ᑕᐃᑕᔅ 2:13 - ᐅᔅᑭ ᑎᔅᑌᒥᓐᑦ

¹³ ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᑕᐃᑕᔅ 2:13 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐊᐸᔅᑕᓚᒃ 24:15

ᓀᔥᑕ ᓂᑦ ᐊᔅᐯᓕᒧᑐᑕᐗᐤ ᑭᒋᒪᓂᑐ, ᐎᓚᐗᐤ ᓀᔥᑕ ᑳ ᑲᓇᐌᓕᑕᑭᒃ, ᑭᒋ ᐗᓂᔥᑳᒋᒃ ᐅᓂᐱᐗᒃ, ᑖᐱᔅᑯᒡ ᐊᓂᑭ ᑳ ᒀᔭᔅᑭᑎᒋᒃ ᓀᔥᑕ ᐁᑳ ᑳ ᒀᔭᔅᑭᑎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:18

ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 1:7

ᑳ ᐅᒋ ᐁᑳ ᓈᓐᑕᐤ ᒥᓕᐌᐎᓐ ᐁ ᓄᑌᐸᓕᔦᒃ; ᐁ ᐊᔕᐙᐸᑕᒬᒃ ᐅ ᑕᑯᔑᓄᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 3:4

ᐃᔅᐱ ᙭, ᐁᐗᑯ ᑭ ᐱᒫᑎᓯᐎᓂᓇᐤ ᓄᑯᓯᑌ, ᐁᑯ ᓀᔥᑕ ᑭᓚᐗᐤ ᑫ ᐎᒋᓄᑯᓯᒣᒃ ᒪᓂᑐᐙᔅᑌᐎᓂᒃ᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔓ ᑌᓴᓗᓂᔭᓇ 2:8

ᐁᑯ ᒫᑲ ᐊᓇ ᒣᒋᑣᑦ ᑫ ᓄᑯᓯᑦ, ᑫ ᐃᔅᑾᓱᑯᑦ ᐅᑎᐯᓕᒋᑫᐗ ᐅ ᓓᓓᐎᓐ ᐅᑐᓂᓕᒃ ᐅᒋ, ᓀᔥᑕ ᑫ ᓂᔑᐗᓈᒋᐃᑯᑦ ᐁᔅᐱᒋ ᐙᓯᓱᓕᒋ ᑕᑯᔑᓂᓕᑌ:

ᓂᔥᑕᒻ ᑎᒧᑎ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᐅᑲᑫᔅᑴᐎᓐ ᐅᒋ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᓀᔥᑕ ᐅᑎᐯᓕᑫᐤ ᒋᓴᔅ ᙭, ᐁᐗᑯ ᑭᑦ ᐊᔅᐯᓕᒧᐎᓂᓇᐤ᙮

ᓂᔓ ᑎᒧᑎ 1:2

ᑎᒧᑎ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐊᒃ ᓂᑯᓯᔅ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᙭ ᒋᓴᔅ ᑭ ᑎᐯᓕᒋᑫᒥᓇᐤ᙮

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᑕᐃᑕᔅ 1:4

ᐁ ᒪᓯᓇᐊᒪᐗᒃ ᑕᐃᑕᔅ, ᑎᐱᓚᐌ ᓂᑯᓯᔅ, ᒥᓯᐌ ᐃᔑ ᑖᐺᔦᓕᑕᒧᐎᓂᒃ: ᑭᔐᐙᑎᓯᐎᓐ ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑕᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭ ᑭ ᐱᒫᒋᐃᐌᒥᓇᐤ᙮

ᑕᐃᑕᔅ 3:4

ᒫᑲ ᐃᔅᐱ ᐁ ᐃᔑ ᑭᔐᐙᑐᑕᐙᑦ ᓀᔥᑕ ᓵᑭᐋᑦ ᐃᓕᓕᐗ ᑭᒋᒪᓂᑐ ᑭ ᐱᒫᒋᐃᐌᒥᓇᐤ ᑮ ᓄᑾᓂᓕᐤ;

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 1:7

ᐁ ᑲᑴᒋᑖᓂᐗᒃ ᑭ ᑖᐺᔦᓕᑕᒧᐎᓂᐗᐤ, ᐊᐙᓯᑌ ᐁ ᑭᔅᑕᑭᑖᑾᒃ ᐃᔥᐱᔥ ᐅᓵᐎᔔᓕᐋᓈᐱᔉ ᑳ ᓂᔑᐗᓈᑕᒃ, ᐋᑕ ᐃᔥᑯᑌᒃ ᐁ ᑮ ᑯᒋᑖᓂᐗᒃ, ᑭᒋ ᒥᔅᑭᑳᑌᒃ ᑭᒋ ᐅᒋ ᒫᒪᑕᑯᒥᑲᐎᔦᒃ, ᓀᔥᑕ ᑭᔅᑌᓕᒥᑲᐎᔦᒃ, ᓀᔥᑕ ᑭᔅᑌᓕᑖᑯᐃᑲᐎᔦᒃ ᐯᒋ ᓄᑯᓯᑌ ᒋᓴᔅ ᙭;

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᒎᑦ 1:21

ᑲᓇᐌᓕᒥᑎᓱᒃ ᑭᒋᒪᓂᑐ ᐅ ᓵᑭᐃᐌᐎᓂᒃ, ᐁ ᐊᔕᐙᐸᑕᒬᒃ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑳᑭᑫ ᐱᒫᑎᓯᐎᓂᒃ ᐃᔑ᙮

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮