐊᓇ ᐹᓪ ᑳ ᑫᑌᔮᑎᓰᑦ, ᐊᓄᒡ ᓀᔥᑕ ᐅ ᑭᐸᐙᑲᓇ ᒋᓴᔅ ᙭᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔓ ᐱᑕᕐ 1:6

ᓀᔥᑕ ᑭᔅᑫᓕᑕᒧᐎᓂᒃ, ᐯᑳᒡ ᐃᑖᑎᓯᐎᓐ; ᓀᔥᑕ ᐯᑳᒡ ᐃᑖᑎᓯᐎᓂᒃ, ᔑᐱᓚᐌᓯᐎᓐ; ᓀᔥᑕ ᔑᐱᓚᐌᓯᐎᓂᒃ, ᒪᓂᑐᐙᑎᓯᐎᓐ;