ᑭᔅᑫᓕᑖᑯᑖᑫᐎᓐ 7:3 - ᐅᔅᑭ ᑎᔅᑌᒥᓐᑦ

³ ᐁ ᐃᑗᑦ, ᐁᑳᐎᓚ ᐅᔑᑯᑖᒃ ᐊᔅᑭ, ᐁᑳ ᓀᔥᑕ ᑭᒋᑲᒥ, ᐁᑳ ᓀᔥᑕ ᒥᔅᑎᑾᒃ, ᐹᑎᒫ ᑮ ᑭᔅᑭᓄᐙᒋᐃᒪᑭᑡᐌ ᓂ ᑭᒋᒪᓂᑐᒥᓈᓐ ᐅᑦ ᐊᑑᔅᑫᓛᑲᓂᒪ ᐅᔅᑲᑎᑯᐙᒃ᙮

ᑭᔅᑫᓕᑖᑯᑖᑫᐎᓐ 7:3 Iomraidhean Croise

ᐅᐸᓓᑭᔅ ᒫᑎᐤ 24:22

ᑮᔥᐱᓐ ᒫᑲ ᐁᑳ ᑕᑯᑖᑲᓂᐎᑭ ᐊᓂᐃ ᑭᔑᑳᐗ, ᓇᒪᐎᓚ ᐊᐌᓇ ᑲᑕ ᐱᒫᒋᐅᐸᓐ: ᒫᑲ ᐎᓚᐗᐤ ᑳ ᐙᐌᓛᐸᒫᑲᓂᐎᒋᒃ ᑲᑕ ᐅᒋ ᑕᑯᑖᑲᓂᐎᐗ ᐊᓂᐃ ᑭᔑᑳᐗ᙮

ᐅᐸᓓᑭᔅ ᒫᑎᐤ 24:31

ᑲᑕ ᐃᔑᑎᔕᐌᐤ ᒫᑲ ᐅᑦ ᐁᓐᒐᓕᒪ ᓈᔅᐱᒡ ᐁ ᑭᔗᐌᒪᑲᒃ ᐳᑖᒋᑲᓐ, ᑲᑕ ᒪᐗᒋᐁᓕᐗ ᒫᑲ ᐊᓂᐃ ᑳ ᐙᐌᓛᐸᒥᒥᒋ ᓀᐤ ᐁ ᐅᒋᓚᐌᒃ ᐅᒋ, ᓀᔥᑕ ᒥᓯᐌ ᐁᔅᐱᔖᒃ ᐊᑖᒥᒃ ᑭᔑᑯᒃ᙮

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐅᐸᓓᑭᔅ ᒑᓐ 3:33

ᐊᓇ ᑳ ᑮ ᐅᑎᓇᒸᑦ ᐅ ᑎᐹᒋᒧᐎᓂᓕᐤ ᓱᑲᔅᑕᐤ ᑭᒋᒪᓂᑐᐗ ᐁ ᑖᐺᐎᓂᐎᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:22

ᒫᑲ ᐊᓄᒡ ᐁ ᑮ ᐎᑾᒋᐃᑲᐎᔦᒃ ᒪᒋᑣᐎᓂᒃ ᐅᒋ, ᓀᔥᑕ ᐁ ᐅᑦᐊᑑᔅᑫᓛᑲᓂᒥᑖᒃ ᑭᒋᒪᓂᑐ, ᑭ ᒥᓂᔑᐎᓇᐗᐤ ᐸᓓᑭᓯᐎᓂᒃ ᐃᔑ ᑳ ᐃᑕᒧᒃ ᑳᑭᑫ ᐱᒫᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 13:16

ᐃᑐᑕᐌᐤ ᓀᔥᑕ ᒥᓯᐌ, ᑳ ᐋᐱᔑᔑᓕᒋ ᓀᔥᑕ ᑳ ᒥᔑᑭᑎᓕᒋ, ᑳ ᒥᔕᑭᓯᓕᒋ ᓀᔥᑕ ᑳ ᑭᑎᒫᑭᓯᓕᒋ, ᑳ ᑎᐯᓕᒥᑎᓯᓕᒋ ᓀᔥᑕ ᑳ ᐊᐗᑳᓂᐎᓕᒋ, ᑭᒋ ᐅᑎᓇᒥᓕᒋ ᑭᔅᑭᓄᐙᒋᐅᐎᓂᓕᐤ ᐅ ᑭᒋᓂᔅᑭᓕᒃ ᓀᔥᑕᐱᑯ ᐅᔅᑲᑎᑯᓕᒃ:

ᑭᔅᑫᓕᑖᑯᑖᑫᐎᓐ 13:17

ᐁᑳᐎᓚ ᐊᐌᓇ ᓀᔥᑕ ᑭᒋ ᐊᑖᐌᑦ ᓀᔥᑕᐱᑯ ᑭᒋ ᐅᑎᓂᑫᑦ, ᐊᓇ ᐱᑯ ᑳ ᐋᔮᑦ ᑭᔅᑭᓄᐙᒋᐅᐎᓂᓕᐤ, ᓀᔥᑕᐱᑯ ᐅᑦ ᐃᔑᓂᑳᓱᐎᓂᓕᐤ ᐊᐌᓯᓴ, ᓀᔥᑕᐱᑯ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 14:1

ᓂ ᑮ ᐃᑖᐱᓐ ᒫᑲ, ᒫᑎᑲ ᒫᑲ, ᒫᓂᔥᒑᓂᔑᔥ ᑮ ᓂᐸᐎᐤ ᓵᐃᐊᓐ ᐗᒋᒃ, ᐁ ᐎᒋᑳᐸᐎᔅᑖᑯᑦ ᒫᑲ ᒥᑖᑐᒥᑕᓇᐗᐤ ᓀᔥᑕ ᓂᒥᑕᓇᐤ ᓀᐅᔖᑄᐤ ᑭᒋᒥᑖᑐᒥᑕᓇᐤ, ᐅᑖᐎᔭ ᐅᑦ ᐃᔑᓂᑳᓱᐎᓂᓕᐤ ᐅᔅᑳᑎᑯᓕᒃ ᐁ ᒪᓯᓇᐃᑳᑌᓕᒃ᙮

ᑭᔅᑫᓕᑖᑯᑖᑫᐎᓐ 14:9

ᐊᓇ ᓂᔅᑐ ᐁᓐᒐᓪ ᓀᔥᑕ ᑮ ᐱᒥᓄᔅᐱᓇᔑᐌᐤ, ᐁ ᐃᑗᑦ, ᐁ ᑭᔗᐌᑦ, ᑮᔥᐱᓐ ᐊᐌᓇ ᓇᐗᑮᔅᑕᐙᑌ ᐊᓂᐃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅᑎᓇᒸᑌ ᐅ ᑭᔅᑭᓄᐙᒋᐅᐎᓂᓕᐤ ᐅᔅᑲᑎᑯᒃ, ᓀᔥᑕᐱᑯ ᐅᒌᒌᒃ,

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 22:4

ᑲᑕ ᐙᐸᑕᒬᐗᒃ ᒫᑲ ᐅᑖᔅᑕᒥᑯᓕᐤ; ᓀᔥᑕ ᐅᑦ ᐃᔑᓂᑳᓱᐎᓐ ᑲᑕ ᐃᑕᑾᓂᓕᐤ ᐅᔅᑲᑎᑯᐙᒃ᙮

ᑭᔅᑫᓕᑖᑯᑖᑫᐎᓐ 6:6

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᒣᑴᔭᔥ ᐊᓂᑭ ᓀᐤ ᐅᐱᒫᑎᓴᒃ ᐁ ᐃᑗᒪᑲᒃ, ᐯᔭᒃ ᒀᐸᐃᑲᓐ ᐸᑴᔑᑲᓂᒥᓇ ᒦᔅᑯᒡ ᐯᔭᒃ ᔔᓕᐊᐙᐱᔅᑯᔥ, ᓀᔥᑕ ᓂᔅᑐ ᑾᐸᐃᑲᓇ ᐙᐸᓘᒥᓇ ᒥᔅᑯᒡ ᐯᔭᒃ ᔔᓕᐊᐙᐱᔅᑯᔥ; ᐁᑳᐎᓚ ᓀᔥᑕ ᐋᑯᑕ ᒥᔅᑎᑯᐱᒥ ᓀᔥᑕ ᔓᒥᓈᐳ᙮

ᑭᔅᑫᓕᑖᑯᑖᑫᐎᓐ 7:1

ᑳ ᐳᓂᐸᓕᑭ ᒫᑲ ᐅᐅ, ᓂ ᑮ ᐙᐸᒪᐗᒃ ᓀᐤ ᐁᓐᒐᓚᒃ ᐁ ᓂᐸᐎᒋᒃ ᓀᐗᐤ ᐁ ᑳᑭᑫᔮᓕᒃ ᐊᔅᑮᒃ, ᐁ ᒥᒋᒥᓇᑭᒃ ᐊᓂᐃ ᓀᐤ ᓗᑎᓋ ᐅᑕ ᐊᔅᑮᒃ, ᓗᑎᓐ ᐁᑳ ᑭᒋ ᓗᑎᒃ ᐊᔅᑮᒃ, ᓇᒪ ᓀᔥᑕ ᑭᒋᑲᒦᒃ, ᓇᒪ ᓀᔥᑕ ᒥᔅᑎᑯᒃ᙮

ᑭᔅᑫᓕᑖᑯᑖᑫᐎᓐ 7:2

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐙᐸᓄᑖᒃ ᐁ ᐅᒋ ᐅᐱᔅᑳᑦ ᐁ ᐋᔭᐙᑦ ᑭᒋᒪᓂᑐᐗ ᐅᑦ ᐊᑯᔅᑭᐗᓯᑲᓂᓕᐤ: ᑮ ᑌᑆᑌᐤ ᒫᑲ ᐁ ᑭᔗᐌᑦ ᐊᓂᐃ ᓀᐤ ᐁᓐᒐᓚ, ᐊᓂᐃ ᑳ ᑮ ᒥᓛᑲᓂᐎᓕᒋ ᑭᒋ ᐅᔑᑯᑖᓕᒋ ᐊᔅᑭᓕᐤ ᓀᔥᑕ ᑭᒋᑲᒥᓕᐤ,

ᑭᔅᑫᓕᑖᑯᑖᑫᐎᓐ 9:4

ᑮ ᐃᑕᔓᐙᐗᒃ ᒫᑲ ᐁᑳ ᑭᒋ ᐅᔑᑯᑖᒋᒃ ᒪᔅᑯᔑᔭ ᐊᔅᑮᒃ, ᐁᑳ ᓀᔥᑕ ᑫᒀᓐ ᑳ ᐅᓵᐗᔅᑳᓕᒃ, ᐁᑳ ᓀᔥᑕ ᒥᔅᑎᑾ: ᒫᑲ ᐊᓂᐃ ᐃᓕᓕᐗ ᐱᑯ ᐁᑳ ᑳ ᐋᔮᓕᒋ ᑭᒋᒪᓂᑐ ᐅ ᑭᔅᑭᓄᐙᒋᒋᑲᓐ ᐅᔅᑲᑎᑯᐙᒃ᙮