ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:4 - ᐅᔅᑭ ᑎᔅᑌᒥᓐᑦ

⁴ ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᐁᑯᔑ ᑭᒋᒪᓂᑐ ᑲᑕ ᑖᐺᐤ, ᒫᑲ ᒥᓯᐌ ᑕᑐ ᐃᓕᓕᐤ ᑲᑕ ᑭᓛᔅᑭᐤ: ᒬᒋ ᐁ ᐃᑕᓯᓇᐃᑳᑌᒃ, ᑭᒋ ᒀᔭᔅᑭᑖᑎᓯᐃᑳᐎᔭᓐ ᑭᑦ ᐋᔭᒥᐎᓂᒃ, ᓀᔥᑕ ᑭᒋ ᔖᑯᒋᐃᐌᔭᓐ ᐃᔅᐱ ᑎᐹᔅᑯᓂᑲᐎᔭᓀ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:4 Iomraidhean Croise

ᐅᐸᓓᑭᔅ ᒫᑎᐤ 11:19

ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᐁ ᒥᒋᓱᑦ ᓀᔥᑕ ᐁ ᒥᓂᑴᑦ, ᐃᑗᐗᒃ ᒫᑲ, ᒫᑎᑲ, ᐃᓕᓕᐤ ᐁ ᐅᑳᔑᑭᒥᑦ ᓀᔥᑕ ᑳ ᓂᑖᒥᓂᑴᑦ, ᑳ ᐅᑐᑌᒥᒫᑦ ᐸᑉᓕᑳᓇ ᓀᔥᑕ ᐅᒪᒋᑣᐗ᙮ ᒫᑲ ᑲᑫᑕᐌᓕᑕᒧᐎᓐ ᐱᔑᒋᑖᑯ ᐅᑦ ᐊᐙᔑᒥᔕ᙮

ᐅᐸᓓᑭᔅ ᓘᒃ 20:16

ᑲᑕ ᐯᒋ ᓂᔑᐗᓈᒋᐁᐤ ᐅᐅ ᐅᓂᑖᐎᑭᒋᑫᐗ, ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᓕᐤ ᑯᑕᑭᔭ ᑲᑕ ᒥᓓᐤ᙮ ᐃᔅᐱ ᒫᑲ ᐱᐁᑕᑭᒃ, ᑮ ᐃᑗᐗᒃ, ᓇᒪᐎᓚ ᑲᑕ ᐎ ᐃᑭᓐ᙮

ᐅᐸᓓᑭᔅ ᒑᓐ 3:33

ᐊᓇ ᑳ ᑮ ᐅᑎᓇᒸᑦ ᐅ ᑎᐹᒋᒧᐎᓂᓕᐤ ᓱᑲᔅᑕᐤ ᑭᒋᒪᓂᑐᐗ ᐁ ᑖᐺᐎᓂᐎᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:1

ᓂᑦ ᐃᑣᓐ ᒫᑲ, ᑭᒋᒪᓂᑐ ᓈ ᑮ ᐌᐱᓀᐤ ᐅᑦ ᐃᓕᓕᒪ? ᓇᒪᐎᓚ ᑲᑕ ᐎ ᐃᑭᓐ᙮ ᐌᓴ ᓂᓚ ᓀᔥᑕ ᓂᑦ ᐃᔅᕃᐃᓪᑎᐎᓐ, ᐁᑉᕃᐋᒻ ᐅ ᓯᒥᓇ ᑳ ᐅᒋᔮᓐ, ᐁ ᐗᓂᔅᑫ ᐅᑦ ᐊᐙᔑᒥᔑᑦ ᐯᓐᒋᒥᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:11

ᓂᑦ ᐃᑣᓐ ᒫᑲ, ᑮ ᐱᔓᓯᓋᒃ ᓈ ᑭᒋ ᐸᑭᔑᑭᒃ? ᓇᒪᐎᓚ ᑲᑕ ᐎ ᐃᑭᓐ: ᒫᑲ ᐊᐙᓯᑌ ᐅ ᐸᑭᔑᓂᐎᓂᐗᐤ ᐅᒋ ᐱᒫᒋᐃᐌᐎᓂᓕᐤ ᑮ ᐅᑎᑎᑯᐗᒃ ᒉᓐᑖᐃᓚᒃ, ᑭᒋ ᐅᒋ ᐅᑌᓕᑕᒥᐋᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:31

ᓂᑦ ᐋᑕᐌᓕᑕᒥᑖᓈᓐ ᓈ ᐅᓚᔓᐌᐎᓐ ᑖᐺᔦᓕᑕᒧᐎᓂᒡ ᐅᒋ? ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᓂᑦ ᐊᔭᒋᑳᐸᐎᑖᓈᓐ ᐅᓚᔓᐌᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:15

ᑫᒀᓐ ᒫᑲ? ᑭ ᑳ ᒪᒋᑐᑌᓈᓇᐤ ᓈ ᐁᑳ ᐁ ᐃᑖᔭᒃ ᐅᓚᔓᐌᐎᓂᒃ ᒫᑲ ᔕᐌᓕᒋᑫᐎᓂᒃ? ᓇᒪᐎᓚ ᑲᑕ ᐎ ᐃᑭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:2

ᓇᒪᐎᓚ ᑲᑕ ᐎ ᐃᑭᓐ᙮ ᑭᓚᓈᓇᐤ ᑳ ᓂᐱᔭᒃ ᒪᒋᑣᐎᓂᒃ ᐅᒋ, ᑖᓂ ᑫ ᐃᔑ ᐱᒫᑎᓯᔭᒃ ᐁᑯᑕ ᑭᔮᐸᒡ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:13

ᐊᓂᒪ ᒫᑲ ᑳ ᒥᓨᔑᒃ ᓂ ᑮ ᓂᐹᐃᑯᓐ ᓈ? ᓇᒪᐎᓚ ᑲᑕ ᐎ ᐃᑭᓐ᙮ ᒫᑲ ᒪᒋᑣᐎᓐ, ᑭᒋ ᓄᑾᒃ ᐁ ᒪᒋᑣᐎᓂᐗᒃ, ᐁ ᓂᐹᐃᑯᔮᓐ ᐊᓂᒪ ᑳ ᒥᓨᔑᒃ ᐅᒋ; ᒪᒋᑣᐎᓐ ᑲᑫᔅᑴᐎᓂᒃ ᐅᒋ ᑭᒋ ᓄᑾᒃ ᓈᔅᐱᒡ ᐁ ᒪᒋᑣᒪᑲᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:7

ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:14

ᑫᒀᓐ ᒫᑲ ᑫ ᐃᑗᔭᒃ? ᐋᔭᐤ ᓈ ᒪᒑᑎᓯᐎᓂᓕᐤ ᑭᒋᒪᓂᑐ? ᓇᒪᐎᓚ ᑲᑕ ᐎ ᐃᑭᓐ᙮

ᓂᔥᑕᒻ ᑯᕆᓐᑎᐊᓇ 6:15

ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐙᐗ ᐁ ᐅ ᐸᔅᑫᓯᐎᓂᑦ ᙭? ᓂ ᑳ ᐅᑎᓇᒸᓐ ᓈ ᐅ ᐸᔅᑫᓯᐎᓇ ᙭, ᑭᒋ ᐃᔑᑖᐗᒃ ᑭᒋ ᐅ ᐸᔅᑫᓯᐎᓂᑦ ᐱᔑᒀᑎᔅᑴᐤ? ᓇᒪᐎᓚ ᑲᑕ ᐎ ᐃᑭᓐ᙮

ᓂᔓ ᑯᕆᓐᑎᐊᓇ 1:18

ᒫᑲ ᐁ ᐃᔑ ᑖᐺᐎᓂᐎᑦ ᑭᒋᒪᓂᑐ, ᓂ ᑲᑫᔅᑭᒥᐌᐎᓂᓈᓐ ᑳ ᑮ ᐅᑎᑎᑯᔦᒃ ᓇᒪᐎᓇ ᑮ ᐃᑗᒪᑲᒃ ᐁᐁ ᓀᔥᑕ ᓇᒪᐎᓚ᙮

ᑲᓓᔕᐊᓇ 2:17

ᒫᑲ ᑮᔥᐱᓐ ᒣᒀᒡ ᐁ ᓈᓇᑕᐌᓕᑕᒪᒃ ᑭᒋ ᒀᔭᔅᑭᑕᑎᓯᐃᑕᒃ ᙭, ᑭᓚᓈᓇᐤ ᑫᒋᐙᒃ ᒥᔅᑳᑲᐎᔭᒃ ᐁ ᒪᒋᑣᔭᒃ, ᐁᐗᑯ ᓈ ᐅᒋ ᙭ ᐊᑑᔅᑫᔅᑕᒻ ᒪᒋᑣᐎᓂᓕᐤ? ᓇᒪᐎᓚ ᑲᑕ ᐎ ᐃᑭᓐ᙮

ᑲᓓᔕᐊᓇ 2:21

ᓇᒪᐎᓚ ᓂ ᐸᒋᐸᓕᑕᐙᓐ ᐅ ᔕᐌᓕᒋᑫᐎᓐ ᑭᒋᒪᓂᑐ: ᐌᓴ ᑮᔥᐱᓐ ᐅᓚᔓᐌᐎᓂᒃ ᑮ ᐅᒋᐸᓕᐤ ᒀᔭᔅᑭᑖᑎᓯᐎᓐ, ᐁᑯ ᙭ ᔐᔥᒀᑦ ᑳ ᓂᐱᑦ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ:

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 3:7

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐱᓚᑌᓪᐱᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐸᓓᑭᓯᑦ, ᐊᓇ ᑳ ᑖᐺᐎᑦ, ᐊᓇ ᑳ ᐊᔮᐙᑦ ᑌᐱᑕ ᐅ ᐎᑯᑕᐃᑲᓂᓕᐤ, ᐊᓇ ᑳ ᐹᔅᑭᑌᓇᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᑭᐸᐊᒃ; ᓀᔥᑕ ᑳ ᑭᐸᐊᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᐹᔅᑭᑌᓇᒃ: