ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4 - ᐅᔅᑭ ᑎᔅᑌᒥᓐᑦ

⁴ ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4 Iomraidhean Croise

ᐅᐸᓓᑭᔅ ᒫᑎᐤ 4:3

ᐃᔅᐱ ᒫᑲ ᐅᑲᑴᒋᐃᐌᐗ ᐱᐁᒋ ᓈᑎᑯᑦ, ᑮ ᐃᑎᑯ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᐃᑕᔓᐌ ᐅᑯ ᐊᓯᓂᔭᒃ ᑭᒋ ᐊᓚᑯᓇᐎᒋᒃ᙮

ᐊᐸᔅᑕᓚᒃ 17:31

ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮

ᐊᐸᔅᑕᓚᒃ 2:24

ᑭᒋᒪᓂᑐ ᒫᑲ ᒥᓇ ᑮ ᐗᓂᔥᑳᓀᐤ, ᐁ ᑮ ᐋᐸᐊᒪᐙᑦ ᓂᐱᐎ ᐎᓴᑫᓕᑕᒧᐎᓇ; ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᑮ ᒥᒋᒥᓂᑯᑦ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:3

ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᐅᒋ, ᑳ ᑮ ᐯᒋ ᐅᒌᑦ ᐅᑦ ᐊᐙᔑᒥᔑᒃ ᑌᐱᑦ ᐎᔮᓯᐎᐎᓂᒃ ᐃᔑ;

ᓂᔓ ᑯᕆᓐᑎᐊᓇ 13:4

ᐌᓴ ᐋᑕ ᐁ ᑮ ᒋᔅᑖᔅᑾᐙᑲᓂᐎᑦ ᓕᓚᒥᓯᐎᓂᒃ ᐅᒋ, ᐁᓕᐌᒃ ᒫᑲ ᐱᒫᑎᓯᐤ ᐅ ᑲᔥᑭᐅᐎᓂᒃ ᐅᒋ ᑭᒋᒪᓂᑐ᙮ ᐌᓴ ᓂ ᐎᒋᓕᓚᒥᓯᒫᓈᓐ, ᒫᑲ ᓂ ᑳ ᐎᒋᐱᒫᑎᓯᒫᓈᓐ ᐅ ᑲᔥᑭᐅᐎᓂᒃ ᐅᒋ ᑭᒋᒫᓂᑐ ᑭᓚᐗᐤ ᐃᔑ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᓂᔥᑕᒻ ᐱᑕᕐ 1:11

ᐁ ᓈᓇᑕᐌᓕᑕᑭᒃ ᑫᒀᓐ, ᓀᔥᑕᐱᑯ ᑫᑯ ᐁ ᐃᔑᑭᔑᑳᑭ, ᐅᑦ ᐊᒑᑾ ᙭ ᑳ ᑮ ᐱᒋᔅᑳᑯᓕᒋ ᑫ ᐋᒋᒧᓕᒋ, ᐃᔅᐱ ᓂᑳᓐ ᑳ ᑮ ᐋᓕᒧᑕᒥᓕᑭ ᑫ ᐃᔑ ᐙᐎᓴᑫᓕᑕᒥᓕᔅᐸᓐ ᙭ᑕ, ᓀᔥᑕ ᐊᓂᐁᓕᐤ ᑭᔅᑌᓕᑖᑯᓯᐎᓂᓕᐤ ᑫ ᐹᐸᓕᓕᑭᐸᓐ᙮

ᓂᔓ ᐱᑕᕐ 1:21

ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮