ᑕᐃᑕᔅ 2:11 - ᐅᔅᑭ ᑎᔅᑌᒥᓐᑦ

¹¹ ᐌᓴ ᐅ ᔕᐌᓕᒋᑫᐎᓐ ᑭᒋᒪᓂᑐ, ᑳ ᐯᑕᒧᒪᑲᒃ ᐱᒫᒋᐃᐌᐎᓐ, ᑮ ᓄᑯᓯᔅᑖᑯᐗᒃ ᒥᓯᐌ ᐃᓕᓕᐗᒃ,

ᑕᐃᑕᔅ 2:11 Iomraidhean Croise

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᕐᒃ 16:15

ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 3:6

ᒥᓯᐌ ᒫᑲ ᑳ ᐎᔮᓯᒋᒃ ᑲᑕ ᐙᐸᑕᒬᐗᒃ ᑭᒋᒪᓂᑐᐗ ᐅ ᐱᒫᒋᐃᐌᐎᓂᓕᐤ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:9

ᐁᐗᒀᓂᒪ ᑖᐺ ᐙᔅᑌᐎᓐ, ᑳ ᐙᔅᑌᓇᒫᑯᑦ ᒥᓯᐌ ᑕᑐ ᐃᓕᓕᐤ ᑳ ᐯᒋ ᐃᑐᑌᑦ ᐅᑕ ᐊᔅᑮᒃ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐊᐸᔅᑕᓚᒃ 13:43

ᐃᔅᐱ ᒫᑲ ᐊᓂᑭ ᑳ ᒫᐗᒋᐃᑐᒋᒃ ᑳ ᑭᑐᑌᒋᒃ, ᒥᒉᑦ ᐊᓂᑭ ᒎᐗᒃ ᓀᔥᑕ ᑳ ᐋᔭᒥᐁᐗᑎᓯᐎ ᐅᑴᔅᑳᑎᓴᒃ ᑮ ᓄᓱᓀᐌᐗᒃ ᐹᓚ ᓀᔥᑕ ᐹᕐᓇᐸᓴ; ᐊᓂᐃ, ᐁ ᐋᔭᒥᐃᑯᒋᒃ ᑮ ᔑᑭᒥᑯᐗᒃ ᑭᒋ ᐄᑖᒋᒃ ᑭᒋᒪᓂᑐᐗ ᐅ ᔓᐌᓂᒋᑫᐎᓂᓕᒃ᙮

ᐊᐸᔅᑕᓚᒃ 13:47

ᐌᓴ ᐁᑯ ᑳ ᐃᔑ ᐅᓚᔓᐗᔑᔭᒥᑦ ᐅᑎᐯᓕᒋᑫᐤ, ᐁ ᐃᑗᑦ, ᑭ ᑮ ᐸᑭᑎᓂᑎᓐ ᑭᒋ ᐙᔅᑌᓇᒪᐗᒋᒃ ᒉᓐᑖᐃᓚᒃ, ᑭᓚ ᑭᒋ ᐱᒫᒋᐃᐌᐎᓂᐎᔭᓐ ᐁᔅᑾᔅᑲᒥᑳᒃ ᐃᔅᑯ᙮

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:15

ᒫᑲ ᓇᒪᐎᓚ ᑖᐱᔅᑯᒡ ᐗᓂᑐᑕᒧᐎᓐ ᐁ ᐃᔑᓈᑾᒃ ᐊᓂᒪ ᒧᔐ ᒥᓕᐌᐎᓐ᙮ ᐌᓴ ᑮᔥᐱᓐ ᐯᔭᒃ ᐅ ᐗᓂᑐᑕᒧᐎᓐ ᐅᒋ ᒥᒉᑦ ᓀᐱᒋᒃ, ᐋᓕᐙᒃ ᐊᐙᓯᑌ ᐅ ᔕᐌᓕᒋᑫᐎᐧᓐ ᑭᒋᒪᓂᑐ, ᓀᔥᑕ ᐊᓂᒪ ᒥᓕᐌᐎᓐ ᔕᐌᓕᒋᑫᐎᓂᒃ ᑳ ᐅᒋᐸᓕᒃ, ᐊᓂᒪ ᐯᔭᒃ ᐃᓕᓕᐤ ᑳ ᐅᒋ ᑕᑾᒃ, ᑮ ᑌᐱᐸᓕᐃᑯᐗᒃ ᒥᒉᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᑲᓓᔕᐊᓇ 2:21

ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᓂᔥᑕᒻ ᑎᒧᑎ 2:4

ᐊᓇ ᑳ ᓇᑕᐌᓕᒫᑦ ᒥᓯᐌ ᐃᓕᓕᐗ ᑭᒋ ᐱᒫᒋᐋᑲᓂᐎᓕᒋ, ᓀᔥᑕ ᑭᒋ ᐯᒋ ᑭᔅᑫᓕᑕᒥᓕᒋ ᑖᐺᐎᓂᓕᐤ᙮

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᐦᐃᑉᕉᐗ 12:15

ᐁ ᑭᓯᓴᐎᓯᐎ ᐊᔕᐙᐱᔦᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐸᑭᔑᒃ ᐅ ᔕᐌᓕᒋᑫᐎᓂᓕᐤ ᑭᒋᒪᓂᑐᐗ ᐅᒋ; ᐁᑳ ᐁ ᐅᒉᐱᑭᐗᒃ ᐎᓴᑯᐅᐌᐎᓐ ᐁ ᓵᑭᑭᒃ ᑭᒋ ᒥᑯᔥᑳᒋᐃᑯᔦᒃ, ᑫ ᐅᒋ ᐎᓂᐅᒋᒃ ᑳ ᒥᒉᑎᑭᒃ;

ᐦᐃᑉᕉᐗ 2:9

ᒫᑲ ᑭ ᐙᐸᒫᓇᐤ ᒋᓴᔅ, ᐊᓇ ᐋᐱᔑᔥ ᑳ ᑮ ᑖᐸᑌᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ ᑭᒋ ᐎᓴᑫᓕᑕᒃ ᓂᐱᐎᓂᓕᐤ, ᐁ ᐳᔅᑕᔅᑐᑎᓂᐋᑲᓂᐎᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ; ᐎᓚ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ ᑭᒋ ᑯᒋᔅᑕᒪᐙᑦ ᓂᐱᐎᓂᓕᐤ ᒥᓯᐌ ᑕᑐ ᐃᓕᓕᐗ᙮