ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16 - ᐅᔅᑭ ᑎᔅᑌᒥᓐᑦ

¹⁶ ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᓘᒃ 8:17

ᐌᓴ ᓇᒪᐎᓚ ᑫᒀᓐ ᑮᒧᒡ ᐃᑕᑾᓐ ᐁᑳ ᑫ ᓄᑯᑖᓂᐗᒃ: ᓇᒪ ᓀᔥᑕ ᑫᒀᓐ ᑳᑖᓂᐗᓐ ᐁᑳ ᑫ ᑭᔅᑫᓕᑖᑾᒃ ᓀᔥᑕ ᑫ ᐋᔨᐋᓕᒧᒋᑳᑌᒃ᙮

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐊᐸᔅᑕᓚᒃ 10:42

ᓂ ᑮ ᐅᓚᔓᐗᑎᑯᓈᓐ ᒫᑲ ᑭᒋ ᑲᑫᔅᑭᒪᑭᒋᒃ ᐃᓕᓕᐗᒃ, ᓀᔥᑕ ᑭᒋ ᑎᐹᑐᑕᒫᒃ ᐎᓚ ᐁᐗᑯ ᑳ ᑮ ᐊᐌᓛᐸᒥᑯᑦ ᑭᒋᒪᓂᑐᐗ ᑭᒋ ᑎᐸᔅᑯᓈᑦ ᑳ ᐱᒪᑎᓯᓕᑭ ᓀᔥᑕ ᑳ ᓂᐱᓕᒋ᙮

ᐊᐸᔅᑕᓚᒃ 17:31

ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:5

ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:6

ᓇᒪᐎᓚ ᑲᑕ ᐎ ᐃᑭᓐ: ᐁᓴ ᐁᑯᔅᐱ ᑖᓂ ᑫ ᐃᔑ ᑎᐹᔅᑯᓇᒃ ᐊᔅᑭᓕᐤ ᑭᒋᒪᓂᑐ?

ᓂᔥᑕᒻ ᑯᕆᓐᑎᐊᓇ 15:1

ᓀᔥᑕ ᒫᑲ, ᓂᒋᔖᓂᑐᒃ, ᑭ ᑭᔅᑫᓕᑕᒥᐃᑎᓇᐗᐤ ᐊᓂᒪ ᒥᓗᐋᒋᒧᐎᓐ ᑳ ᑮ ᐎᑕᒫᑕᑾᒃ, ᑳ ᑮ ᐅᑎᓇᒬᒃ ᒫᑲ, ᐃᑕ ᓀᔥᑕ ᑳ ᓂᐸᐎᔦᒃ;

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᑲᓓᔕᐊᓇ 1:11

ᒫᑲ ᑭ ᐎᑕᒫᑎᓇᐗᐤ, ᓂᒋᔖᓂᑐᒃ, ᐊᓂᒪ ᒥᓗᐋᒋᒧᐎᓐ ᑳ ᑮ ᑲᑫᔅᑭᒥᐌᔮᓐ ᓇᒪᐎᓚ ᐃᓕᓕᒃ ᑮ ᐅᒋᐸᓕᐤ᙮

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔓ ᑎᒧᑎ 2:8

ᑭᔅᑭᓯ ᒋᓴᔅ ᙭, ᑌᐱᑦ ᐅᑦ ᐊᐙᔑᒥᔕ ᑳ ᐅᒋᐸᓕᑦ, ᐁ ᑮ ᐗᓂᔥᑳᓈᑲᓂᐎᑦ ᐅᓂᐱᐗ ᐅᒋ, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ:

ᓂᔓ ᑎᒧᑎ 4:1

ᑭᑦ ᐃᑕᔓᒥᑎᓐ ᒫᑲ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᑫ ᑎᐹᔅᑯᓈᑦ ᑳ ᐱᒫᑎᓯᓕᑭ ᓀᔥᑕ ᑳ ᓂᐱᓕᒋ ᐃᔅᐱ ᐯᒋ ᓄᑯᓯᑌ, ᓀᔥᑕ ᐅᑦ ᐅᑭᒪᐎᐎᓐ;

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 9:27

ᓀᔥᑕ ᒫᑲ ᐁ ᐃᑕᔓᐙᒋᑳᑌᓕᒃ ᐃᓕᓕᐗᒃ ᐯᔮᑾᐤ ᑭᒋ ᓂᐱᒋᒃ, ᑭᐃᔥᑾ ᐊᓂᒪ ᒫᑲ ᑭᒋ ᑎᐹᔅᑯᓈᑲᓂᐎᒋᒃ;

ᓂᔥᑕᒻ ᐱᑕᕐ 4:5

ᐊᓂᑭ ᑫ ᐃᑕᒋᒧᔅᑕᐙᒋᒃ ᐊᓂᐃ ᑳ ᐋᔦᔅᑲᐎᓯᓕᒋ ᑭᒋ ᑎᐹᔅᑯᓈᓕᒋ ᑳ ᐱᒫᑎᓯᓕᒋ ᓀᔥᑕ ᑳ ᓂᐱᓕᒋ᙮

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ: