ᑭᔅᑫᓕᑖᑯᑖᑫᐎᓐ 6:10 - ᐅᔅᑭ ᑎᔅᑌᒥᓐᑦ

¹⁰ ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?

ᑭᔅᑫᓕᑖᑯᑖᑫᐎᓐ 6:10 Iomraidhean Croise

ᐅᐸᓓᑭᔅ ᓘᒃ 2:29

ᑌᐯᓕᒋᑫᔭᓐ, ᐁᑯ ᐁᓕᓇᐗᑦ ᑭᑦ ᐊᑑᔅᑫᓛᑲᓐ ᑭᒋ ᑭᑐᑌᑦ ᑳᔮᒣᓕᑕᒧᐎᓂᒃ, ᑳ ᐃᔑ ᐃᑗᔭᐸᓐ;

ᐅᐸᓓᑭᔅ ᓘᒃ 21:22

ᐌᓴ ᐁᐗᒀᓂᐃ ᑲᒀᑕᑭᓯᐎᓂ ᑭᔑᑳᐗ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᑭᒋ ᑎᐱᐸᓕᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:19

ᑳ ᑭᒋ ᓵᑭᐃᑕᑾᒃ, ᐁᑳᐎᓚ ᐋᔅᑯᒋᐃᐌᒃ ᐁ ᒪᒋᑐᑖᑲᐎᔦᒃ, ᒫᑲ ᐊᐙᓯᑌ ᑕᐎᔅᑕᒧᒃ ᐋᑯᓚᐌᓯᐎᓐ: ᐌᓴ ᐃᑕᓯᓇᐃᑳᑌᐤ, ᓂᓚ ᓂ ᑎᐱᓚᐌᐎᓰᓐ ᐋᔅᑯᒋᐃᐌᐎᓐ; ᓂ ᑳ ᑭᐌᑎᐸᐊᒫᑳᓐ, ᐃᑗᐤ ᑌᐯᓕᒋᑫᑦ᙮

ᐦᐃᑉᕉᐗ 12:24

ᓀᔥᑕ ᒋᓴᔅ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓀᔥᑕ ᒥᑯ ᐁ ᐸᑭᑲᐎᐌᐱᓂᑳᑌᒃ, ᓇᐗᒡ ᒥᓗ ᑫᒀᓇ ᑳ ᐋᓕᒧᑕᒧᒪᑲᑭ ᐃᔥᐱᔥ ᐅᒥᑯᒻ ᐁᐱᓪ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 11:18

ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᒫᑲ ᑮ ᑭᓯᐙᓯᐗᒃ, ᑭᑦ ᐋᑯᓚᐌᓯᐎᓐ ᓀᔥᑕ ᐅᑎᒋᐸᓕᐤ, ᓀᔥᑕ ᐅᑎᒋᐸᓕᓕᐤ ᐅᓂᐱᐗᒃ ᑭᒋ ᑎᐹᔅᑯᓈᑲᓂᐎᒋᒃ, ᓀᔥᑕ ᑭᒋ ᑎᐸᐊᒪᐗᒋᒃ ᑭᑦ ᐊᑑᔅᑫᓛᑲᓇᒃ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᐊᓂᑭ ᓀᔥᑕ ᑳ ᑯᔅᐸᓀᓕᑕᑭᒃ ᑭᑦ ᐃᔑᓂᑳᓱᐎᓂᓕᐤ, ᐁ ᐋᐱᔅᑌᓕᑖᑯᓯᒋᒃ ᓀᔥᑕ ᐁ ᑭᔅᑎᓯᒋᒃ; ᓀᔥᑕ ᑭᒋ ᓂᔑᐗᓈᒋᐊᒋᒃ ᐊᓂᑭ ᑳ ᓂᔑᐗᓈᒋᑖᒋᒃ ᐊᔅᑭᓕᐤ᙮

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 18:24

ᐱᒋ ᒫᑲ ᐁ ᐃᑖᑦ ᑮ ᒥᔅᑭᑳᑌᓕᐤ ᐅᒥᑯᐗᐤ ᐅᑭᔅᑭᐙᐃᑫᐗᒃ, ᓀᔥᑕ ᐅᐸᓓᑭᓴᒃ, ᓀᔥᑕ ᒥᓯᐌ ᐊᓂᑭ ᐅᑦ ᐊᔅᑮᒃ ᑳ ᑮ ᓂᐸᐋᑲᓂᐎᒋᒃ᙮

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮

ᑭᔅᑫᓕᑖᑯᑖᑫᐎᓐ 3:7

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐱᓚᑌᓪᐱᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐸᓓᑭᓯᑦ, ᐊᓇ ᑳ ᑖᐺᐎᑦ, ᐊᓇ ᑳ ᐊᔮᐙᑦ ᑌᐱᑕ ᐅ ᐎᑯᑕᐃᑲᓂᓕᐤ, ᐊᓇ ᑳ ᐹᔅᑭᑌᓇᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᑭᐸᐊᒃ; ᓀᔥᑕ ᑳ ᑭᐸᐊᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᐹᔅᑭᑌᓇᒃ: