ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:3 - ᐅᔅᑭ ᑎᔅᑌᒥᓐᑦ

³ ᓇᒪ ᓈ ᑭ ᑭᔅᑫᓕᑌᓇᐗᐤ ᒥᓯᐌ ᐁ ᐃᑕᔑᔭᒡ ᒋᓴᔅ ᙭ᑎᒃ ᐁ ᑮ ᓯᑲᐋᑕᑲᐎᔭᒃ ᑭ ᑮ ᓯᑲᐋᑖᑲᐎᓈᓇᐤ ᐅ ᓂᐱᐎᓂᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:3 Iomraidhean Croise

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐊᐸᔅᑕᓚᒃ 19:5

ᐃᔅᐱ ᒫᑲ ᐅᒣᓕᐤ ᑳ ᐯᑕᑭᒃ, ᑮ ᓯᑲᐊᑕᐙᑲᓂᐎᐗᒃ ᐅᑦ ᐃᔑᓂᑳᓱᐎᓂᓕᒃ ᐅᑎᐯᓕᒋᑫᐗ ᒋᓴᔅ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 8:16

(ᐌᓴ ᓇᒪᐎᓚ ᐁᔥᑾ ᐅᒋ ᐅᑎᑎᑯᐗᒃ ᐊᐌᓂᑳᓇᒃ ᐁ ᐃᑕᔑᒋᒃ: ᐱᑯ ᐁ ᑮ ᓯᑲᐊᑕᐙᑲᓂᐎᒋᒃ ᐅᑦ ᐃᔑᓂᒫᓱᐎᓂᓕᒃ ᐅᑎᐯᓕᒋᑫᐤ ᒋᓴᔅ᙮)

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:16

ᓇᒪ ᓈ ᑭ ᑭᔅᑫᓕᑌᓇᑄᐤ, ᐊᓇ ᑳ ᐃᔑ ᐸᑭᑎᓂᑎᓱᔦᒃ ᐁ ᐅᑦ ᐊᑑᔅᑫᓛᑲᓂᒥᑖᒃ ᑭᒋ ᓇᓇᐃᑕᐌᒃ, ᐁᐗᒀᓇ ᑳ ᐅᑦ ᐊᑑᔅᑫᓛᑲᓂᒥᑖᒃ ᑳ ᓇᓇᐃᑕᐌᒃ; ᑮᔥᐱᓐ ᒪᒋᑣᐎᓐ ᓂᐱᐎᓂᒃ ᐃᔑ, ᓀᔥᑕᐱᑯ ᓇᓇᐃᑕᒧᐎᓐ ᒀᔭᔅᑭᑖᑎᓯᐎᓂᒡ ᐃᔑ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:8

ᑮᔥᐱᓐ ᒫᑲ ᑭ ᐎᒋᓂᐱᒪᒃ ᙭, ᑭ ᑖᐺᑌᓈᓇᐤ ᐊᓯᒋ ᓀᔥᑕ ᑭᒋ ᐎᒋᐱᒫᑎᓯᒪᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:1

ᓇᒪ ᓈ ᑭ ᑭᔅᑫᓕᑌᓇᐗᐤ, ᓂᒋᔖᓂᑐᒃ, ᐌᓴ ᓂᑦ ᐋᔭᒥᐋᐗᒃ ᐊᓂᑭ ᑳ ᑭᔅᑫᓕᑕᑭᒃ ᐅᓚᔓᐌᐎᓂᓕᐤ, ᐅᓚᔓᐌᐎᓂᓕᐤ ᐁ ᑎᐯᓕᒥᑯᑦ ᐃᓕᓕᐤ ᐃᔥᐱᔥ ᐁ ᐱᒫᑎᓰᑦ?

ᓂᔥᑕᒻ ᑯᕆᓐᑎᐊᓇ 10:2

ᒥᓯᐌ ᐁ ᐃᑕᓯᒋᒃ ᒫᑲ ᐁ ᑮ ᓯᑲᐋᑕᐙᑲᓂᐎᒋᒃ ᒧᓯᓴ ᐅᑦ ᐋᔭᒥᐋᐎᓂᓕᒃ ᐗᔅᑯᒃ ᓀᔥᑕ ᑭᒋᑲᒦᒃ;

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 15:29

ᑖᓂ ᒫᑲ ᑫ ᑐᑕᑭᒃ ᐊᓂᑭ ᑳ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ, ᑮᔥᐱᓐ ᐁᑳ ᐗᓂᔥᑳᓂᑡᐌ ᐅᓂᐱᐗ? ᑖᓂᑭ ᒫᑲ ᐌᒋ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ?

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 5:6

ᑭ ᒫᒪᑖᑯᒧᐎᓂᐗᐤ ᓇᒪᐎᓚ ᒥᓨᔑᓐ, ᓇᒪ ᓈ ᑭ ᑭᔅᑫᓕᑌᓇᐗᐤ ᒫᓐᔑᔥ ᐅᐱᓯᑲᓐ ᒥᓯᐌ ᐁ ᐅᐱᓯᑫᒪᑲᒃ?

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔥᑕᒻ ᑯᕆᓐᑎᐊᓇ 9:13

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓂᑭ ᑳ ᐋᔭᒥᐋᐎ ᓄᒋᑖᒋᒃ ᐸᓓᑭ ᑫᒀᓇ ᐁ ᐅᒋ ᐱᒫᑎᓯᒋᒃ ᐋᔭᒥᐁᐎᑲᒥᑯᒃ ᑳ ᐃᑕᑾᓂᓕᑭ? ᐊᓂᑭ ᓀᔥᑕ ᑳ ᐋᐸᑎᓯᒋᒃ ᐸᑭᒋᑲᓈᐱᔅᑯᒃ ᐁ ᐋᔮᒋᒃ ᐸᔅᑭ ᑳ ᐸᑭᑎᓂᑳᑌᓕᒃ ᐸᑭᒋᑲᓈᐱᔅᑯᒃ?

ᓂᔥᑕᒻ ᑯᕆᓐᑎᐊᓇ 9:24

ᓇᒪ ᓈ ᑭ ᑭᔅᑫᓕᑌᓇᐗᐤ, ᐊᓂᑭ ᑳ ᑲᑴᒋᔅᑲᑎᑐᒋᒃ, ᒥᓯᐌ ᐱᒥᐸᐗᒃ, ᐯᔭᒃ ᒫᑲ ᐱᑯ ᐅᑎᓇᒻ ᐸᔅᑭᓚᐌᐎ ᑎᐸᐊᒫᑯᓯᐎᓂᓕᐤ? ᐁᑯ ᐃᔑ ᐱᒥᐸᑖᒃ, ᑭᒋ ᑮ ᐅᑎᓇᒣᒃ᙮

ᓂᔓ ᑯᕆᓐᑎᐊᓇ 13:5

ᓇᓇᑕᐎᑭᔅᑫᓕᒥᑎᓱᒃ, ᑮᔥᐱᓐ ᑖᐺ ᑖᐺᔦᓕᑕᒧᐎᓂᒃ ᐁᑖᐌᑴ; ᑲᑴᒋᐃᑎᓱᒃ᙮ ᓇᒪ ᓈ ᑭ ᑭᔅᑫᓕᑌᓇᐗᐤ ᑭᓚᐗᐤ ᑫᒋᐙᒃ ᐁ ᐱᒋᔅᑳᑖᒃ ᒋᓴᔅ ᙭, ᑮᔥᐱᓐ ᐁᑳ ᐎᐁᐱᓂᑲᓂᐎᐌᑴ?

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭: