ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:12 - ᐅᔅᑭ ᑎᔅᑌᒥᓐᑦ

¹² ᐋᔕᔾ ᐁ ᑎᐱᔅᑳᒃ ᒥᔅᑕᐃ ᒥᔭᐎᐸᓕᐤ, ᐁ ᑭᔑᑳᒃ ᑭᔑᐙᒃ ᐃᑕᒀᓐ: ᐁᐗᑯ ᐅᒋ ᐌᐱᓈᑕᐤ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᐳᔅᑎᔥᑳᑕᐤ ᒫᑲ ᐙᔅᑌᐎᓂ ᓇᑐᐸᓕᐎ ᐗᐸᒋᑖᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:12 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:14

ᒫᑲ ᐳᔅᑎᔥᑳᒃ ᐅᑎᐯᓕᒋᑫᐤ ᒋᓴᔅ ᙭, ᐁᑳᐎᓚ ᒫᑲ ᐙᔦᔥ ᐃᑌᓕᑕᒧᒃ ᐎᔮᓯᐎᐤ, ᑭᑕ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ᙮

ᓂᔥᑕᒻ ᑯᕆᓐᑎᐊᓇ 10:11

ᒥᓯᐌ ᐅᐅ ᑫᒀᓇ ᒫᑲ ᑮ ᐃᑭᓂᓕᐗ ᑭᒋ ᑭᔅᑭᓄᐊᒫᑫᒪᑲᑭ: ᑮ ᒥᓯᓇᐃᑳᑌᐗ ᒫᑲ ᑭᒋ ᑲᑫᔅᑭᒥᑯᔭᒃ ᑳ ᐅᑎᑎᑯᔭᒃ ᒫᒋᒡ ᐁ ᑭᔑᑳᑭ᙮

ᓂᔥᑕᒻ ᑯᕆᓐᑎᐊᓇ 7:29

ᒫᑲ ᐅᒪ ᓂᑦ ᐃᑣᓐ, ᓂᒋᔖᓂᑐᒃ, ᒐᑲᐙᔑᓋ ᑭᔑᑳᐗ: ᐃᑌᓕᑖᑾᓐ, ᐊᓂᑭ ᑳ ᐎᐎᒋᒃ ᑭᒋ ᐃᔑᓈᑯᓯᒋᒃ ᑖᐱᔅᑯᒡ ᑮᔥᐱᓐ ᐁᑳ ᑮ ᐎᐎᒋᒃ:

ᓂᔓ ᑯᕆᓐᑎᐊᓇ 10:4

ᐌᓴ ᓇᒪᐎᓚ ᐎᔮᓯᐗᓋ ᓂᑦ ᐊᔓᐎᓂᓈᓇ ᐁ ᓄᑎᓂᑫᔮᒃ, ᒫᑲ ᓱᑳᑎᓯᒪᑲᓋ ᑭᒋᒪᓂᑐ ᐅᒋ ᑭᒋ ᐅᒋ ᓂᒋᐌᐱᓂᑳᑌᑭ ᓇᑐᐸᓕᐎᑲᒥᑾ:

ᓂᔓ ᑯᕆᓐᑎᐊᓇ 6:7

ᑖᐺᐎᓂ ᐋᔭᒥᐎᓂᒃ, ᑭᒋᒪᓂᑐ ᐅ ᑲᔥᑭᐅᐎᓂᒃ, ᐁ ᑭᑭᔥᑲᒫᒃ ᓇᑐᐸᓕᐎ ᐋᐸᒋᑖᐎᓇ ᒀᔭᔅᑭᑖᑎᓱᐎᓂᒃ ᑳ ᐅᒋᐸᓕᑭ ᑭᒋᓂᔅᑮᒃ ᐃᑌᑫ ᓀᔥᑕ ᓇᒪᑎᓂᔅᑭᒃ ᐃᑌᑫ,

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐃᐱᓯᔭᓇ 5:11

ᐁᑳᐎᓚ ᒫᑲ ᐎᒉᐙᑲᓂᑕᒪᒃ ᐊᓂᐃ ᐁᑳ ᑳ ᒥᓂᔑᐗᑭ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᒫᑲ ᐊᐙᓯᑌ ᑭᑐᑕᒧᒃ᙮

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᐦᐃᑉᕉᐗ 10:25

ᐁᑳ ᐁ ᐳᓂ ᒪᐗᒋᐃᑐᔭᒃ, ᑖᐱᔅᑯᒡ ᐁ ᑐᑕᑭᒃ ᐋᑎᑦ; ᒫᑲ ᐁ ᑲᑫᔅᑭᒥᑐᔭᒃ, ᐊᐙᓯᑌ ᒫᑲ ᑫᔮᐸᒡ ᐁ ᑐᑕᒪᒃ ᐁ ᑆᐸᑕᒣᒃ ᐊᓂᒪ ᐁ ᑭᔑᑳᒃ ᐁ ᐹᐸᓕᒃ᙮

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:21

ᐁᐗᑯ ᐅᒋ, ᓇᑲᑕᒧᒃ ᒥᓯᐌ ᐎᓂᓯᐎᓐ ᓀᔥᑕ ᑳ ᒥᒉᑎᒃ ᒪᒑᑎᓯᐎᓐ, ᐅᑎᓇᒧᒃ ᒫᑲ ᓗᔅᐹᑎᓯᐎᓂᒃ ᐊᓂᒪ ᑭᒋᑭᔑᑲᐎ ᐋᔭᒥᐎᓐ ᑫ ᑮ ᐅᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:8

ᑭᓚᐗᐤ ᓀᔥᑕ ᔑᐱᓚᐌᓯᒃ; ᐋᔨᒋᑖᒃ ᑭᑌᐃᐙᐗ; ᐌᓴ ᐯᔓᓈᑾᓂᓕᐤ ᑭᒋ ᑕᑯᔑᒃ ᐅᑎᐯᓕᒋᑫᐤ᙮

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔓ ᐱᑕᕐ 3:11

ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮

ᓂᔥᑕᒻ ᒑᓐ 2:18

ᐊᐱᔅᑕᐙᔑᔑᑐᒃ, ᐊᓄᒡ ᐁᐗᑯ ᒫᒋᒡ ᐁ ᑭᔑᑳᑭ: ᑖᐱᔅᑯᒡ ᒫᑲ ᐁ ᑮ ᐯᑕᒣᒃ ᓇᔅᐹᒡ ᙭ ᑭᒋ ᑕᑯᔑᒃ, ᐊᓄᒡ ᐅᑎ ᐃᑕᐗᒃ ᒥᒉᑦ ᓇᔅᐹᒡ ᙭ᑕᒃ; ᐁᐗᑯ ᑳ ᐅᒋ ᑭᔅᑫᓕᑕᒪᒃ ᒫᒋᒡ ᐁ ᑭᔑᑳᑭ᙮

ᑭᔅᑫᓕᑖᑯᑖᑫᐎᓐ 1:3

ᔕᐌᓕᑖᑯᓯᐤ ᐊᓇ ᑳ ᐋᔭᒥᑖᑦ, ᐊᓂᑭ ᓀᔥᑕ ᑳ ᓇᑐᑕᑭᒃ ᐊᓂᐃ ᐃᑗᐎᓇ ᐅᒪ ᑭᔅᑭᐙᐃᑫᐎᓂᒃ, ᓀᔥᑕ ᑳ ᑲᓇᐌᓕᑕᑭᒃ ᐊᓂᐃ ᐁᑯᑕ ᑳ ᒪᓯᓇᐃᑳᑌᓕᑭ: ᐌᓴ ᐯᔓᓈᑾᓐ ᑭᒋ ᐅᑎᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 22:10

ᓂᑎᒃ ᓀᔥᑕ, ᐁᑳᐎᓚ ᐊᑯᔅᑭᐗᓴ ᑳ ᐃᑗᒪᑲᒃ ᑭᔅᑭᓄᐙᒋ ᐋᔭᒥᐎᓐ ᐅᑕ ᒪᓯᓇᐃᑲᓂᒃ; ᐌᓴ ᑫᑳᑦ ᐅᑎᒋᐸᓕᐤ᙮