ᑭᔅᑫᓕᑖᑯᑖᑫᐎᓐ 7:2 - ᐅᔅᑭ ᑎᔅᑌᒥᓐᑦ

² ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐙᐸᓄᑖᒃ ᐁ ᐅᒋ ᐅᐱᔅᑳᑦ ᐁ ᐋᔭᐙᑦ ᑭᒋᒪᓂᑐᐗ ᐅᑦ ᐊᑯᔅᑭᐗᓯᑲᓂᓕᐤ: ᑮ ᑌᑆᑌᐤ ᒫᑲ ᐁ ᑭᔗᐌᑦ ᐊᓂᐃ ᓀᐤ ᐁᓐᒐᓚ, ᐊᓂᐃ ᑳ ᑮ ᒥᓛᑲᓂᐎᓕᒋ ᑭᒋ ᐅᔑᑯᑖᓕᒋ ᐊᔅᑭᓕᐤ ᓀᔥᑕ ᑭᒋᑲᒥᓕᐤ,

ᑭᔅᑫᓕᑖᑯᑖᑫᐎᓐ 7:2 Iomraidhean Croise

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 26:63

ᒫᑲ ᒋᓴᔅ ᓇᒪᐎᓚ ᐅᒋ ᑭᑐ᙮ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑌᐤ, ᑭ ᑭᒋᐃᑗᐃᑎᓐ ᐁ ᓇᑐᑖᔉ ᐯᒫᑎᓰᑦ ᑭᒋᒪᓂᑐ, ᑭᒋ ᐎᑕᒫᐎᔮᒃ ᑮᔥᐱᓐ ᑖᐺ ᐃᔭᐎᐗᓀ ᙭, ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᓂᔓ ᑯᕆᓐᑎᐊᓇ 1:22

ᑳ ᑮ ᑭᔅᑭᓄᐙᒋᐃᑕᒃ, ᓀᔥᑕ ᑳ ᑮ ᒥᓕᑕᒃ ᐅ ᑫᒋᓇᐃᐌᐎᓐ ᐊᒑᒃ ᓂᑌᐃᓈᒃ᙮

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐦᐃᑉᕉᐗ 12:22

ᒫᑲ ᑭ ᑮ ᐯᒋ ᓈᑌᓇᐗᐤ ᓵᐃᐊᓐ ᐗᒋ, ᓀᔥᑕ ᐯᒫᑎᓰᑦ ᑭᒋᒪᓂᑐ ᐅᑦ ᐃᑖᐎᓐ, ᑭᒋᑭᔑᑳᐎ ᒋᕉᓴᓕᒻ, ᓀᔥᑕ ᐁᑳ ᑫ ᑮ ᑌᐸᑭᒫᑲᓂᐎᒋᒃ ᐁᓐᒐᓚᒃ,

ᑭᔅᑫᓕᑖᑯᑖᑫᐎᓐ 1:3

ᔕᐌᓕᑖᑯᓯᐤ ᐊᓇ ᑳ ᐋᔭᒥᑖᑦ, ᐊᓂᑭ ᓀᔥᑕ ᑳ ᓇᑐᑕᑭᒃ ᐊᓂᐃ ᐃᑗᐎᓇ ᐅᒪ ᑭᔅᑭᐙᐃᑫᐎᓂᒃ, ᓀᔥᑕ ᑳ ᑲᓇᐌᓕᑕᑭᒃ ᐊᓂᐃ ᐁᑯᑕ ᑳ ᒪᓯᓇᐃᑳᑌᓕᑭ: ᐌᓴ ᐯᔓᓈᑾᓐ ᑭᒋ ᐅᑎᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 10:1

ᓂ ᑮ ᐙᐸᒪᐤ ᒫᑲ ᑯᑕᒃ ᓯᔪᑳᑎᓯᑦ ᐁᓐᒐᓪ ᑭᒋᑭᔑᑯᒃ ᐁ ᐅᒋ ᐯᒋ ᓛᔑᑦ, ᐁ ᑭᑭᔥᑲᒃ ᐗᔅᑯᓕᐤ: ᑕᑯᒡ ᒫᑲ ᐅᔅᑎᒀᓂᒃ ᑮ ᐃᑕᑾᓂᓕᐤ ᐎᑯᐯᓵᑲᓐ, ᐅᑖᔅᑕᒥᑳ ᒫᑲ ᑮ ᐃᔑᓈᑾᓂᓕᐤ ᑖᐱᔅᑯᒡ ᐱᓯᒻ, ᓀᔥᑕ ᐅᓯᑕ ᑖᐱᔅᑯᒡ ᐃᔥᑯᑌᐎ ᓯᑣᔅᐱᔅᑯᐃᑲᓇ:

ᑭᔅᑫᓕᑖᑯᑖᑫᐎᓐ 10:4

ᐃᔅᐱ ᒫᑲ ᐊᓂᑭ ᓂᔂᔅ ᐅᓂᒥᔅᑭᐗᒃ ᑳ ᑭ ᑭᑐᒋᑳ, ᓂ ᐎ ᒪᓯᓇᐃᑳᑖᔾ: ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᐊᑯᔅᑭᐗᓴ ᐊᓂᐃ ᑫᒀᓇ ᑳ ᑮ ᐃᑗᒋᒃ ᐊᓂᑭ ᓂᔂᔅ ᐅᓂᒥᔅᑭᐗᒃ, ᐁᑳᐎᓚ ᒪᓯᓇᐊ᙮

ᑭᔅᑫᓕᑖᑯᑖᑫᐎᓐ 16:12

ᐊᓇ ᓂᑯᑣᔅ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᑭᒋ ᓯᐲᒃ ᔫᑉᕃᑎᔅ ᑮ ᐃᔑ ᓯᑭᓇᒻ: ᐁᑯ ᒫᑲ ᐱᐋᔅᑌᒃ ᓂᐱ ᐁᑯᑕ, ᐅ ᒣᔅᑲᓇᐗᐤ ᑭᒋᐅᑭᒪᐗᒃ ᐙᐸᓄᑖᒃ ᑳ ᐅᑐᑌᒋᒃ ᑭᒋ ᐋᔦᔅᑲᐎᑖᓂᐗᓂᓕᒃ᙮

ᑭᔅᑫᓕᑖᑯᑖᑫᐎᓐ 5:2

ᓂ ᑮ ᐙᐸᒪᐤ ᒫᑲ ᐁ ᒪᔥᑲᐎᓰᑦ ᐁᓐᒐᓪ ᐁ ᐃᑗᑦ ᐁ ᑭᔗᐌᑦ, ᐊᐌᓇ ᑎᐁᐸᑌᓕᑖᑯᓯᑦ ᑭᒋ ᐋᐸᐊᒃ ᒪᓯᓇᐃᑲᓂᓕᐤ, ᓀᔥᑕ ᑭᒋ ᐋᐸᐙᑦ ᐊᑯᔅᑭᐗᓯᑲᓇ?

ᑭᔅᑫᓕᑖᑯᑖᑫᐎᓐ 8:3

ᑯᑕᒃ ᐁᓐᒐᓪ ᒫᑲ ᑮ ᐯᒋ ᐃᑐᑌᐤ ᑮ ᓂᐸᐎᐤ ᒫᑲ ᐸᑭᒋᑲᓈᐱᔅᑯᒃ, ᐁ ᐋᔮᑦ ᐅᓵᐎᔓᓕᐊᓈᐱᔉ ᐸᑭᒋᑫᐎᓛᑲᓐ; ᑮ ᒥᓚᐤ ᒫᑲ ᒥᔅᑕᐃ ᐎᑭᒫᓯᑲᓂᓕᐤ, ᑭᒋ ᐸᑭᑎᓂᑫᑦ ᐊᓯᒋ ᐅᑦ ᐋᔭᒥᐋᐎᓂᓕᐗ ᒥᓯᐌ ᐅᐸᓓᑭᓴ ᐅᓵᐎᔔᓕᐊᓈᐱᔉ ᐸᑭᒋᑲᓈᐱᔅᑯᒃ ᐅᑎᔥᑲᐤ ᐅᑭᒪᐗᐱᐎᓂᒃ ᑳ ᐎᑕᑾᒃ᙮

ᑭᔅᑫᓕᑖᑯᑖᑫᐎᓐ 9:14

ᐁ ᐃᑎᑯᑦ ᐊᓇ ᓂᑯᑣᔅ ᐁᓐᒐᓪ ᑳ ᐋᔮᑦ ᐳᑖᒋᑲᓂᓕᐤ, ᐋᐸᐅᒃ ᐊᓂᑭ ᓀᐤ ᐁᓐᒐᓚᒃ ᑳ ᒫᑯᐱᓱᒋᒃ ᑭᒋ ᓯᐲᒃ ᔫᑉᕃᑏᔅ᙮

ᑭᔅᑫᓕᑖᑯᑖᑫᐎᓐ 9:4

ᑮ ᐃᑕᔓᐙᐗᒃ ᒫᑲ ᐁᑳ ᑭᒋ ᐅᔑᑯᑖᒋᒃ ᒪᔅᑯᔑᔭ ᐊᔅᑮᒃ, ᐁᑳ ᓀᔥᑕ ᑫᒀᓐ ᑳ ᐅᓵᐗᔅᑳᓕᒃ, ᐁᑳ ᓀᔥᑕ ᒥᔅᑎᑾ: ᒫᑲ ᐊᓂᐃ ᐃᓕᓕᐗ ᐱᑯ ᐁᑳ ᑳ ᐋᔮᓕᒋ ᑭᒋᒪᓂᑐ ᐅ ᑭᔅᑭᓄᐙᒋᒋᑲᓐ ᐅᔅᑲᑎᑯᐙᒃ᙮