ᑭᔅᑫᓕᑖᑯᑖᑫᐎᓐ 8:9 - ᐅᔅᑭ ᑎᔅᑌᒥᓐᑦ

⁹ ᓀᔥᑕ ᓂᔅᑡᐤ ᐃᓕᑯᒃ ᐊᓂᑭ ᐅᔑᐋᑲᓇᒃ ᑭᒋᑲᒥᒃ ᑳ ᐃᑖᒋᒃ, ᓀᔥᑕ ᑳ ᐱᒫᑎᓯᒋᐤ ᑮ ᓂᐱᐗᒃ; ᓂᔅᑡᐤ ᐃᓕᑯᒃ ᓀᔥᑕ ᓈᐱᒀᓇ ᑮ ᓂᔑᐗᓈᑕᓋ᙮

ᑭᔅᑫᓕᑖᑯᑖᑫᐎᓐ 8:9 Iomraidhean Croise

ᑭᔅᑫᓕᑖᑯᑖᑫᐎᓐ 12:4

ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮

ᑭᔅᑫᓕᑖᑯᑖᑫᐎᓐ 16:3

ᐊᓇ ᓂᔓ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᑭᒋᑲᒥᒃ ᑮ ᐃᔑ ᓯᑭᓇ; ᑮ ᐊᑎ ᐃᔑᓈᑾᓐ ᒫᑲ ᑖᐱᔅᑯᒡ ᐃᓕᓕᐤ ᐁ ᓂᐱᑦ ᐅᒥᑯᒻ: ᒥᓯᐌ ᑕᑐ ᒫᑲ ᑳ ᐱᒫᑎᓰᑦ ᑮ ᓂᐱᐤ ᑭᒋᑲᒦᒃ᙮

ᑭᔅᑫᓕᑖᑯᑖᑫᐎᓐ 8:10

ᐊᓇ ᓂᔅᑐ ᐁᓐᒐᓪ ᒫᑲ ᑮ ᑭᑐᑕᐤ, ᑭᒋ ᐊᒐᒃ ᒫᑲ ᑭᔑᑯᒃ ᑮ ᐅᒋ ᐸᑭᔑᓐ, ᐁ ᐸᓯᓱᑦ ᑖᐱᔅᑯᒡ ᐙᔅᑌᓇᒫᑲᓐ, ᑮ ᐸᑭᔑᓐ ᒫᑲ ᓂᔅᑡᐤ ᐃᓕᑯᒃ ᓯᐱᔭ, ᓀᔥᑕ ᐁ ᒫᒧᔅᑭᒋᐗᑭ ᓂᐱᔭ᙮

ᑭᔅᑫᓕᑖᑯᑖᑫᐎᓐ 8:12

ᐊᓇ ᓀᐤ ᐁᓐᒐᓚ ᒫᑲ ᑮ ᑭᑐᑕᐤ, ᓂᔅᑡᐤ ᐃᓕᑯᒃ ᐱᓯᒻ ᒫᑲ ᑮ ᐸᑲᒪᐗᐤ, ᓀᔥᑕ ᓂᔅᑡᐤ ᐃᓕᑯᒃ ᑎᐱᔅᑭᐱᓯᒻ, ᓀᔥᑕ ᓂᔅᑡᐤ ᐃᓕᑯᒃ ᐁ ᐃᑕᓯᒋᒃ ᐊᒐᑯᔑᒃ; ᓂᔅᑡᐤ ᐃᓕᑯᒃ ᒫᑳ ᑮ ᐗᓂᑎᐱᔅᑭᓯᐗᒃ; ᐁ ᑭᔑᑳᒃ ᒫᑲ ᓂᔅᑡᐤ ᐃᓕᑯᒃ ᓇᒪᐎᓚ ᑮ ᐙᔅᑌᐤ, ᐁᑯ ᑖᐱᔅᑯᒡ ᓀᔥᑕ ᑳ ᐃᔑᓈᑾᒃ ᐁ ᑎᐱᔅᑳᒃ᙮

ᑭᔅᑫᓕᑖᑯᑖᑫᐎᓐ 8:7

ᐊᓇ ᓃᔥᑕᒻ ᐁᓐᒐᓐ ᒫᑲ ᑮ ᑭᑐᑕᐤ, ᐁᑯ ᒫᑲ ᐱᐁᒋᐸᓕᒃ ᓭᓭᑲᓐ ᓀᔥᑕ ᐃᔥᑯᑌᐤ ᑭᓕᑲᐤ ᒥᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓂᑳᑌᐗ: ᓂᔅᑡᐤ ᐃᓕᑯᒃ ᒫᑲ ᒥᔅᑎᑾᒃ ᑮ ᒑᑳᔅᑭᓱᐗᒃ, ᓀᔥᑕ ᒥᓯᐌ ᐅᓵᐗᔅᑯᔑᔭ ᑮ ᒑᑳᔅᑭᑌᐗ᙮

ᑭᔅᑫᓕᑖᑯᑖᑫᐎᓐ 9:15

ᑮ ᐋᐸᐙᐗᒃ ᒫᑲ ᐊᓂᑭ ᐁᓐᒐᓚᒃ, ᑳ ᑮ ᐋᔦᔅᑲᐎᐋᑲᓂᐎᒋᒃ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᐤ, ᓀᔥᑕ ᐯᔭᑾᐤ ᐁ ᑭᔑᑳᒃ, ᓀᔥᑕ ᐯᔭᒃ ᐱᓯᒻ, ᓀᔥᑕ ᐯᔭᑾᐤ ᐁ ᐱᐴᒃ, ᓂᔅᑡᐤ ᐃᓕᑯᒃ ᑭᒋ ᓂᐸᐋᒋᒃ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 9:18

ᐅᑯ ᓂᔅᑐ ᒫᑲ ᓂᔅᑡᐤ ᐃᓕᓕᐗᒃ ᑮ ᐅᒋ ᓂᐸᐋᐗᒃ, ᐃᔥᑯᑌᐤ ᐅᒋ, ᓀᔥᑕ ᐁ ᑲᔥᑳᐸᑌᒃ ᐅᒋ, ᓀᔥᑕ ᐅᓵᐙᐱᔅᑯᓯᓂ ᐅᒋ, ᑳ ᐅᒋᐸᓕᓕᒃ ᐅᑐᓂᐙᒃ᙮