ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7 - ᐅᔅᑭ ᑎᔅᑌᒥᓐᑦ

⁷ ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7 Iomraidhean Croise

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᓘᒃ 21:19

ᐁ ᔑᐱᓚᐌᓯᔦᒃ ᑲᓇᐌᓕᒥᑯᒃ ᑭᑦ ᐊᒑᑯᐙᐗᒃ᙮

ᐅᐸᓓᑭᔅ ᓘᒃ 8:15

ᒫᑲ ᐊᓂᒪ ᒥᓗ ᐊᔅᑮᒃ, ᐁᐗᒀᓂᑭ, ᐁ ᒀᔭᔅᑯᑌᐁᒋᒃ ᓀᔥᑕ ᐁ ᒥᓗᑌᐁᒋᒃ, ᑳ ᐯᑕᑾᐎ ᐋᔭᒥᐎᓂᓕᐤ, ᑲᓇᐌᓕᑕᒶᒃ, ᓀᔥᑕ ᔑᐱᓚᐌᓯᐎᓂᒃ ᒥᓂᔑᐎᐗᒃ᙮

ᐅᐸᓓᑭᔅ ᒑᓐ 4:36

ᐊᓇ ᒫᑲ ᑳ ᒪᓂᔑᑫᑦ ᐅᑎᓇᒻ ᑎᐸᐊᒫᑯᓯᐎᓂᓕᐤ, ᓀᔥᑕ ᒪᐗᒋᑕᐤ ᓂᑖᐎᑭᑖᑲᓇ ᑭᒋ ᐅᒋ ᑳᑭᑫ ᐱᒫᑎᓰᑦ: ᑖᐱᔅᑯᒡ ᐊᓇ ᑳ ᐸᑭᑎᓂᑫᑦ ᓀᔥᑕ ᐊᓇ ᑳ ᒪᓂᔑᑫᑦ ᑭᒋ ᒥᓚᐙᑕᑭᒃ᙮

ᐅᐸᓓᑭᔅ ᒑᓐ 5:44

ᑖᓐᑌ ᑫ ᑮ ᐅᒋ ᑖᐺᑕᒣᒃ, ᑭᓚᐗᐤ ᑳ ᑭᔅᑌᓕᑖᑯᐃᑐᔦᒃ, ᓀᔥᑕ ᐁᑳ ᑳ ᓈᓇᑕᐙᐸᑕᒣᒃ ᐊᓂᒪ ᑭᔅᑌᓕᑖᑯᓯᐎᓐ ᑭᒋᒪᓂᑐᒃ ᐱᑯ ᑳ ᐅᒋᒪᑲᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:10

ᒫᑲ ᑭᔅᑌᓕᑖᑯᓯᐎᓂᓕᐤ, ᑭᔅᑎᓯᐎᓂᓕᐤ, ᓀᔥᑕ ᑳᔮᒣᓕᑕᒧᐎᓂᓕᐤ ᑲᑕ ᐅᑎᑎᑯ ᒥᓯᐌ ᑕᑐ ᐃᓕᓕᐤ ᑳ ᒥᓗᑐᑕᒃ, ᐊᓇ ᑳ ᒎᐎᑦ ᓃᔥᑕᒻ, ᐊᓯᒋ ᓀᔥᑕ ᐊᓇ ᑳ ᒉᓐᑖᐃᓕᐎᑦ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:18

ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:23

ᓀᔥᑕ ᑭᒋ ᐃᔑ ᑭᔅᑫᓕᑖᑯᑖᑦ ᐁ ᐃᔑ ᐌᓗᑕᓂᓕᒃ ᐅ ᑭᔅᑌᓕᑖᑯᓯᐎᓐ ᐊᓂᐃ ᔕᐌᓕᒋᑫᐎ ᐊᓯᐗᒋᑲᓇ, ᓂᑳᓐ ᑳ ᑮ ᐙᐌᔑᑖᑦ ᑭᔅᑌᓕᑖᑯᓯᐎᓂᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 15:42

ᐁᑯ ᓀᔥᑕ ᐅ ᐗᓂᔥᑳᐎᓂᐗᐤ ᐅᓂᐱᐗᒃ᙮ ᐸᑭᑎᓂᑳᑌᐤ ᑭᒋ ᓂᔑᐗᓈᑕᒃ; ᐗᓂᔥᑳᓂᑳᑌᐤ ᐁᑳ ᑭᒋ ᓂᔑᐗᓈᑕᒃ:

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᑲᓓᔕᐊᓇ 6:9

ᐁᑳᐎᓚ ᒫᑲ ᐋᔦᔅᑯᓯᑖᐤ ᐁ ᒥᓗᑐᑖᑫᔭᒃ; ᐌᓴ ᐃᔅᐱ ᓇᐃᐸᓕᑫ ᑭ ᑳ ᒪᐗᒋᒋᑳᓈᓇᐤ, ᐁᑳ ᓄᑌᔑᓂᔮᑫ᙮

ᐃᐱᓯᔭᓇ 6:24

ᔕᐌᓕᒋᑫᐎᓂᓕᐤ ᑲᑕ ᐎ ᐎᒉᐃᑯᐗᒃ ᒥᓯᐌ ᐊᓂᑭ ᑳ ᓵᑭᐋᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ ᑖᐺᐎᓂᒃ᙮ ᐁᒣᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᐦᐃᑉᕉᐗ 2:7

ᐋᐱᔑᔥ ᑭ ᑮ ᑕᐸᑌᓂᑖᑯᐊᐤ ᐃᔥᐱᔥ ᐁᓐᒐᓚ; ᑭ ᑮ ᐳᔅᑕᔅᑐᑎᓂᐊᐤ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ, ᓀᔥᑕ ᑭ ᑮ ᑎᐯᓕᑕᒥᐊᐤ ᐊᓂᐃ ᑭᒋᒋᔭ ᑳ ᑮ ᐅᒋ ᐅᔑᑖᔭᓐ:

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᐦᐃᑉᕉᐗ 6:15

ᐁᑯᔑ ᒫᑲ, ᐃᔅᐱ ᑳ ᑮ ᔑᐱᓚᐌᓯᐎ ᔑᐯᓕᑕᒃ, ᑮ ᒥᓚᐤ ᐊᔓᑕᒫᑫᐎᓂᓕᐤ᙮

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮