ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:28 - ᐅᔅᑭ ᑎᔅᑌᒥᓐᑦ

²⁸ ᐁᐗᑯ ᐅᒋ ᓂᑦ ᐊᑭᑌᓈᓐ ᐃᓕᓕᐤ ᐁ ᒀᔭᔅᑳᑎᓯᐋᑲᓂᐎᑦ ᑖᐺᔦᓕᑕᒧᐎᓂᒃ ᐅᒋ ᐁᑳ ᐁ ᐃᑐᒋᑳᑎᑭ ᐅᓚᔓᐌᐎᓂ ᐊᔨᑎᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:28 Iomraidhean Croise

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:26

ᑭᒋ ᐎᒋᑳᑌᓕᒃ, ᓂᑦ ᐃᑣᓐ, ᐊᓄᒡ ᐅ ᒀᔭᔅᑭᑖᑎᓯᐎᓐ: ᑭᒋ ᑮ ᑾᔭᔅᑭᑎᑦ ᓀᔥᑕ ᑭᒋ ᑮ ᒀᔭᔅᑭᑖᑎᓯᐋᑦ ᐊᓂᐃ ᑳ ᑖᐺᔦᓕᒫᓕᒋ ᒋᓴᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:5

ᒫᑲ ᐊᓇ ᐁᑳ ᑳ ᐊᑑᔅᑫᑦ, ᒫᑲ ᑳ ᑖᐺᔦᓕᒫᑦ ᐊᓂᐃ ᑳ ᒀᔭᔅᑭᑖᑎᓯᐗᓕᒋ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ, ᐎᓚ ᐅ ᑖᐺᔦᓕᑕᒧᐎᓐ ᒀᔭᔅᑭᑖᑎᓯᐎᓐ ᐃᑕᑭᒋᑳᑌᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:1

ᐁᐗᑯ ᐅᒋ ᒫᑲ ᑖᐺᔦᓕᑕᒧᐎᓐ ᐁ ᑮ ᐅᒋ ᒀᔭᔅᑭᑖᑎᓯᐃᑲᐎᔭᒃ, ᑳᔮᒣᓕᑕᒧᐎᓐ ᑭᑦ ᐋᔮᓈᓇᐤ ᑭᒋᒪᓂᑐ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᑲᓓᔕᐊᓇ 2:16

ᐁ ᑭᔅᑫᓕᑕᒪᒃ ᐃᓕᓕᐤ ᐁᑳ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᒫᑲ ᐅ ᑖᐺᔦᓕᒥᑯᓯᐎᓐ ᐅᒋ ᒋᓴᔅ ᙭, ᑭ ᑭ ᑖᐺᔦᓕᒫᓇᐤ ᒋᓴᔅ ᙭; ᑭᒋ ᑮ ᒀᔭᔅᑭᑖᑎᓯᐃᑲᐎᔭᒃ ᐅ ᑖᐺᔦᓕᒥᑯᓯᐎᓐ ᙭ ᐅᒋ, ᓇᒪ ᒫᑲ ᐅᓚᔓᐌᐎᓂ ᐃᔑᒋᑫᐎᓇ ᐅᒋ: ᐌᓴ ᐅᓚᔓᐌᐎᓂ ᐃᔑᒋᑫᐎᓇ ᐅᒋ ᓇᒪᐎᓚ ᐊᐌᓇ ᑲᑕ ᒀᔭᔅᑭᑖᑎᓯᐊᐤ᙮

ᑲᓓᔕᐊᓇ 3:24

ᐅᓚᔓᐌᐎᓐ ᒫᑲ ᑭ ᑮ ᐅ ᑭᔅᑭᓄᐊᒫᑫᒥᓇᐤ ᑭᒋ ᐃᑐᑕᐃᑯᔭᒃ ᙭ᑎᒃ, ᑖᐺᔦᓕᑕᒧᐎᓐ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᐃᐱᓯᔭᓇ 2:9

ᓇᒪᐎᓚ ᐊᑑᔅᑫᐎᓇ ᐅᒋ ᐁᑳᐎᓚ ᐊᐌᓇ ᑭᒋ ᒫᒪᑖᑯᒧᑦ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:18

ᐁᐁ, ᐃᓕᓕᐤ ᑲᑕ ᐃᑗᐤ, ᑭᓚ ᑭᑦ ᐋᔮᓐ ᑖᐺᔦᓕᑕᒧᐎᓐ, ᓂᓚ ᒫᑲ ᓂᑦ ᐋᔮᓐ ᐊᑑᔅᑫᐎᓇ: ᐙᐸᑎᓕᓐ ᑭ ᑖᐺᔦᓕᑕᒧᐎᓐ ᐁᑳ ᑭᑭ ᑭᑦ ᐊᑑᔅᑫᐎᓇ, ᓂᓚ ᒫᑲ ᑭ ᑳ ᐙᐸᑎᓕᑎᓐ ᓂ ᑖᐺᔦᓕᑕᒧᐎᓐ ᓂᑦ ᐊᑑᔅᑫᐎᓇ ᐅᒋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:20

ᒫᑲ ᑭ ᑳ ᑭᔅᑫᓕᑌᓐ, ᐅ ᑭᔥᑴᐎ ᐃᓕᓕᐤ, ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᐁ ᓂᐱᒫᑲᒃ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:24

ᑭ ᐙᐸᑌᓇᐗᐤ ᒫᑲ ᐁ ᐃᔑ ᒀᔭᔅᑭᑖᑎᓯᐃᑯᑦ ᐃᓕᓕᐤ ᐊᑑᔅᑫᐎᓇ, ᓇᒪ ᒫᑲ ᑖᐺᔦᓕᑕᒧᐎᓐ ᐱᑯ᙮