ᑭᔅᑫᓕᑖᑯᑖᑫᐎᓐ 6:9 - ᐅᔅᑭ ᑎᔅᑌᒥᓐᑦ

⁹ ᐃᔅᐱ ᒫᑲ ᑳ ᑭ ᐋᐸᐊᒃ ᓂᔮᓕᓐ ᐊᔅᑯᔅᑭᐗᓯᑲᓂᓕᐤ, ᓂ ᑮ ᐙᐸᒥᒪᐗ ᔑᐹ ᐸᑭᒋᑲᓈᐱᔅᑯᒃ ᐅᑦ ᐊᒑᑯᐙᐗ ᐊᓂᑭ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑭ ᐅᒋ ᓂᐸᐋᑲᓂᐎᒋᒃ, ᓀᔥᑕ ᐊᓂᒪ ᑎᐹᒋᒧᐎᓐ ᐅᒋ ᑳ ᑮ ᒥᒋᒥᓇᑭᒃ:

ᑭᔅᑫᓕᑖᑯᑖᑫᐎᓐ 6:9 Iomraidhean Croise

ᐅᐸᓓᑭᔅ ᒑᓐ 16:2

ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᐱᓕᐱᔭᓇ 1:23

ᐌᓴ ᓂ ᐙᐙᓀᓕᔅᑳᑯᓐ ᑳ ᓂᔑᑭ, ᐁ ᓇᑕᐌᓕᑕᒫᓐ ᑭᒋ ᑭᑐᑌᔮᓐ, ᓀᔥᑕ ᑭᒋ ᐎᒋᑕᔑᑫᒪᒃ ᙭, ᐁᐗᑯ ᓈᔅᐱᒡ ᐊᐙᓯᑌ ᐁ ᒥᓨᔑᒃ:

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᓂᔓ ᑎᒧᑎ 4:6

ᐌᓴ ᐋᔕᔾ ᓂᑦ ᐋᔦᔅᑲᐎᓰᓐ ᑭᒋ ᐸᑭᑎᓂᑲᐎᔮᓐ, ᐯᔓᓈᑾᓐ ᒫᑲ ᐃᔥᐱᔥ ᑭᒋ ᑭᑐᑌᔮᓐ᙮

ᐦᐃᑉᕉᐗ 12:23

ᐊᓂᒪ ᒫᒪᐎ ᒪᐗᒋᐃᑐᐎᓐ ᓀᔥᑕ ᐅ ᒫᒪᐎᐋᔭᒥᐊᒥᐗᐗ ᓃᔥᑕᒧᔖᓇᒃ, ᑭᒋᑭᔑᑯᒃ ᑳ ᒪᓯᓇᐃᑳᓱᒋᒃ, ᓀᔥᑕ ᑭᒋᒪᓂᑐ ᒥᓯᐌ ᑳ ᑎᐹᔅᑯᓈᑦ, ᓀᔥᑕ ᐅᑦ ᐊᒑᑯᐗᐗ ᑳ ᒀᔭᔅᑭᑎᒋᒃ ᐃᓕᓕᐗᒃ ᐁ ᒥᑐᓂᐋᑲᓂᐎᒋᒃ,

ᑭᔅᑫᓕᑖᑯᑖᑫᐎᓐ 1:2

ᐊᓇ ᑳ ᑮ ᑎᐹᑐᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ, ᓀᔥᑕ ᒥᓯᐌ ᑫᒀᓇ ᑳ ᑮ ᐙᐸᑕᒃ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 14:18

ᑯᑕᒃ ᐁᓐᒐᓪ ᒫᑲ ᐸᑭᒋᑲᓈᐱᔅᑯᒃ ᑮ ᐯᒋ ᐅᑐᑌᐤ, ᑳ ᑎᐯᓕᑕᒃ ᐃᔥᑯᑌᓕᐤ; ᑮ ᑌᑆᑌᐤ ᒫᑲ ᐁ ᑭᔗᐌᑦ ᐊᓂᐃ ᑳ ᐋᔮᓕᒋ ᐁ ᑳᔖᓕᒃ ᑭᔥᑭᔑᑲᓂᓕᐤ, ᐁ ᐃᑗᑦ, ᐃᔑ ᐸᑭᑎᓇ ᑮ ᑭᔥᑭᔑᑲᓐ ᑳ ᑳᔖᒃ, ᒫᐗᒋᐃᒃ ᒫᑲ ᔓᒥᓂᔕᒃ ᔓᒥᓈᑎᑯᒃ ᐅᒋ ᐅᑕ ᐊᔅᑮᒃ; ᐌᓴ ᐅ ᔓᒥᓂᔕ ᑭᔕᑎᓱᓕᐗ᙮

ᑭᔅᑫᓕᑖᑯᑖᑫᐎᓐ 16:7

ᓂ ᑮ ᐯᑕᐗᐤ ᒫᑲ ᑯᑕᒃ ᐸᑭᒋᑲᓈᐱᔅᑯᒃ ᐁ ᐅᒋ ᐃᑗᑦ, ᐁᑯᔑ ᑖᐺ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔪᑳᑎᓯᔭᓐ, ᑖᐺᒪᑲᓋ ᓀᔥᑕ ᒀᔭᔅᑭᑖᑎᓯᒪᑲᓋ ᑭ ᑎᐹᔅᑯᓂᑫᐎᓇ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 8:3

ᑯᑕᒃ ᐁᓐᒐᓪ ᒫᑲ ᑮ ᐯᒋ ᐃᑐᑌᐤ ᑮ ᓂᐸᐎᐤ ᒫᑲ ᐸᑭᒋᑲᓈᐱᔅᑯᒃ, ᐁ ᐋᔮᑦ ᐅᓵᐎᔓᓕᐊᓈᐱᔉ ᐸᑭᒋᑫᐎᓛᑲᓐ; ᑮ ᒥᓚᐤ ᒫᑲ ᒥᔅᑕᐃ ᐎᑭᒫᓯᑲᓂᓕᐤ, ᑭᒋ ᐸᑭᑎᓂᑫᑦ ᐊᓯᒋ ᐅᑦ ᐋᔭᒥᐋᐎᓂᓕᐗ ᒥᓯᐌ ᐅᐸᓓᑭᓴ ᐅᓵᐎᔔᓕᐊᓈᐱᔉ ᐸᑭᒋᑲᓈᐱᔅᑯᒃ ᐅᑎᔥᑲᐤ ᐅᑭᒪᐗᐱᐎᓂᒃ ᑳ ᐎᑕᑾᒃ᙮

ᑭᔅᑫᓕᑖᑯᑖᑫᐎᓐ 9:13

ᐊᓇ ᓂᑯᑣᔅ ᐁᓐᒐᓪ ᒫᑲ ᑮ ᑭᑐᑕᐤ, ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐊᓐᑕ ᐅᒋ ᐁ ᓀᐅᑌᔥᑲᓀᒪᑲᒃ ᐅᓵᐎᔔᓕᐊᓈᐱᔉ ᐸᑭᒋᑲᓈᐱᔉ ᑳ ᐃᑕᑾᒃ ᐅᑎᔥᑲᐤ ᑭᒋᒪᓂᑐᐗ᙮