ᑭᔅᑫᓕᑖᑯᑖᑫᐎᓐ 9:21 - ᐅᔅᑭ ᑎᔅᑌᒥᓐᑦ

²¹ ᓇᒪ ᓀᔥᑕ ᑮ ᒥᒋᓚᐌᔦᓕᑕᒶᒃ ᐅ ᓂᐹᔨᐌᐎᓂᐙᐗ, ᓀᔥᑕ ᐅ ᒥᑌᐃᐎᓂᐙᐗ, ᓀᔥᑕ ᐅ ᐱᔑᒀᑎᓯᐎᓂᐙᐗ, ᓀᔥᑕ ᐅ ᑭᒧᑎᔅᑭᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 9:21 Iomraidhean Croise

ᐅᐸᓓᑭᔅ ᒫᑎᐤ 15:19

ᐌᓴ ᒥᑌᐃᒃ ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᓂᐹᔨᐌᐎᓇ, ᒫᒪᐎᐃᑐᐎᓇ, ᐱᔑᒀᑎᓯᐎᓇ, ᑭᒧᑎᐎᓇ, ᑭᓛᔅᑭᐎᓐ, ᐹᔅᑕᒧᐎᓇ:

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᑲᓓᔕᐊᓇ 5:20

ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ, ᑯᓵᐱᒋᑫᐎᓐ, ᐸᒀᔑᐌᐎᓐ, ᑭᑳᒥᑐᐎᓐ, ᑲᑴᓕᑕᒧᐎᓇ, ᐋᑯᓚᐌᓯᐎᓐ, ᒀᓗᑕᑐᐎᓐ, ᐸᑳᓂᐃᓱᐎᓇ, ᓇᓈᓂᔑᐃᓱᐎᓇ,

ᑭᔅᑫᓕᑖᑯᑖᑫᐎᓐ 13:13

ᓈᔅᐱᒡ ᒫᒪᔅᑳᒋ ᐃᔑᒋᑫᐤ, ᐁ ᑐᑕᒃ ᐃᔥᑯᑌᓕᐤ ᑭᔑᑯᒃ ᐅᒋ ᑭᒋ ᓛᔑᐸᓕᓕᒃ ᐊᔅᑮᒃ ᐃᔑ ᐁ ᑲᓇᐙᐸᑕᒥᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 13:15

ᐋᔭᐤ ᓀᔥᑕ ᑲᔥᑭᐅᐎᓂᓕᐤ ᑭᒋ ᒥᓛᑦ ᐱᒫᑎᓯᐎᓂᓕᐤ ᐅ ᒪᓯᓕᓕᒥᓕᐗ ᐊᓂᐃ ᐊᐌᓯᓴ, ᐅ ᒪᓯᓕᓕᒪ ᐊᓇ ᐊᐌᓯᔅ ᑭᒋ ᐋᔭᒥᓕᒋ, ᓀᔥᑕ ᑭᒋ ᐃᑐᑕᒥᓕᒋ ᒥᓯᐌ ᐊᓂᑭ ᐁᑳ ᑳ ᐎ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ ᐊᐌᓯᔅ ᑭᒋ ᓂᐸᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 13:7

ᑮ ᒥᓚᐤ ᒫᑲ ᑭᒋ ᓇᑐᐸᓖᔅᑕᐙᑦ ᐅᐸᓓᑭᓴ, ᓀᔥᑕ ᑭᒋ ᔖᑯᒋᐋᑦ: ᑲᔥᑭᐅᐎᓂᓕᐤ ᓀᔥᑕ ᑮ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᑌᐎᓯᓕᒋ ᐃᓕᓕᐗ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᑳ ᑕᑐᔅᑳᓀᓯᓕᒋ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 14:8

ᑮ ᐱᒥᓄᔅᐱᓇᔑᐌᐤ ᒫᑲ ᑯᑕᒃ ᐁᓐᒐᓪ, ᐁ ᐃᑗᑦ, ᐹᐱᓚᓐ ᐸᑭᑎᓐ, ᐸᑭᑎᓐ, ᐊᓂᒪ ᑭᒋ ᐃᑖᐎᓐ, ᐁ ᑮ ᑐᑕᐙᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ ᑭᒋ ᒥᓂᑴᓕᒋ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 16:6

ᐌᓴ ᑮ ᓯᑭᓇᒬᐗᒃ ᐅ ᒥᑯᓕᐤ ᐅᐸᓓᑭᓴ ᓂᔥᑕ ᐅᑭᔅᑭᐙᐃᑫᐗ, ᒥᑯᓕᐤ ᓀᔥᑕ ᑭ ᑮ ᒥᓇᐋᐗᒃ; ᐌᓴ ᑌᐸᑫᓕᑖᑯᓯᐗᒃ᙮

ᑭᔅᑫᓕᑖᑯᑖᑫᐎᓐ 17:2

ᐊᓇ ᑳ ᑮ ᐎᒋᐱᔑᒀᑎᓯᒥᑯᑦ ᑭᒋᐅᑭᒪᐗ ᐅᑕ ᐊᔅᑮᒃ, ᓀᔥᑕ ᐊᓂᐃ ᑳ ᑕᔑᑫᓕᒋ ᐊᔅᑮᒃ ᑮ ᑮᔥᑴᐯᔅᑳᑯᓕᑭ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ᙮

ᑭᔅᑫᓕᑖᑯᑖᑫᐎᓐ 17:4

ᐃᔅᑴᐤ ᒫᑲ ᑮ ᑭᑭᔥᑲᒻ ᒥᑴᑭᓂᓕᐤ ᓀᔥᑕ ᐎᓯᑯᒥᑾᑭᓂᓕᐤ, ᓀᔥᑕ ᑮ ᐙᐌᔑᐅ ᐅᓵᐎᔓᓕᐋᓈᐱᔅᑯᓕᐤ ᓀᔥᑕ ᒣᓗᔑᔑᓕᒋ ᐊᓯᓂᔭ, ᓀᔥᑕ ᐁᓴ, ᐁ ᑕᑯᓇᒃ ᐅᓵᐎᔔᓕᐊᓈᐱᔉ ᒥᓂᒀᑲᓂᓕᐤ, ᐁ ᓵᑲᔅᑭᓀᓕᒃ ᑳ ᓂᐹᓯᓈᑾᑭ ᓀᔥᑕ ᐁ ᐃᔑ ᐎᓇᓂᓕᒃ ᐅ ᐱᔑᒀᑎᓯᐎᓐ:

ᑭᔅᑫᓕᑖᑯᑖᑫᐎᓐ 17:5

ᐅᔅᑲᑎᑯᒃ ᒫᑲ ᐎᓗᐎᓐ ᑮ ᒪᓯᓇᐃᑳᑌᓕᐤ, ᒥᐹᒥᔅᑳᒋᐃᑎᑦ, ᐹᐱᓚᓐ ᑳ ᑭᒋᐃᑌᓂᑖᑯᓯᑦ, ᐅᑳᐎᐙᐗ ᐅᐱᔑᒀᑎᓯᐗᒃ, ᓀᔥᑕ ᑳ ᓂᐹᓯᓈᑾᑭ ᐅᑕ ᐊᔅᑮᒃ᙮

ᑭᔅᑫᓕᑖᑯᑖᑫᐎᓐ 18:3

ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᒥᓂᒀᑕᒶᒃ ᐊᑯᓚᐌᓯᐎᓂ ᔓᒥᓈᐳᓕᐤ ᐅ ᐱᔑᒀᑎᓯᐎᓂᒃ ᑳ ᐅᒋᐸᓕᓕᒃ, ᓀᔥᑕ ᑭᒋᐅᑭᒫᐗᒃ ᐅᑕ ᐊᔅᑮᒃ ᑮ ᐎᒋᐱᔑᒀᑎᓯᒣᐗᒃ, ᓀᔥᑕ ᐊᑖᐌᐎᓕᓕᐗᒃ ᐅᑕ ᐊᔅᑮᒃ ᑮ ᐊᑎ ᒥᔕᑭᓯᐗᒃ ᐁ ᐃᔅᐱᒋ ᒥᒉᑎᓂᓕᑭ ᐅ ᐌᓗᑎᓯᐎᓇ᙮

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 9:20

ᒥᓯᐌ ᒫᑲ ᐃᓕᓕᐗᒃ ᐁᑳ ᑳ ᑮ ᓂᐹᐃᑯᒋᒃ ᐅᐅ ᐋᑯᐃᑖᔅᐱᓀᐎᓇ, ᐁᓕᐌᒃ ᒫᑲ ᑫᔮᐸᒡ ᓇᒪᐎᓚ ᑮ ᒥᒋᓚᐌᔦᓕᑕᒶᒃ ᑳ ᑭ ᐊᔨᐊᑑᔅᑫᒋᒃ ᐅᒋᒋᐙᒃ, ᐁᑳ ᑭᒋ ᓇᐙᑭᔅᑕᐙᒋᒃ ᒪᒋᒪᓂᑐᐗ, ᓀᔥᑕ ᐅᓵᐎᔔᓕᐋᓇᐱᔉ, ᒪᓂᑐᑳᓇ, ᓀᔥᑕ ᔔᓕᐊᓈᐱᔉ, ᓀᔥᑕ ᐅᓵᐙᐱᔉ, ᓀᔥᑕ ᐊᓯᓂ, ᓀᔥᑕ ᒥᔅᑎᒃ, ᐊᓂᐃ ᐁᑳ ᑳ ᐙᐱᓕᒋ, ᓀᔥᑕ ᐅᓯᑌᓕᒋ, ᓀᔥᑕ ᐱᒧᑌᓕᒋ,